ଚନ୍ଦ୍ରକୁ ପ୍ରଥମ ମହିଳା ଏଷ୍ଟ୍ରୋନୋଟଙ୍କୁ ପ୍ରେରଣ କରିବାକୁ ଲକ୍ଷ୍ୟ ରଖିଛି ନାସା...୨୦୨୪ରେ ହେବାକୁ ଯାଉଥିବା ଏହି ମିଶନ ପାଇଁ ଜାରି ରହିଛି ପ୍ରସ୍ତୁତି
Trending Photos
ପ୍ରକାଶ ରଂଜନ ପରିଡ଼ା, ନୂଆଦିଲ୍ଲୀ: ଚନ୍ଦ୍ରପୃଷ୍ଠରେ କୌଣସି ମାନବ ପାଦ ଥାପିବାକୁ ବିତିଛି ୪୭ ବର୍ଷ । କିନ୍ତୁ ୟୁଏନ ସ୍ପେସ ଏଜେନ୍ସୀ ଏବେ ନୂଆ ମିଶନ ଆରମ୍ଭ କରିବାକୁ ଯାଉଛି । ଏବେ ନାସା ଚନ୍ଦ୍ରକୁ ପ୍ରଥମ ମହିଳା ଏଷ୍ଟ୍ରୋନୋଟଙ୍କୁ ପ୍ରେରଣ କରିବାକୁ ଲକ୍ଷ୍ୟ ରଖିଛି । ଏହାସହିତ ପୁଣି ଥରେ ନାସା ଜଣେ ପୁରୁଷଙ୍କୁ ମଧ୍ୟ ମିଶନରେ ସାମିଲ କରିବାକୁ ଲକ୍ଷ୍ୟ ରଖିଛି । ୨୦୨୪ରେ ହେବାକୁ ଯାଉଥିବା ଏହି ମିଶନ ପାଇଁ ପ୍ରସ୍ତୁତି ଜାରି ରଖିଛ ନାସା । ଆମେରିକା ମହାକାଶ ଗବେଷଣା ଏଜେନ୍ସି ଆଗମୀ ପୀଢି ପାଇଁ ଏପରି ସ୍ପେସ ସୁଟ ତିଆରି କରିଛି, ଯାହାକୁ ଚନ୍ଦ୍ର କିମ୍ବା ମଙ୍ଗଳ ଅଭିଯାନରେ ଯାଉଥିବା ଏଷ୍ଟ୍ରୋନୋଟ ପିନ୍ଧି ପାରିବେ । ଏହା ୧୯୬୦ ଓ ୧୯୭୦ ମସିହାରେ ମହାକାଶଚାରୀ ପିନ୍ଧୁଥିବା ପୋଷାକଠାରୁ ଭିନ୍ନ ଅଟେ । ଏହାସହିତ ଏହାର ଉପଯୋଗିତା ମଧ୍ୟ ବହୁତ ଉନ୍ନତ ଅଟେ । ଏହି ପୋଷାକ ପ୍ରଥମ ଥର ନାସା ୨୦୨୪ରେ ହେବାକୁ ଥିବା ଲୁନାର ମିଶନରେ ବ୍ୟବହାର ହେବ । ଏହାର ନାମ THE EXPLORATION EXTRAVEHICULAR MOBILITY UNIT ରଖାଯାଇଛି । ଏହାସହିତ ଅରେଞ୍ଜ ହେଡ୍ସର ଦ୍ୱୀତୀୟ ସ୍ପେସ ସୁଟର ନାମ THE ORION CREW SURVIVAL SYSTEM ରଖାଯାଇଛି । ଏହି ପୋଷାକର ବିଶେଷତ୍ୱ ହେଉଛି ଚନ୍ଦ୍ର ପୃଷ୍ଟରେ ପହଞ୍ଚିବା ପରେ ଓ ଫେରିବା ପରେ ମଧ୍ୟ ପୃଥିବୀ ପୃଷ୍ଠରେ ଏହାକୁ ପିନ୍ଧା ଯାଇ ପାରିବ । ନାସାର ସୂଚନା ଅନୁସାରେ ଲାଲ, ଶ୍ୱେତ ଓ ନୀଳ ରଙ୍ଗର ଏହି ସ୍ପେସ ସୁଟକୁ ଜୀବନଦାୟୀ ବ୍ୟାକପ୍ୟାକରେ ନିର୍ମାଣ କରାଯାଇଛି । ଏହାକୁ ପରିଧାନ କରିବା ପରେ ମହାକାଶ ଯାତ୍ରୀଙ୍କୁ ରେଡିଏସନ, ହାଇ ଟେମ୍ପରେଚର ଓ ମାଇକ୍ରା ମିଟରୋୟୋରିଡସରୁ ରକ୍ଷା ମିଳିବ । ନାସା ପ୍ରଶାସକ ଚନ୍ଦ୍ରର ଅନୁସନ୍ଧାନ ପାଇଁ ଡିଜାଇନ ହୋଇଥିବା ପୋଷାକକୁ ଜଣେ ମହିଳା ଓ ଜଣେ ପୁରୁଷଙ୍କୁ ପିନ୍ଧାଇଛନ୍ତି ।
ନାସା ଦ୍ୱାରା ତିଆରି ହୋଇଥିବା ଏହି ସ୍ପେସ ସୁଟ ବହୁତ ହାଲକା ଓ ଆରାମ ଦାୟକ । ଯାହାକୁ ପିନ୍ଧିବା ପରେ ଏଷ୍ଟ୍ରୋନେଟ୍ସଙ୍କୁ ମୁଭମେଣ୍ଟ ପାଇଁ କୌଣସି ସମସ୍ୟା ହେବ ନାହିଁ । ଏହାସହିତ ସବୁ ଏଷ୍ଟ୍ରୋନେଟ୍ସଙ୍କୁ ଏହି ସ୍ପେସସୁଟ ଫିଟ ହୋଇପାରିବ । ଏହାକୁ ପରିଧାନ କରି ଖୁବହ ସହଜରେ ଯାତାୟାତ କରିହେବ ଓ ତଳକୁ ମଧ୍ୟ ଅନାୟାସରେ ଚାହିଁ ହେବ । ଏହାସହିତ ଏଥିରେ ଲାଗିଥିବା ହେଲମେଟରେ କମ୍ୟୁନିକେସନ ପାଇଁ ସମସ୍ତ ବ୍ୟବସ୍ଥା ଉପଲବ୍ଧ ରହିଛି । ବର୍ତ୍ତମାନ କେବଳ ଏହାର ଶେଷ ପର୍ଯାୟ ପରୀକ୍ଷଣ ବାକି ରହିଛି । ଯାହା ପରେ ଏଷ୍ଟ୍ରୋନେଟ୍ସଙ୍କ ପାଇଁ ଫାଇନାଲ କରାଯିବ ।
ଏହା ପୂର୍ବରୁ କ୍ରିର୍ଷ୍ଣିନା କୋଚ ଓ ଏନୀ କ୍ଲେନଙ୍କ ପରି ମହିଳା ମହାକାଶ ଷ୍ଟେସନରେ ସମୟ ବିତାଇଛନ୍ତି । କିନ୍ତୁ ଅଲ ଓମେନ ସ୍ପେସୱାକ ଯୋଜନା କେବଳ ପ୍ପେସସୁଟ କାରଣରି ସଫଳ ହୋଇପାରିନଥିଲା । କିନ୍ତୁ ନାସା ଏବେ ଏହି ସମସ୍ୟାର ସମାଧାନ ପାଇଁ ପ୍ରୟାସ କରିଛି । ୨୦୨୪ରେ ପ୍ରଥମେ ଜଣେ ମହିଳା ଓ ପରେ ଜଣେ ପୁରୁଷଙ୍କୁ ପ୍ରେରଣ କରିବା ପରେ ୨୦୩୦ରେ ମଙ୍ଗଳ ମିଶନ ପାଇଁ ମଧ୍ୟ ପ୍ରସ୍ତୁତି ଆରମ୍ଭ କରିଛି ନାସା ।