ହେଇଟି, ଗୋଟେ ନୂଆ ମାଲ୍ କାଲି ଆ... ଆ ଆସୁଛି!

ଚାରୁ ଚନ୍ଦନ ଦାଶ, ଭୁବନେଶ୍ୱର: ହେ.. ହେ.. ହେଇଟି,  ଗୋଟେ ନୂ.. ନୂଆ ମାଲ୍ କାଲି ଆ ଆ ଆସୁଛି, ନଟିଆ ସହିତ । ଚମକି ପଡ଼ିଲେ କି ?  ନୂଆ ଅନ୍ଦାଜ ଓ ନୂଆ ଷ୍ଟାଇଲରେ ଓଡ଼ିଆ ସିନେ ଇଣ୍ଡଷ୍ଟ୍ରିରେ ପ୍ରମୋସନ କରୁଥିବା ଓଡ଼ିଆ ହିରୋ ସବ୍ୟସାଚୀଙ୍କ ଇନଷ୍ଟାଗ୍ରାମରେ ଏଭଳି ଏକ ଷ୍ଟୋରୀ ଅପଲୋଡ ହୋଇଛି, ଯାହାକୁ ନେଇ ଏବେ ସୋସିଆଲ ମିଡିଆରେ ଚର୍ଚ୍ଚା ହେଉଛି । ନଭେମ୍ୱର ୮ରେ ରିଲିଜ ହେଉଛି ସବ୍ୟସାଚୀ ଓ ଏଲିନା ସାନ୍ତରାୟଙ୍କ ନୂଆ ଫିଲ୍ମ 'ମାଲ୍ ମହୁ ଜୀବନ ମାଟି, ଭାଗ୍ୟର ନୋ ଗ୍ୟାରେଣ୍ଟି' । ସମ୍ପୂର୍ଣ୍ଣ ଦେଶୀ ତଡ଼କା ସହ ସ୍କ୍ରିନରେ ଫୁଲ୍ ବୋବାଲ କରିବାକୁ ଏବେ ପୂରା ଟିମ୍ ତୟାର ଅଛି ।  ଏ ସବୁ ଭିତରେ ଏହି ଫିଲ୍ମର ପ୍ରମୋସନ ଉପରେ ବିଶେଷ ଗୁରୁତ୍ୱ ଦେଇଛନ୍ତି ସବ୍ୟସାଚୀ ମିଶ୍ର । ଏଯାଏ ଫିଲ୍ମରେ ସବ୍ୟସାଚୀଙ୍କ କ୍ୟାରେକ୍ଟରକୁ ରିଭିଲ କରାଯାଇ ନାହିଁ । ତେବେ ଖୁବଶୀଘ୍ର ନଟିଆ ଏହାକୁ ରିଭିଲ କରିବ ।

ନଟିଆ ହେଉଛି ଏକ କାର୍ଟୁନ କ୍ୟାରେକ୍ଟର, ଯିଏ ଫିଲ୍ମ ପ୍ରମୋସନର ମୁଖ୍ୟ ଭୂମିକା ଗ୍ରହଣ କରିଛି । ସବ୍ୟଙ୍କ ଇନଷ୍ଟାଗ୍ରାମ ପୋଷ୍ଟ ଦେଖିଲେ ସ୍ପଷ୍ଟ ବାରି ହୋଇ ପଡ଼ୁଛି ଯେ ଏହା ଏକ କମେଡି ଫିଲ୍ମ । ଏହି ପୋଷ୍ଟରେ ଥିବା ଫଟୋରେ ସବ୍ୟସାଚୀ ଏକ ମାଟିଆ ରଙ୍ଗର ଜ୍ୟାକେଟ୍ ସହ ନୀଳ ରଙ୍ଗର ଜିନ୍ସ ଓ ତା'ସାଙ୍ଗକୁ ଏକ ଚଷମା ମଧ୍ୟ ପିନ୍ଧିଛନ୍ତି । ତାଙ୍କ ହାତ ଧରିଛି ନଟିଆ । ଓଡ଼ିଆ ସିନେ ଇଣ୍ଡଷ୍ଟ୍ରୀରେ ଏଭଳି ପ୍ରମୋସନ ପୂର୍ବରୁ କେବେ ଦେଖାଯାଇନି ।

ଫିଲ୍ମ ପୂର୍ବରୁ ସବ୍ୟସାଚୀ ସମସ୍ତ ଓଡ଼ିଆ ଦର୍ଶକଙ୍କୁ ଦେଇଛନ୍ତି ଏକ ବାର୍ତ୍ତା, ସବ୍ୟଙ୍କ କହିବା କଥା, ଧୀରେ ଧୀରେ ଓଡ଼ିଆ ଫିଲ୍ମ ପ୍ରତିଟି ଲୋକଙ୍କ ମଧ୍ୟରେ ବିତୃଷ୍ଣା ଭାବନା ସୃଷ୍ଟି କରୁଛି । ତେଣୁ, ଏଥର ହାଇଟେକ୍ ପବ୍ଲିସିଟି ଉପରେ ବିଶେଷ ଗୁରୁତ୍ୱ ଦିଆଯାଇଛି ।  ଫିଲ୍ମ ପୂର୍ବରୁ ଏହାର ପ୍ରମୋସନକୁ ଫୋକସ୍ କରାଯାଇଛି, ଏହି ଚଳଚ୍ଚିତ୍ର ରିଲିଜ ହେବା ପୂର୍ବରୁ ଯେମିତି ସମସ୍ତଙ୍କ ପାଖରେ ପହଞ୍ଚିବ ଓ ଅଧିକରୁ ଅଧିକ ଓଡ଼ିଆ ଦର୍ଶକ ଏହି ଚଳଚ୍ଚିତ୍ରକୁ ଉପଭୋଗ କରିବେ ତାହା ହିଁ ମିଶ୍ରଙ୍କ ଉଦ୍ଦେଶ୍ୟ ରହିଛି । ସେନେଇ ଏବେଠୁ ଜୋରଦାର ପ୍ରଚାର ପ୍ରସାର ଆରମ୍ଭ ହୋଇଯାଇଥିବା ନେଇ ସୂଚିତ କରିଛନ୍ତି ଅଭିନେତା ମିଶ୍ର ।

View this post on Instagram

How is the Dance in Pan Pan Song? Did you like it? If I haven't seen, click the link in the Bio! Mal Mahu Jiban Mati releasing Nov 8th!

A post shared by Sabyasachi Mishra (@sabyasachi_actor) on Oct 12, 2019 at 9:48am PDT

'ମାଲ୍ ମହୁ ଜୀବନ ମାଟି, ଭାଗ୍ୟର ନୋ ଗ୍ୟାରେଣ୍ଟି' ଫିଲ୍ମରେ ସବ୍ୟସାଚୀ ଜଣେ ଖନା ଭାବେ ଅଭିନୟ କରୁଛନ୍ତି । ସୁନ୍ଦର, ହ୍ୟାଣ୍ଡସମ ଦେଖାଯାଉଥିବା ସତ୍ତ୍ୱେ ଚରିତ୍ର ରୂପକ ଜୀବନଟା କିଭଳି ମାଟି ହୋଇଯାଉଛି ଏବଂ ପରବର୍ତ୍ତୀ ସମୟରେ ତାକୁ କିଭଳି ହିରୋ ନିଜକୁ ପ୍ରମାଣିତ କରିବାରେ ସଫଳ ହେଉଛି  ତାହା ଏହି ସିନେମାରେ ଦର୍ଶାଯାଇଛି । ସବ୍ୟ ଓ ଏଲିନାଙ୍କ ବ୍ୟତୀତ ଅସିମା ପଣ୍ଡା, ସତ୍ୟଜିତ ପ୍ରଧାନ, ହରିହର ଦାଶ ଏବଂ ଶାଶ୍ୱତ ଯୋଶୀ ପ୍ରମୁଖ ଏଥିରେ ଅଭିନୟ କରିଛନ୍ତି । ସେହିପରି ଏହି ଫିଲ୍ମରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଅଭିଜିତ ମଜୁମଦାର । ଅମରା ମ୍ୟୁଜିକ ଏବଂ ଲେଡି ବାର୍ଡ ପ୍ରଡକ୍ସନ ପକ୍ଷରୁ ଏହି ଫିଲ୍ମ ନିର୍ମାଣ କରାଯାଇଛି ।