ବିଜେପିର ଜନସଂପର୍କ ଯାତ୍ରାକୁ ନେଇ ବିଜେଡି ଏବଂ କଂଗ୍ରେସ ପ୍ରତିକ୍ରିୟା, ଲୋକମାନେ ବୁଝି ସାରିଛନ୍ତି

ମଳୟ ମହାନ୍ତି, ଭୁବନେଶ୍ୱର: ନାଗରିକତା ସଂଶୋଧନ ଆଇନ ବା ସିଏଏ ସଂପର୍କରେ ବିଜେପିର ଜନସଂପର୍କ ଯାତ୍ରାକୁ ନେଇ ବିଜେଡି ଏବଂ କଂଗ୍ରେସ ପ୍ରତିକ୍ରିୟା  ପ୍ରକାଶ କରିଛନ୍ତି । ସିଏଏ ପ୍ରସଙ୍ଗରେ ଦେଶକୁ ଧର୍ମ ନାମରେ ଭାଗ ଭାଗ କରିବାକୁ ବିଜେପି ଉଦ୍ୟମ କରୁଥିବା ଲୋକମାନେ ବୁଝି ସାରିଛନ୍ତି । ଏହା ଭାରତୀୟ ସମ୍ବିଧାନ ଏବଂ ମୂଆଦୂଆ ପ୍ରତି କୁଠାରଘାତ ବୋଲି କଂଗ୍ରେସ କହିଛି । ତେଣୁ ଏ ସଂପର୍କରେ ଲୋକମାନେ ବୁଝି ସାରିଛନ୍ତି ଏବଂ ସେଥିପାଇଁ କଂଗ୍ରେସ ପ୍ରତି ଆକର୍ଷୀତ ହେଉଛନ୍ତି । ତେଣୁ ଏଭଳି ସ୍ଥିତିରେ ବିଜେପି ବୁଝାଇବାର କିଛି ମାନେ ନାହିଁ ବୋଲି କଂଗ୍ରେସ କହିଛି ।

ଅନ୍ୟପକ୍ଷରେ ସିଏଏ ପ୍ରସଙ୍ଗରେ ସଚେତନତା କାର୍ଯ୍ୟକ୍ରମକୁ ବିଜେଡି ବିଳମ୍ବିତ ପଦକ୍ଷେପ ବୋଲି କହିଛି । ବିଜେପି ଏହାକୁ ବହୁ ପୂର୍ବରୁ କରିବାର ଥିଲା କିନ୍ତୁ ବିଳମ୍ବରେ କରୁଛି ବୋଲି ବିଜେଡି ସାଂସଦ ପିନାକୀ ମିଶ୍ର କହିଛନ୍ତି । ପୂର୍ବରୁ ସଚେତନତା କାର୍ଯ୍ୟକ୍ରମ  କରିଥିଲେ ସାରା ଦେଶରେ ଏହାକୁ ନେଇ ଏତେ ଅଶାନ୍ତି କିମ୍ବା ନିଆଁ ଜଳି ନ ଥାନ୍ତା । ଅନ୍ୟପକ୍ଷରେ କିନ୍ତୁ ବିଜେପି ଦ୍ୱାରା  ପ୍ରଚଳିତ ଏନଆରସି ଭୟଙ୍କର ଏବଂ ଏହାକୁ ଦଳ ବିରୋଧ କରିଥିବା ବିଜେଡି କହିଛି । ପୂର୍ବରୁ ଦଳ ଏ ସଂପର୍କରେ ନିଜର ପକ୍ଷ ସ୍ପଷ୍ଟ କରିସାରିଥିବା ବିଜେଡି କହିଛି ।