ମଦୁଆଙ୍କ ଦୁଃଖ ବୁଝିଲେ ସରକାର, ରାତି ୧ଟା ଯାଏ ଖୋଲା ରହିବ ବାର

ଭୁବନେଶ୍ୱର: ଆଉ କିଛି ସମୟର ଅପେକ୍ଷା । ଆଉ ତାପରେ ସମସ୍ତେ ସେଲିବ୍ରେଟ କରିବେ ଇଂରାଜୀ ନୂଆବର୍ଷ ୨୦୨୦ । ନୂଆବର୍ଷ ପାଇଁ ଅନେକେ ଜିରୋ ନାଇଟ ପ୍ଲାନ କରିଥିବାବେଳେ ଅନେକେ ପିକନିକ, ବୁଲାବୁଲି ପ୍ଲାନ କରିଥିବେ । ଆଉ ନୂଆବର୍ଷ ଏବଂ ନୂଆବର୍ଷ ସେଲିବ୍ରେସନକୁ ଆଖି ଆଗରେ ରଖି ସରକାର ମଧ୍ୟ ରାତି ୧ଟା ଯାଏ ବାର ଖୋଲା ରଖିବାକୁ ଅନୁମତି ଦେଇଛନ୍ତି ।

ବଢୁଥିବା ଡିମାଣ୍ଡକୁ ଦେଖି ସରକାର ମଦ କାଉଣ୍ଟରକୁ ରାତି ୧ଟା ଯାଏ ଖୋଲା ରଖିବାକୁ ଅନୁମତି ଦେଇଛନ୍ତି । ଏନେଇ ଚିଠି ମାଧ୍ୟମରେ ସୂଚନା ଦେଇଛନ୍ତି ସରକାର । ତେବେ ସାଧାରଣ ଦିନରେ ମଦ କାଉଣ୍ଟର ରାତି ୧୦ଟା ଯାଏ ଖୋଲା ରୁହେ । 

ଓଡ଼ିଶାର ମହାନଗର ନିଗମ କଟକ ଓ ଭୁବନେଶ୍ୱର ସମେତ ପୁରୀରେ ମଧ୍ୟ କାଉଣ୍ଟର ଖୋଲା ରଖିବାକୁ ସରକାର ଚିଠିରେ ଉଲ୍ଲେଖ କରିଛନ୍ତି । ଭୁବନେଶ୍ୱରରେ ଥିବା ପ୍ରତିଷ୍ଠିତ ତିନିତାରକା ହୋଟେଲେରେ ଜିରୋ ନାଇଟ ସେଲିବ୍ରେସର ବ୍ୟବସ୍ଥା କରାଯାଇଛି । ସେପଟେ ବିଳମ୍ୱିତ ରାତିରେ ଯେପରି କୌଣସି ଅପ୍ରିତିକର ପରିସ୍ଥିତି ନ ଉପୁଜେ ସେଥିପାଇଁ ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ପୋଲିସ ଡିଜି ଅଭୟ ଏନେଇ ପ୍ରସେମିଟ ମାଧ୍ୟମରେ ସୂଚନା ମଧ୍ୟ ଦେଇଛନ୍ତି ଯେ 'ସୁରକ୍ଷା ଆମର ପ୍ରାଥମିକତା ' ।