ଦୀପାବଳୀ ପୂର୍ବରୁ ଘରକୁ ଆଣନ୍ତୁ ଏହି ୭ଟି ଯନ୍ତ୍ର, କେବେ ହେବନାହିଁ ଧନର ଅଭାବ

କଉଡ଼ି, ଶ୍ରୀ ଯନ୍ତ୍ର ସହିତ ଆଣନ୍ତୁ ଏହି ୭ଟି ଜିନିଷ,  ଘରେ ହେବନାହିଁ ଧନର ଅଭାବ 

ଦୀପାବଳୀ ପୂର୍ବରୁ ଘରକୁ ଆଣନ୍ତୁ ଏହି ୭ଟି ଯନ୍ତ୍ର, କେବେ ହେବନାହିଁ ଧନର ଅଭାବ
କଉଡ଼ି, ଶ୍ରୀ ଯନ୍ତ୍ର ସହିତ ଆଣନ୍ତୁ ଏହି ୭ଟି ଜିନିଷ, ଘରେ ହେବନାହିଁ ଧନର ଅଭାବ

ପ୍ରଦ୍ୟୁମ୍ନ କୁମାର ମାଝୀ, ନୂଆଦିଲ୍ଲୀ: ଦୀପାବଳୀରେ ଲକ୍ଷ୍ମୀ ଏବଂ କୁବେରଙ୍କ ପୂଜା କରାଯାଇଥାଏ । ପଞ୍ଚ ମହୋତ୍ସବ ରୂପରେ ପାଞ୍ଚଦିନର ପର୍ବ ପାଳନ ଧନତେରସ ଦିନରୁ ଆରମ୍ଭ ହୋଇଥାଏ ।  ଏହା ସହ ନରକ ଚତୁର୍ଥୀ, ଗୋବର୍ଦ୍ଧନ ପୂଜା ମଧ୍ୟ ପାଳନ କରାଯାଏ । ଏସବୁ ମଧ୍ୟରେ ସବୁଠାରୁ ଗୁରୁତ୍ୱପୂର୍ଣ୍ଣ ହେଉଛି ଦୀପାବଳୀ ପର୍ବ ।  ଚଳିତ ଥର ଦୀପାବଳୀ ପର୍ବ  ଅକ୍ଟୋବର ମାସ ୨୭  ତାରିଖ ଦିନ ପାଳନ କରାଯିବ । ଶାସ୍ତ୍ର ଅନୁସାରେ ଦୀପାବଳୀ କାର୍ତ୍ତିକ ମାସର ଅମାବାସ୍ୟା ତିଥିରେ ପାଳନ କରାଯାଏ ।

ତନ୍ତ୍ରଶାସ୍ତ୍ର ଅନୁସାରେ ଦୀପାବଳୀ ପୂର୍ବରୁ କିଛି ଏମିତି ଜିନିଷ ଘରକୁ ଆଣନ୍ତୁ ଯାହା ଦ୍ୱାରା ଘରେ ଧନ ସମନ୍ଧୀୟ ସମସ୍ୟା କେବେ ଦେଖା ଦେବନାହିଁ । ଜାଣନ୍ତୁ ଏମିତି କେଉଁ ଜିନିଷ ରହିଛି ଯାହାକୁ ଦୀପାବଳୀ ପୂର୍ବରୁ ଘରକୁ ଆଣିଲେ ଶୁଭ ହୋଇଥାଏ ।
କଉଡ଼ି, ଶ୍ରୀ ଯନ୍ତ୍ର ସହିତ ଆଣନ୍ତୁ ଏହି ୭ଟି ଜିନିଷ,  ଘରେ ହେବନାହିଁ ଧନର ଅଭାବ 

  
ଧଳା ଅରଖ ଗଛ ମୂଳ: arakha
ଅରଖ ଫୁଲର ମାଆ ଲକ୍ଷ୍ମୀଙ୍କ ସହ ସମ୍ପର୍କ ରହିଛି ।  ସେଥିପାଇଁ ଦୀପାବଳୀ ପୂର୍ବରୁ ଯେକୌଣସି ଶୁକ୍ରବାର ଦିନ ବିଦ୍ଧି ବିଧାନ ଅନୁସାରେ ଧଳା ଅରଖ ମୂଳକୁ ପୂଜା କରନ୍ତୁ । ଏହାପରେ ତାହାକୁ ଧନ ଭଣ୍ଡାର ଉପରେ ରଖିଦିଅନ୍ତୁ । ଏହା ଦ୍ୱାରା ଘରେ ଧନର ଅଭାବ ଦେଖାଦେବନାହିଁ ।

କମଳ ବିଜ ମାଳ: kamal 
କମଳ ବିଜ ମାଳ ଅର୍ଥାତ ପଦ୍ମଫୁଲ ମଞ୍ଜିରେ ତିଆରି ମାଳା ହୋଇଥାଏ ।  ଏଥିପାଇଁ  ଏହି ମାଳାରେ ମାଆ ଲକ୍ଷ୍ମୀ ବିରାଜମାନ କରିଥାନ୍ତି । କମଳ ବିଜରେ ତିଆରି ମାଳାକୁ ମାଆ ଲକ୍ଷ୍ମୀଙ୍କ ଫଟୋରେ ବିଦ୍ଧି ବିଧାନ ଅନୁସାରେ ପିନ୍ଧାଇ ଦିଅନ୍ତୁ । ଏହାଦ୍ୱାରା ଆପଣଙ୍କ ଘରେ କେବେ ମଧ୍ୟ ଧନର ଅଭାବ ଦେଖାଦେବନାହିଁ ।

ଗୌମତି ଚକ୍ର: gomti
ଘର, ଅଫିସ ଏବଂ ଦୋକାନରେ ଆର୍ଥିକ ସ୍ଥିତି ସୁଧାରିବା ପାଇଁ ଦୀପାବଳୀ ପୂର୍ବରୁ ଏକ ଛୋଟ ହଳଦିଆ କପଡ଼ାରେ ୧୧ଟି ଗୋମତି ଚକ୍ର ନିଅନ୍ତୁ ।  ହଳଦିଆ କପଡ଼ାକୁ ମାଆ ଲକ୍ଷ୍ମୀଙ୍କ ଆଗରେ ରଖିଦିଅନ୍ତୁ କିମ୍ୱା ତାହାକୁ ଘରର ଏକ ସ୍ଥାନରେ ଗୌମତି ଚକ୍ର ମନ୍ତ୍ର ଉଚ୍ଚାରଣ କରି ରଖିଦିଅନ୍ତୁ । ଏକ ଗୌମତି ଚକ୍ର ହଳଦିଆ କପଡ଼ାରେ ରଖି  'ଓଂ ନାରାୟଣ ନମଃ' ମନ୍ତ୍ର ଉଚ୍ଚାରଣ କରନ୍ତୁ ।  ଏହିପରି ଭାବରେ ଗୌମତି ଚକ୍ର ଗୁଡ଼ିକୁ ମଧ୍ୟ ରଖିଦିଅନ୍ତୁ ।  ଏହାପରେ ଧୂପ, ଦୀପ, ଆଦି ଦ୍ୱାରା ବିଦ୍ଧି ବିଧାନ ଅନୁସାରେ ଶ୍ରୀ ବିଷ୍ଣୁ, ଦେବୀ ଲକ୍ଷ୍ମୀ ଏବଂ ଘରର ଠାକୁର ଘରେ ରଖିଥିବା ଗୌମତି ଚକ୍ର ଗୁଡ଼ିକୁ ପୂଜା କରନ୍ତୁ । ପୂଜା ଶେଷ ହେବାପରେ ଏହି ଗୌମତି ଚକ୍ରକୁ ସେଠାରେ ରହିବାକୁ ଦିଅନ୍ତୁ । ତାହା ଆଗ ଦିନ ସେଥିମଧ୍ୟରୁ ୫ଟି ଗୌମତି ଚକ୍ର ନିଜ ଘରର ଧନ ଭଣ୍ଡାରରେ ରଖିଦିଅନ୍ତୁ । ୫ଟି ଗୌମତି ଚକ୍ରକୁ ନିଜର ଦୋକାନ, ଅଫିସ ଏବଂ ଶେଷରେ ବଞ୍ଚିଥିବା ଗୌମତି ଚକ୍ରକୁ ସେହି ହଳଦିଆ କପଡ଼ାରେ ବାନ୍ଧି ଘରର ଠାକୁରଘରେ ରଖିଦିଅନ୍ତୁ । ଏପରି କରିବା ଦ୍ୱାରା ସବୁ ପ୍ରକାରର ଆର୍ଥିକ ସ୍ଥିତି ସୁଦୃଢ଼ ହୋଇଥାଏ ।

ହାତଯୋଡ଼ି: hatajodi

ହାତଯୋଡ଼ିକୁ ମଙ୍ଗଳବାର କିମ୍ୱା ଶନିବାର ଦିନ ଘରକୁ ଆଣନ୍ତୁ । ଏହାକୁ ନାଲି ରଙ୍ଗର କପଡ଼ାରେ ବାନ୍ଧି ଧନ ଭଣ୍ଡାରରେ କିମ୍ୱା ଆଲମିରାରେ ରଖିଦିଅନ୍ତୁ ।

ଶ୍ରୀ ଯନ୍ତ୍ର: sriyantra

ଯଦି ମାଆ ଲକ୍ଷ୍ମୀଙ୍କ କୃପା ଦୃଷ୍ଟି ପାଇବାକୁ ଚାହାନ୍ତି ତ ଘରେ ଶ୍ରୀ ଯନ୍ତ୍ରର ସ୍ଥାପନା କରନ୍ତୁ । ଏହି ଯନ୍ତ୍ର ମାଆ ଲକ୍ଷ୍ମୀଙ୍କ ସହ ୩୩ ଅନ୍ୟ ଦେବୀ ଦେବତାଙ୍କ ଛବି ରହିଥାଏ । ଯାହା ଆପଣ ଭାଗ୍ୟ ବଦଳାଇଦେବ ।

ମୋତି ଶଙ୍ଖ: moti sankha

ଶାସ୍ତ୍ର ଅନୁସାର  କୁହାଯାଏ ବାସଗୃହରେ ମୋତି ଶଙ୍ଖ ରଖିଲେ ଧନ ସଞ୍ଚୟ ହୋଇଥାଏ ।  ଯାହାଦ୍ୱାରା ଆମଦାନୀ ଦୃତ ଗତିରେ ବଢ଼ିଥାଏ ।  ଏଥିପାଇଁ ଏହି ମୋତି ଶଙ୍ଖକୁ ବିଦ୍ଧି ବିଧାନ ଅନୁସାରେ ପୂଜା କରିବା ସହ ଧନ ଭଣ୍ଡାରରେ ରଖିଦିଅନ୍ତୁ ।

କଉଡ଼ି: kaudi

ଶାସ୍ତ୍ର ଅନୁସାରେ ମାଆ ଲକ୍ଷ୍ମୀ ସମୁଦ୍ରରୁ ଉତ୍ପନ ହୋଇଥିଲେ । ସେହିପ୍ରକାର କଉଡ଼ି ମଧ୍ୟ ସମୁଦ୍ରରୁ ବାହାରିଥାଏ । ଏହି କାରଣରୁ କଉଡ଼ି ଧନକୁ ନିଜ ଆଡ଼କୁ ଆକର୍ଷିତ କରିଥାଏ । ସେଥିପାଇଁ କଉଡ଼ି ଆଣି ଘରେ ନିଶ୍ଚୟ ରଖନ୍ତୁ ।

ଏହାସହିତ ଆପଣ ଚାହିଁଲେ କୈଣସି ବାସନକୁସନ, ଝାଡ଼ୁ, ତମ୍ୱା ବା ପିତ୍ତଳ ବାସନ ଆଦି ମଧ୍ୟ ଆଣି ପାରିବେ ।