ବଦଳିଲା ପାର୍କିଂ ନିୟମ, ଏଣିକି ଏତିକି ସମୟ ପାର୍କିଂକୁ ଦେବାକୁ ପଡ଼ିବ ଏତିକି ଟଙ୍କା

ଶାନ୍ତାସ୍ୱରୂପ ରାଉତ, ଭୁବନେଶ୍ୱର: ନୂଆ ପାର୍କିଂ ବ୍ୟବସ୍ଥା ଆପଣେଇଛି ବିଏମସି । ଏଣିକି ସ୍ମାର୍ଟ ସିଟି ଭୁବନେଶ୍ୱରରେ ପାର୍କିଂ କଲେ ଆପଣଙ୍କୁ ଗଣିବାକୁ ପଡିବ ଅଧିକା ଟଙ୍କା । ଅଧିକ ସମୟ ରଖିଲେ ଅଧିକ ଟଙ୍କା ଗଣିବେ ଗାଡି ଚାଳକ । ପ୍ରଥମ ଦୁଇ ଘଣ୍ଟାରେ କମ୍ ଶୁଳ୍କ ଓ ପରେ ଅଧିକା ସମୟ ପାର୍କିଂ କଲେ ଇନକ୍ରିମେଣ୍ଟାଲ ଚାର୍ଜେସ୍ ଆକାରରେ ବର୍ଦ୍ଧିତ ଟଙ୍କା ଦେବାକୁ ପଡିବ । ଏପରି ଏକ ନୂଆ ଟେଣ୍ଡର ନେଇ ପାର୍କିଂ ବ୍ୟବସ୍ଥା ଆପଣେଇଛି ବିଏମସି । 

ଅଧିକ ପଢନ୍ତୁ: ଏହି ଗାଁରେ ବଳି ଦେଇ ଅତିଥିଙ୍କୁ କରନ୍ତି ସ୍ୱାଗତ !

ସେପଟେ ଏହାର କାର୍ଯ୍ୟକାରିତାକୁ ନେଇ ପ୍ରଶ୍ନ ଉଠାଇଛନ୍ତି ଟାଉନ ପ୍ଲାନର୍ । କାରଣ ବିଏମସିର ରାଜକୋଷ ବୃଦ୍ଧି ତଥା ପାର୍କିଂ ବ୍ୟବସ୍ଥାକୁ ବ୍ୟବସ୍ଥିତ କରିବା ଲାଗି ଅନେକ ନୂତନ ପଦକ୍ଷେପ ମାନ ନିଆଯାଉଥିଲେ ସୁଦ୍ଧା କିଛି କମି ରହିଯାଉଛି ଯହାରା ପରିଣାମସ୍ବରୂପ ବିଏମସି ଓ ଟେଣ୍ଡରଧାରୀ ମାଲେମାଲ ହେଉଥିଲେ ହେଁ ସାଧାରଣଲୋକ ଖର୍ଚ୍ଚାନ୍ତର ଶିକାର ହେଉଛନ୍ତି ।

ରାଜକୋଷ ନିଶାରେ ବିଏମସି ! ରାଜଧାନୀରେ ମହଙ୍ଗା ହେବ ପାର୍କିଂ । ସମୟାନୁସାରେ ବଢିବ ପାର୍କିଂ ଶୁଳ୍କ । ସ୍ମାର୍ଟ ସିଟିରେ ଘଣ୍ଟାକୁ ଘଣ୍ଟା ବଢିବ ପାର୍କିଂ ଶୁଳ୍କ । ଏପରି ଏକ ନୂଆ ପାର୍କିଂ ଟେଣ୍ଡରକୁ ଆପଣେଇଛି ଭୁବନେଶ୍ବର ମହାନଗର ନିଗମ । ନୂଆ ବ୍ୟବସ୍ଥା ଅନୁଯାଇ ଦୁଇ ଚକିଆ ଓ ତିନି ଚକିଆ ଯାନ ପାଇଁ ପ୍ରଥମ ଦୁଇ ଘଣ୍ଟାକୁ ୫ ଟଙ୍କା, ପରିବର୍ତ୍ତି ୧ ଘଣ୍ଟା ପାଇଁ ଦୁଇ ଚକିଆ ଗାଡିକୁ ୧୫ ଟଙ୍କା ଏବଂ ତିନି ଚକିଆ ଯାନକୁ ୨୦ ଟଙ୍କା । 

ଅଧିକ ପଢନ୍ତୁ: ଯୁବ ବିଜ୍ଞାନୀଙ୍କ ବିଚକ୍ଷଣ ଉଦ୍ଭାବନ

ସେହିପରି ତା ପର ଦୁଇ ଘଣ୍ଟା ପାଇଁ ଦୁଇ ଚକିଆ ଗାଡିକୁ ଯଥାକ୍ରମେ ୨୫ ଓ ୩୫ ଟଙ୍କା ଏବଂ ତିନି ଚକିଆ ଗାଡିକୁ ୩୫ ଓ ୫୦ ଟଙ୍କା ଦେବାକୁ ପଡିବ । ସେପଟେ ଚାରିଚକିଆ କାର୍ ପାଇଁ ପ୍ରଥମ ଦୁଇ ଘଣ୍ଟାକୁ ୨୦ ଟଙ୍କା ପରିବର୍ତ୍ତି ୩ ଘଣ୍ଟା ପାଇଁ ଯଥାକ୍ରମେ ୪୦ ଟଙ୍କା, ୬୦ ଟଙ୍କା ଓ ୮୦ ଟଙ୍କା ଧାର୍ଯ୍ୟ କରାଯାଇଛି । ସେହିପରି ଚାରିଚକିଆ ଭାରୀଯାନ ପାଇଁ ପ୍ରଥମ ଦୁଇ ଘଣ୍ଟା ୨୫ ଟଙ୍କା ଓ ପରିବର୍ତ୍ତି ୩ ଘଣ୍ଟା ପାଇଁ ଯଥାକ୍ରମେ ୫୦, ୭୫ ଓ ୧୦୦ ଟଙ୍କା ରଖାଯାଇଛି । ଏହାପରେ ପ୍ରତିଘଣ୍ଟାକୁ ୨୦ ଟଙ୍କା ଲେଖାଏଁ ବୃଦ୍ଧି ପାଇବ ।

ଅଧିକ ପଢନ୍ତୁ: LACରେ ଫାଇରିଂ ମୁଡରେ ଡ୍ରାଗନ

ଏହାସହ ଇଲେକ୍ଟିକ୍ ଗାଡି ପାଇଁ ୪୦ ପ୍ରତିଶତ ରିହାତି ଦିଆଯାଇଛି । ଏହାସହ ବ୍ୟବସାୟୀ ମାନଙ୍କ ପାଇଁ ଦିନକୁ ୨୦ ଟଙ୍କା, ୧୫ ଦିନକୁ ୩୦୦ ଟଙ୍କା ଏବଂ ମାସକୁ ୫୦୦ ଟଙ୍କା ଭାବେ ସ୍ବତନ୍ତ୍ର ପାସ୍ ବ୍ୟବସ୍ଥା କରାଯାଇଛି । ସେପେଟେ ଏହି ନୂଆ ବ୍ୟବସ୍ଥାକୁ ପ୍ରଶ୍ନ ଉଠାଇଛନ୍ତି ଟାଉନ ପ୍ଲାନର । ବଡ କଥା ହେଉଛି ଯଦି ଜଣେ ବ୍ୟକ୍ତି ନିର୍ଦ୍ଧାରିତ ସମୟ ଭିତରେ ଗୋଟିଏ ସ୍ଥାନରେ ପାର୍କି ଫି ଦେଇ ସେହି ସମୟ ଭିତରେ ଅନ୍ୟ ସ୍ଥାନରେ ପାର୍କିଂ କରୁଛନ୍ତି ତେବେ ସେଥିପାଇଁ କେତେଥର ଶୁଳ୍କ ଦେବାକୁ ପଡିବ । ଯଦି ନିର୍ଦ୍ଧାରିତ ସମୟ ପାଇଁ ସମାନ ଫି’ ଲାଗୁ ହେବ ତେବେ ସହରବାସୀ ଏହି ନୂଆ ବ୍ୟବସ୍ଥାର ଫାଇଦା ପାଇପାରିବେ ନଚେତ କେବଳ ବିଏମସି ଓ ଟେଣ୍ଡରଧାରୀ ହିଁ ମାଲେମାଲ ହେବେ ।

ଅଧିକ ପଢନ୍ତୁ: ଲାଲୁ ଓ କଂଗ୍ରେସକୁ ଲାଗିଲା ଆଉ ଏକ ଝଟକା