ଅରିନ୍ଦମ ମଧ୍ୟ ଜଣେ ମେଧାବୀ ଓ ଅଧ୍ୟବସାୟୀ ଛାତ୍ର ଥିଲା। କିନ୍ତୁ ତା'ର ମଜାକିଆ ସ୍ୱଭାବ ତାକୁ ଅନ୍ୟମାନଙ୍କ ଠାରୁ ଭିନ୍ନ ଏକ ପରିଚୟ ଦେଉଥିଲା। ଲମ୍ବା କ୍ଷୀଣ ଶରୀର ଶରୀର ସହିତ ଲମ୍ବା ଜଟ ଟିଏ ତାକୁ ବେଶ ମାନୁଥିଲା। ସେଥିପାଇଁ ତାକୁ ସମସ୍ତେ 'ଜଟିଆ' ବୋଲି ଡାକୁଥିଲେ।
Trending Photos
ବିଜୟ କୁମାର ଦାସ, ନୂଆଦିଲ୍ଲୀ: ଅରିନ୍ଦମ ସହ ପ୍ରଥମ ଦେଖା ହୁଏ IIMC Dhenkanal ରେ ୨୦୦୪ ମସିହାରେ। ଅନ୍ୟ IIMC ଛାତ୍ରଙ୍କ ଭଳି ଅରିନ୍ଦମ ମଧ୍ୟ ଜଣେ ମେଧାବୀ ଓ ଅଧ୍ୟବସାୟୀ ଛାତ୍ର ଥିଲା। କିନ୍ତୁ ତା'ର ମଜାକିଆ ସ୍ୱଭାବ ତାକୁ ଅନ୍ୟମାନଙ୍କ ଠାରୁ ଭିନ୍ନ ଏକ ପରିଚୟ ଦେଉଥିଲା। ଲମ୍ବା କ୍ଷୀଣ ଶରୀର ଶରୀର ସହିତ ଲମ୍ବା ଜଟ ଟିଏ ତାକୁ ବେଶ ମାନୁଥିଲା। ସେଥିପାଇଁ ତାକୁ ସମସ୍ତେ 'ଜଟିଆ' ବୋଲି ଡାକୁଥିଲେ।
କେବେହେଲେ ଅପମାନିତ ବୋଧ କରିନଥିଲା ଅରିନ୍ଦମ। ଚିରାଚରିତ ଢଙ୍ଗରେ ଗୋଟିଏ ନୀଳ ରଙ୍ଗର ସ୍କୁଟର ଧରି IIMC କ୍ୟାମ୍ପସକୁ କ୍ଲାସ କରିବାକୁ ଆସୁଥିଲା ଅରିନ୍ଦମ। କ୍ଲାସ ରୁମର ପଛ ଧାଡି଼ରେ ବିଭୁ, ନାରାୟଣ, ପରବ୍ରହ୍ମ, ସହିତ ସହିତ ବସିବାକୁ ଭଲ ପାଉଥିଲା ଅରିନ୍ଦମ। ପଛ ଧାଡିରେ ବସୁଥିଲା ସତ ହେଲେ ସାମ୍ବାଦିକତା କ୍ଷେତ୍ରରେ ସମସ୍ତଙ୍କୁ ପଛରେ ପକାଇ ଦେଇ ଆର ପାରିକୁ ଚାଲିଗଲା ଅରିନ୍ଦମ।
ଅରିନ୍ଦମ ସିନା ଅକାଳରେ ଚାଲିଗଲେ... ହେଲେ ସେ ଛାଡ଼ି ଯାଇଥିବା ସ୍ମୃତି... ତାଙ୍କ ସାହସୀ ରିପୋର୍ଟିଂକୁ ଓଡ଼ିଶା ସାମ୍ବାଦିକ ଜଗତ କେବେ ଭୁଲିବ ନାହିଁ
Watch Live TV: https://t.co/o6NQdZTpkl#ZeeOdishaYoutubeLIVE #RIPOTVJournalist #RIPArindamDas #OperationGajraj #OdishaToday pic.twitter.com/oZ4te3NNEV— ZEE Odisha (@ZeeOdisha) September 24, 2021
ଢେଙ୍କାନାଳ ସହରରେ ରହିଲେ ମଧ୍ୟ ଅରିନ୍ଦମର ଆତ୍ମା IIMC କ୍ୟାମ୍ପସରେ ରହୁଥିଲାଛ। କ୍ଲାସ ରୁମ ନହେଲେ ହଷ୍ଟେଲ କେଉଁଠି ନା କେଉଁଠି ଅରିନ୍ଦମର ନିଶ୍ଚିତ ଉପସ୍ଥିତି ଥିଲା। ମୃଣାଳ ସାରଙ୍କ ଠାରୁ ଆରମ୍ଭ କରି ଟୁବୁ ଭାଇ ପର୍ଯ୍ୟନ୍ତ ସମସ୍ତଙ୍କ ପ୍ରିୟ ଥିଲା ଅରିନ୍ଦମ। ରାଜପ୍ରାସାଦ ମୋଡରେ ନୀଳ ସ୍କୁଟର ଦେଖାଯିବା ମାତ୍ରେ ଆମେ ଜାଣି ପାରୁଥିଲୁ ଅରିନ୍ଦମ ଆସୁଛି। ମଜା ମଜା କଥା କହି ସମସ୍ତଙ୍କୁ ହସାଇବା ସହିତ ପାଠ ବିଷୟରେ ସାଙ୍ଗମାନଙ୍କ ସହିତ ଆଲୋଚନା କରିବା ତା'ର ନିତିଦିନିଆ କାମ ଥିଲା।
ଧରିତ୍ରୀରୁ ସାମ୍ବାଦିକତା ଆରମ୍ଭ କରିଥିବା ଅରିନ୍ଦମ କେବେ ପଛକୁ ଫେରି ଚାହିଁନଥିଲା। କ୍ରାଇମ ରିପୋର୍ଟର ଭାବରେ ଓଟିଭିରେ ଯୋଗଦେବା ପରେ ନିଜ କାମ ପ୍ରତି ଆହୁରି ନିଷ୍ଠାବାନ ହୋଇଯାଇଥିଲା । ସବୁ ସମୟରେ କାମକୁ ନେଇ ବ୍ୟସ୍ତ ରହୁଥିଲା। ଏପରିକି ସାଙ୍ଗସାଥି ମାନଙ୍କର ଫୋନ ଉଠାଇବା ମଧ୍ୟ ବନ୍ଦ କରିଦେଇଥିଲା। ନାରଣ କହିବା ଅନୁସାରେ ଅଫିସରେ ଅରିନ୍ଦମର ଗୋଟିଏ ବ୍ୟାଗ ଥିଲା। ଯେଉଁଥିରେ ସାବୁନ, ପେଷ୍ଟ, ତେଲ ଏବଂ ପୋଷାକ ଆଦି ଥିଲା।
ମହାନଦୀରେ ବୋଟ୍ ଟ୍ରାଜେଡି: ଜୀବନ ହାରିଲେ ଯୁବ ସାମ୍ୱାଦିକ ଅରିନ୍ଦମ ଦାସ
Watch Live TV: https://t.co/o6NQdZTpkl#ZeeOdishaYoutubeLIVE #ElephantRescue #RIPOTVJournalist #RIPArindamDas #OperationGajraj #OdishaToday pic.twitter.com/s3EDu0AE9c— ZEE Odisha (@ZeeOdisha) September 24, 2021
କୌଣସି ସମୟରେ ଆବଶ୍ୟକତା ଉପୁଜିଲେ ସେ ଅଫିସରୁ ସିଧା ଘଟଣାସ୍ଥଳକୁ ଯାଉଥିଲା। ବାତ୍ୟା ଠାରୁ ଆରମ୍ଭ କରି 'ଧୁଡୁ଼' ଉପରେ ରିପୋର୍ଟିଂ ପର୍ଯ୍ୟନ୍ତ ସବୁସ୍ଥାନରେ 'ଅରିନ୍ଦମ ଶୈଳୀ' ର ରିପୋର୍ଟିଂର ଝଲକ ଦେଖିବାକୁ ମିଳୁଥିଲା। କଠୋର ପରିଶ୍ରମ ଓ ଅଧ୍ୟାବସାୟ ବଳରେ ଅରିନ୍ଦମ ଓଟିଭିର ମୁଖ୍ୟ ରିପୋର୍ଟର ଭାବରେ ପଦୋନ୍ନତି ପାଇଥିଲା। ଫୋନରେ ମିଳୁନଥିଲା କିନ୍ତୁ ଟିଭିରେ ଆମେ ସବୁବେଳେ ତାକୁ ଦେଖୁଥିଲୁ। ଗର୍ବ ସହିତ ମନରେ ଈର୍ଷା ବି ଆସୁଥିଲା।
ଗୋଟିଏ ଘଟଣାରୁ ଅରିନ୍ଦମର କର୍ତ୍ତବ୍ୟନିଷ୍ଠ ମନୋଭାବର ପରିଚୟ ମିଳେ । ଥରେ ଘଟଣାସ୍ଥଳରେ ପହଞ୍ଚିଲା ପରେ ଅରିନ୍ଦମ ଦେଖିଲା ଯେ ଆଲୋକ ବିନା କ୍ୟାମେରାରେ ଚିତ୍ର ଉତ୍ତୋଳନ କରିବା ଅସମ୍ଭବ। ଆଲୋଚ ବ୍ୟବସ୍ଥା ପାଇଁ ପାଖରେ କିଛି ସମ୍ବଳ ମଧ୍ୟ ନଥିଲା। ହେଲେ ଅରିନ୍ଦମ ଥିଲା ନଛୋଡ଼ବନ୍ଧା। ଗାଡି ଡ୍ରାଇଭର ସହ କଥାବାର୍ତ୍ତା କରି ହେଡ ଲ୍ୟାମ୍ପ ଖୋଲି ଯୋଗାଡ଼ କରାଗଲା ଆଲୋକ ବ୍ୟବସ୍ଥା ଆଉ ଖବର ମଧ୍ୟ ସଂଗ୍ରହ ହେଲା। ଏଥିଲା ଖବର ସଂଗ୍ରହ କରିବା ପ୍ରତି ଅରିନ୍ଦମର ପ୍ରତିବଦ୍ଧତା। ବିଦାୟ ବନ୍ଧୁ ଅରିନ୍ଦମ। ଯେଉଁଠି ବି ଥାଅ ଶାନ୍ତିରେ ଥାଅ। ଜଗନ୍ନାଥଙ୍କ ପାଖରେ ଏହା ହିଁ ପ୍ରାର୍ଥନା।