ସକାଳୁଆ ସ୍କୁଲକୁ ଖରା ଅଡୁଆ

ଶାନ୍ତସ୍ବରୂପ ରାଉତ, ଭୁବନେଶ୍ବର : ଆଜିଠାରୁ ସାରା ରାଜ୍ୟରେ ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ସକାଳୁଆ ସ୍କୁଲ ଆରମ୍ଭ ହୋଇଛି । ସକାଳ ୭ଟାରୁ ଦିନ ଗୋଟାଏ ଯାଏଁ ନମମରୁ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ପାଠପଢା ନେଇ ପୂର୍ବରୁ ଗଣଶିକ୍ଷା ବିଭାଗ ପକ୍ଷରୁ ଜାରି ନିର୍ଦ୍ଦେଶାନାମା ଅନୁଯାଇ ପାଠପଢା ହୋଇଛି । ସକାଳ ୭ରୁ ୯ ଟା ଯାଏଁ ନବମ ଓ ଏକାଦଶ ଏବଂ ୯ଟାରୁ ୧ଟା ପର୍ଯ୍ୟନ୍ତ ଦଶମ ଓ ଦ୍ବାଦଶ ଶ୍ରେଣୀ ପାଇଁ ପାଠପଢା ହୋଇଛି ।

ତେବେ ଦିନ ଗୋଟାଏ ଢୁ ଢୁ ଖରା ସମୟରେ ଦଶମ ଓ ଦ୍ବାଦଶ ଛାତ୍ରଛାତ୍ରୀ ମାନେ ଘରକୁ କିପରି ଫେରିବେ ସେନେଇ ଶିକ୍ଷକ ସଂଘ ଓଷ୍ଟା ପକ୍ଷରୁ ବିରୋଧ କରାଯାଇଛି । ରାଜ୍ୟରେ ତାପମାତ୍ରା ୪୦ ଡିଗ୍ରୀ ଅତିକ୍ରମ କରିସାରିଲାଣି । ଏବେରୁ ତତଲା କଡେଇରେ ରାଜ୍ୟର ଅଧିକାଂଶ ସହର ଭାଜି ହେଉଛି । ତେଣୁ କୋଭିଡ଼ ସାଙ୍ଗକୁ ଖରା ଓ ଅଂଶୁଘାତ ପ୍ରତିକାର ସ୍ବରୂପ ଗଣଶିକ୍ଷା ବିଭାଗ ପକ୍ଷରୁ ଆଜିର ପରିବର୍ତ୍ତୀତ ସମୟରେ ଆହୁରି ପରିବର୍ତ୍ତନ କରିବାକୁ ଦାବୀ ହୋଇଛି । ସକାଳ ୬.୩୦ରୁ ଦିନ ୧୧ଟା ୩୦ ପର୍ଯ୍ୟନ୍ତ ନବମରୁ ଦ୍ବାଦଶ ପର୍ଯ୍ୟନ୍ତ ପାଠପଢା କରିବାକୁ ସେମାନେ ନିବେଦନ କରିଛନ୍ତି ।

ସେପଟେ ଭଦ୍ରକ ଜିଲ୍ଲା ଗସ୍ତରେ କିଛି ସ୍କୁଲ ପରିଦର୍ଶନ କରି ସକାଳୁଆ ପାଠପଢାକୁ ଅନୁଧ୍ୟାନ କରିଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ।ଏବେ ସକାଳୁଆ ସ୍କୁଲ ରେ ଖରା ଅଡୁଆକୁ ନେଇ ବିଚାର ବିମର୍ଷ କରି ନିଷ୍ପତ୍ତି ନିଆଯିବ ବୋଲି ବିଭାଗୀୟ ମନ୍ତ୍ରୀ କହିଛନ୍ତି । ଅପରପଟେ ବାରମ୍ବାର ସ୍କୁଲ ପାଠପଢା ସମୟ ବଦଳିଲେ ୧୦୦ ଦିନିଆ ପାଠପଢ଼ା କଣ୍ଟରେ ବାଧା ଉପୁଜିବାର ସମ୍ଭାବନା ରହିଛି । ଏବେ ଅପେକ୍ଷା ଆଗାମୀ ଦିନରେ ବିଭାଗ କି ପଦକ୍ଷେପ ନେଉଛି ।