ATMରୁ ମଧ୍ୟ ବ୍ୟାପିପାରେ କୋରୋନା, ଟଙ୍କା କାଢ଼ିବା ସମୟରେ ରୁହନ୍ତୁ ସତର୍କ

ଶୁଭଶ୍ରୀ ମହାପାତ୍ର, ଭୁବନେଶ୍ୱର: ସମଗ୍ର ବିଶ୍ୱକୁ କବଳିତ କରିଛି ମାରାତ୍ମକ ଭୂତାଣୁ କୋରୋନା । ଦିନକୁ ଦିନ କୋରେନା ସଂକ୍ରମଣ ସଂଖ୍ୟା ବଢ଼ିବାରେ ଲାଗିଛି । ATM ବ୍ୟବହାର କରି ଗୁଜରାଟର ୩ ଜଣ ଯବାନ୍ COVID-19ରେ ସଂକ୍ରମଣ ହୋଇଥିବା କୁହାଯାଇଛି । ଆପଣ ଯଦି ଟଙ୍କା କାଢ଼ିବା ପାଇଁ ATM ଯାଉଛନ୍ତି, ତେବେ ହୋଇ ଯାଆନ୍ତୁ ସତର୍କ । ଏହି ସବୁ ଦିଗ ଉପରେ ଧ୍ୟାନ ଦେଇ ନିଜକୁ ଓ ନିଜ ପରିବାରକୁ ସୁରକ୍ଷିତ ରଖନ୍ତୁ ।

• ଘରୁ ବାହାରକୁ ଯିବା ସମୟରେ ନିଜ ପାଖରେ ସାନିଟାଇଜର୍ ରଖନ୍ତୁ ।
• ଯଦି ଆପଣ କିଛି ଜିନିଷ ସ୍ପର୍ଶ କରିଛନ୍ତି, ତେବେ ତୁରନ୍ତୁ ହାତକୁ ସଫା କରନ୍ତୁ ।
• ATM ଭିତରେ ପୂର୍ବରୁ ଯଦି କେହି ଉପସ୍ଥିତ ଥା’ନ୍ତି , ତେବେ ତରତର ହୋଇ ଭିତରକୁ ପ୍ରବେଶ କରନ୍ତୁ ନାହିଁ ।
• ଭିତରେ ଥିବା ବ୍ୟକ୍ତି ଟଙ୍କା କାଢ଼ି ବାହାରକୁ ଆସିବା ପର୍ଯ୍ୟନ୍ତ ଅପେକ୍ଷା କରନ୍ତୁ ।
• ନିଜ ପାଖରେ Wet wipes କିମ୍ବା ଟିସ୍ୟୁ ରଖନ୍ତୁ ।
• ATM ଲାଇନରେ ଛିଡ଼ା ହୋଇଥିବା ସମୟରେ ବାରମ୍ବାର ନିଜ ମୁହଁ, ନାକ ଓ ଆଖି ଛୁଇଁବାରୁ ଦୂରେଇ ରୁହନ୍ତୁ ।
• ଲାଇନରେ ଲୋକଙ୍କ ଠାରୁ ୧ମିଟର ଦୂରରେ ରୁହନ୍ତୁ ।
• ATM ଚାମ୍ବର ମଧ୍ୟରେ କିଛି ଛୁଅନ୍ତୁ ନାହିଁ ।
• ଭୁଲରେ କିଛି ସ୍ପର୍ଶ କଲେ, ତୁରନ୍ତ ହାତକୁ ସାନିଟାଇଜରେ ସଫା କରନ୍ତୁ ।
• ATM ପାଖରେ ଛିଡ଼ା ହୋଇଥିବା ବେଳେ, ଚିହ୍ନା ପରିଚୟ କିମ୍ବା ସମ୍ପର୍କୀୟଙ୍କୁ ଦେଖିଲେ ହ୍ୟାଣ୍ଡସେକ କରନ୍ତୁ ନାହିଁ ।
• ଆପଣ ହାତ ହଲାଇ କିମ୍ବା ନମସ୍କାର କରିପାରିବେ ।
• ଥଣ୍ଡା,ସର୍ଦ୍ଦି ଓ କାଶ ହେଉଥିଲେ ବାହାରକୁ ଆଦୌ ଯାଆନ୍ତୁ ନାହିଁ ।
• ATMରେ ଛିଡ଼ା ହୋଇଥିଲେ, ଛିଙ୍କ ଓ କାଶ ଆସିଲେ, ମୁହଁକୁ ଘୋଡାଇ ଦିଅନ୍ତୁ । 
• ଫଳରେ ଅନ୍ୟ ମାନଙ୍କୁ ସଂକ୍ରମଣରୁ ରୋକା ଯାଇପାରିବ ।

ତେଣୁ ସୁବିଧା ବାଟ ହେଉଛି, ଆପଣ ଏଟିଏମ ଅଧିକ ବ୍ୟବହାର ନକରିବା ଭଲ । ନେଣଦେଣ ପାଇଁ ଆପଣ ଡିଜିଟାଲ ମାଧ୍ୟମକୁ ବେଶି ବ୍ୟବହାର କରନ୍ତୁ । ଅନଲାଇନ ମାଧ୍ୟମରେ ସବୁକିଛି କରିବାକୁ ଚେଷ୍ଠା କରନ୍ତୁ । ସତର୍କ ହୁଅନ୍ତୁ, କୋରୋନାର ଦୂରେଇ ରୁହନ୍ତୁ ।