ଓଡିଶା ପରିସୀମା ମଧ୍ୟରେ ଥିବା କୋଟିଆର ତିନୋଟି ଗାଁରେ କିଭଳି ଆନ୍ଧ୍ରପ୍ରଦେଶ ରାଜ୍ୟ ନିର୍ବାଚନ କମିଶନ ନିର୍ବାଚନ କରିବା ନେଇ ବିଜ୍ଞପ୍ତି ପ୍ରକାଶ କଲେ ତାକୁ ନେଇ ସୁପ୍ରିମକୋର୍ଟରେ ପିଟିସନ ଦାଖଲ ହେବ ।
Trending Photos
ମଳୟ ରଞ୍ଜନ ମହାନ୍ତି, ଭୁବେନଶ୍ୱର: କୋଟିଆରେ ଆନ୍ଧ୍ର ପଞ୍ଚାୟତ ନିର୍ବାଚନ କରାଇବା ପ୍ରସଙ୍ଗରେ ସୁପ୍ରିମକୋର୍ଟରେ ରିଟ୍ ପିଟିସନ ଦାଖଲ କରିବେ ରାଜ୍ୟ ସରକାର । ଏ ନେଇ ଆଇନ ବିଭାଗ ଏ ଓ ଆର ଶିବଶଙ୍କର ମିଶ୍ରଙ୍କୁ ଚିଠି କରିଛି । ଓଡିଶା ପରିସୀମା ମଧ୍ୟରେ ଥିବା କୋଟିଆର ତିନୋଟି ଗାଁରେ କିଭଳି ଆନ୍ଧ୍ରପ୍ରଦେଶ ରାଜ୍ୟ ନିର୍ବାଚନ କମିଶନ ନିର୍ବାଚନ କରିବା ନେଇ ବିଜ୍ଞପ୍ତି ପ୍ରକାଶ କଲେ ତାକୁ ନେଇ ସୁପ୍ରିମକୋର୍ଟରେ ପିଟିସନ ଦାଖଲ ହେବ ।
ସେପଟେ କୋଟିଆ ପ୍ରସଙ୍ଗ (Kotia Issue) କୁ ନେଇ ରାଜ୍ୟ ରାଜନୀତି ତୀବ୍ର ହେବାରେ ଲାଗିଛି। ରାଜ୍ୟ ବିଜେପି ପକ୍ଷରୁ ୧୦ ଜଣିଆ ଟିମ୍ କୋଟିଆ ଅଭିମୁଖେ ଯାଇଛନ୍ତି । ରାଜ୍ୟ ସଭାପତି ସମୀର ମହାନ୍ତିଙ୍କ ନେତୃତ୍ବରେ ଏହି ଟିମ୍ କୋଟିଆ ଯାଇଥିବା ବେଳେ ବିରୋଧୀ ଦଳର ନେତାଙ୍କ ସମେତ ବିଧାୟକ ମାନେ କୋଟିଆ ଯାଇଛନ୍ତି। ଏହି ଅବସରରେ ସମୀର ମହାନ୍ତି କହିଛନ୍ତି ଯେ, କୋଟିଆ ସହ ଭାବାଗତ ସମ୍ପର୍କ ରହିଛି । ସେମାନଙ୍କ ସହ କଥା ହେବେ । ସେମାନଙ୍କ ମଧ୍ୟରେ କ'ଣ ସମସ୍ୟା ସେ ନେଇ ଚର୍ଚ୍ଚା କରିବେ ବୋଲି କହିଛନ୍ତି ରାଜ୍ୟ ବିଜେପି ସଭାପତି (State BJP president) । ଏହାସହ ନିର୍ବାଚନ ଉପରେ ପ୍ରତିକ୍ରିୟା ଦେଇ ସେ କହିଛନ୍ତି ଯେ, ବ୍ୟକ୍ତିଗତ ଭାବରେ ଆଲୋଚନା କରିବେ ।
Also Read: କଂଗ୍ରେସ ନେତା ଗୁଲାମ ନବୀ ଆଜାଦଙ୍କ କଥା କହି କାନ୍ଦି ପକାଇଲେ ପ୍ରଧାନମନ୍ତ୍ରୀ
କୋଟିଆ ଓଡ଼ିଶାର ବୋଲି କହିଛନ୍ତି ସମୀର ମହାନ୍ତି । ରାଜ୍ୟ ସରକାର (Odisha Government)ଙ୍କ ଅପାରଗତା ପାଇଁ କୋଟିଆ ପରିସ୍ଥିତି ସୃଷ୍ଟି ହୋଇଛି ବୋଲି ବିରୋଧୀ ଦଳ ନେତା ( Opposition Leader) କହିଛନ୍ତି। କୋଟିଆ (Kotia) ରେ ଆସନ୍ତା ୧୩ ତାରିଖରେ ହେବ ନିର୍ବାଚନ । ରାଜ୍ୟ ସରକାର କେଉଁଠି ଥିଲେ, ପୂର୍ବରୁ କାହିଁକି ପଦକ୍ଷେପ ନେଲେ ନାହିଁ ବୋଲି ସେ ପ୍ରଶ୍ନ କରିଛନ୍ତି । କୋଟିଆ ସମସ୍ୟାକୁ ସମାଧାନ କରିବା ପାଇଁ ରାଜ୍ୟ ସରକାରଙ୍କ ଆନ୍ତରିକତା ନାହିଁ ବୋଲି ସେ ଅଭିଯୋଗ ଆଣିଛନ୍ତି। ସେପଟେ କଂଗ୍ରେସ (Congress) ମଧ୍ୟ ଏ ପ୍ରସଙ୍ଗରେ ରାଜ୍ୟ ସରକାରଙ୍କ ଉପରେ ବର୍ଷିଛି। ଦୀର୍ଘ ଦିନ ହେବ ଏଭଳି ସମସ୍ୟା ଉପୁଜିଥିଲେ ମଧ୍ୟ ଆନ୍ତରିକତାର ଅଭାବ ଯୋଗୁଁ ଏଭଳି ସ୍ଥିତି ହୋଇଛି ବୋଲି ପିସିସି ସଭାପତି (PCC president) ନିରଞ୍ଜନ ପଟ୍ଟନାୟକ କହିଛନ୍ତି (Niranjan Pattanaik)
Edited:Zee Odisha Desk