ଧରାଦେଲା ପ୍ରେମିକ, ଝରାଫୁଲକୁ କେବେ ମିଳିବ ନ୍ୟାୟ ?

ଭୁବନେଶ୍ୱର ଏବିଭିପି ଶାଖା ପକ୍ଷରୁ ଛାତ୍ରୀ ଝରାଫୁଲ(Jharaphula) ଙ୍କ ହତ୍ୟାର ପ୍ରକୃତ ଦୋଷୀକୁ ଚି଼ହ୍ନଟ କରାଯାଇ ତୁରନ୍ତ ଦଣ୍ଡ ବିଧାନ କରାଯାଉ ବୋଲି ଦାବି ହୋଇଛି । ଓଡ଼ିଶା ରେ ନାରୀ ଅସୁରକ୍ଷିତ ବୋଲି ଅଭିଯୋଗ କରିଛନ୍ତି ଏବିଭିପିର କାର୍ଯ୍ୟକର୍ତ୍ତା ।

ମଳୟ ରଞ୍ଜନ ମହାନ୍ତି, ଭୁବନେଶ୍ବର: ଚର୍ଚ୍ଚାରେ ଥିବା ରମାଦେବୀ ବିଶ୍ବବିଦ୍ୟାଳୟ ଛାତ୍ରୀ ଝରାଫୁଲକୁ ନ୍ୟାୟ ଦାବିରେ ଏବିଭିପି ପକ୍ଷରୁ ଭୁବନେଶ୍ୱର ମାଷ୍ଟରକ୍ୟାଣ୍ଟିନରେ ବିକ୍ଷୋଭ କରାଯାଇଛି । ରମାଦେବୀ ମହିଳା ବିଶ୍ୱବିଦ୍ୟାଳୟର ଯୁକ୍ତ ତିନି ଦ୍ଵିତୀୟ ବର୍ଷ ଛାତ୍ରୀ ଝରାଫୁଲ ନାୟକଙ୍କ ହତ୍ୟାକାରୀକୁ ଗିରଫ କରିବା ଦାବିରେ ଏବିଭିପିର ବହୁ କର୍ଯ୍ୟକର୍ତ୍ତା ମାଷ୍ଟରକ୍ୟାଣ୍ଟିନରେ ସରକାରଙ୍କ ବିରୋଧରେ ନାରବାଜି କରିଥିଲେ । 

ଭୁବନେଶ୍ୱର ଏବିଭିପି (Bhubaneswar ABVP) ଶାଖା ପକ୍ଷରୁ ଛାତ୍ରୀ ଝରାଫୁଲ(Jharaphula) ଙ୍କ ହତ୍ୟାର ପ୍ରକୃତ ଦୋଷୀକୁ ଚି଼ହ୍ନଟ କରାଯାଇ ତୁରନ୍ତ ଦଣ୍ଡ ବିଧାନ କରାଯାଉ ବୋଲି ଦାବି ହୋଇଛି । ଓଡ଼ିଶା (Odisha) ରେ ନାରୀ ଅସୁରକ୍ଷିତ ବୋଲି ଅଭିଯୋଗ କରିଛନ୍ତି ଏବିଭିପି (ABVP)ର କାର୍ଯ୍ୟକର୍ତ୍ତା । 

ଏପରିକି ପୂର୍ବରୁ ରାଜ୍ୟର ବହୁ ନାରୀ ଦୁଷ୍କର୍ମ ଓ ହତ୍ୟାର ଶିକାର ହୋଇଥିବାବେଳେ ତାଙ୍କୁ ନ୍ୟାୟ ଦିଆଯାଇପାରିନଥିବା ଅଭିଯୋଗ କରାଯାଇଛି। ତେଣୁ ତୁରନ୍ତ ଝରାଫୁଲ ହତ୍ୟାକାଣ୍ଡ (Jharaphula Murder Case) ରେ ସମ୍ପୃକ୍ତ ସମସ୍ତଙ୍କୁ କଠୋର ଦଣ୍ଡବିଧାନ କରିବାକୁ ଏବିଭିପି ରାଜ୍ୟ ଯୁଗ୍ମ ସମ୍ପାଦିକା କବିତା କହଁର। 

ସେପଟେ ରମାଦେବୀ ମହିଳା ବିଶ୍ବବିଦ୍ୟାଳୟ (Ramadevi Women's University) ର ଛାତ୍ରୀଙ୍କୁ ହତ୍ୟାକରି ଫିଙ୍ଗିବା ଘଟଣାରେ ଯୁବତୀଙ୍କ ପ୍ରେମିକ କୁହାଯାଉଥିବା ଯୁବକ ଆତ୍ମସମର୍ପଣ କରିଛନ୍ତି । ଯୁବକଙ୍କ ନାଁ ରାକେଶ ସ୍ବାଇଁ । ଭୁବନେଶ୍ୱର ଏୟାରଫିଲ୍ଡ (AirField) ଥାନାରେ ରାକେଶ ଆଜି ସନ୍ଧ୍ୟା ସମୟରେ ଆତ୍ମସମର୍ପଣ କରିଥିଲେ । ହେଲେ ଅନ୍ୟତମ ଅଭିଯୁକ୍ତ ଏବେ ବି ଫେରାର ଅଛି । ସିସିଟିଭି ଫୁଟେଜ (CCTV) ରୁ ଦୁଇ ଅଭିଯୁକ୍ତଙ୍କୁ ଚିହ୍ନଟ କରିଥିଲା ପୋଲିସ । ସିସିଟିଭି ଭିଡିଓ ଯାଞ୍ଚ କରି ପୋଲିସ ତଦନ୍ତ ଆରମ୍ଭ କରିବା ପରେ ହତ୍ୟାକାଣ୍ଡ ପଛରେ ପ୍ରେମ ବ୍ୟାପାର ଥିବା ଜଣାପଡ଼ିଥିଲା । ଏହି ଘଟଣାରେ ତୁରନ୍ତ ଅଭିଯୁକ୍ତଙ୍କୁ ଗିରଫ କରିବାକୁ ସ୍ଥାନୀୟ ଲୋକେ ଦାବି କରିଥିଲେ । 

Edited: Zee Odisha Desk