ଅଫିସ ଆସିବେ ନାହିଁ ଦିବ୍ୟାଙ୍ଗ ସରକାରୀ କର୍ମଚାରୀ

ଯଯାତି ମହାନ୍ତି, ଭୁବନେଶ୍ୱର: ଅଫିସ ଆସିବେ ନାହିଁ ଦିଦ୍ୟାଙ୍ଗ ସରକାରୀ କର୍ମଚାରୀ । ଜରି ହେଲା ଦିବ୍ୟାଙ୍ଗଙ୍କ ପାଇଁ ସ୍ୱତନ୍ତ୍ର କୋରୋନା ଗାଇଡଲାଇନ୍ । କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ଏହି ଗାଇଡଲାଇନ ଜାରି ହୋଇଛି । ରାଜ୍ୟ ଭିନ୍ନକ୍ଷମ କମିଶନର ରାଜ୍ୟ ନୋଡାଲ ଅଫିସର ଭାବେ କାମ କରିବେ ବୋଲି ଏଥିରେ କୁହାଯାଇଛି । 

କେନ୍ଦ୍ର ଗୃହ ମନ୍ତ୍ରାଳୟର ଗାଇଡଲାଇନ ମୁତାବକ,  ରାଜ୍ୟ ଭିନ୍ନକ୍ଷମ କମିଶନର ରାଜ୍ୟ ନୋଡାଲ ଅଫିସର ଭାବେ ଏବଂ ଜିଲ୍ଲା ସ୍ତରରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ନୋଡ଼ାଲ ଅଫିସର ଭାବେ କାମ କରିବେ । ସେହିପରି ଦିବ୍ୟାଙ୍ଗଙ୍କ କେୟାରଟେକର କୋରୋନା ବିମାଭୁକ୍ତ ହେବେ । 
ତେବେ ନିୟମିତ ଭାବେ ଦିବ୍ୟାଙ୍ଗଙ୍କ ସ୍ୱାସ୍ଥ୍ୟବସ୍ଥା ବୁଝିବେ ନୋଡ଼ାଲ ଅଧିକାରୀ । କେବଳ ଏତିକି ନୁହେଁ, ଯାତାୟାତ ପାଇଁ ଟ୍ରାଇସାଇକଲ ଖରାପ ହେଲେ ତୁରନ୍ତ ମରାମତି କରିବ ବିଭାଗ । 

ଏଠାରେ କହିରଖୁଛୁ, ୨୦୧୧ ଜନ ଗଣନା ଅନୁସାରେ ରାଜ୍ୟରେ ୧୨ ଲକ୍ଷ ୪୬ ହଜାର ଦିବ୍ୟାଙ୍ଗ ଥିଲେ । ଏବେ ଏହା ୨୦ ଲକ୍ଷରେ ପହଞ୍ଚିଥିବା କୁହାଯାଉଛି । 

Add Zee News as a Preferred Source