• ଚାଷୀ ଟ୍ରାକ୍ଟର ରାଲି: ତଦନ୍ତ ଆରମ୍ଭ କଲା ଦିଲ୍ଲୀ ପୋଲିସ
  • ବର୍ଷ ୨୦୨୧ରେ ଭାରତର ଆର୍ଥିକ ଅଭିବୃଦ୍ଧି ୧୧.୫ ପ୍ରତିଶତ ହେବ: IMF
  • ୱାର୍ଲଡ୍ ଇକୋନୋମିକ୍ ଆଉଟଲୁକ୍ ଅପଡେଟରେ ପ୍ରକାଶ ପାଇଛି, IMFର ଅନୁମାନ
  • ବର୍ଷ ୨୦୨୧ରେ ଦୁଇଅଙ୍କ ବିଶିଷ୍ଟ ଅଭିବୃଦ୍ଧି ହାସଲ କରିବାରେ ଭାରତ ବିଶ୍ୱର ଏକ ମାତ୍ର ଦେଶ
  • ବର୍ଷ ୨୦୨୧ରେ ଚାଇନାର ଆର୍ଥିକ ଅଭିବୃଦ୍ଧି ୮.୧ ପ୍ରତିଶତ ହେବ
  • ଆଜିଠାରୁ ପୁରୀ ସେବାୟତଙ୍କ କୋଭିଡ ଟେଷ୍ଟ
  • ଡାକ୍ତରଖାନାରେ ପୁଣି ଭର୍ତ୍ତି ହେଲେ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି । ଛାତିରେ ଯନ୍ତ୍ରଣା ହେବାରୁ ଡାକ୍ତରଖାନାରେ ଭର୍ତ୍ତି ।
  • ନିକଟରେ ସେ ଡାକ୍ତରଖାନାରୁ ସୁସ୍ଥ ହୋଇ ଫେରିଥିଲେ ।
  • ଶିଶୁ ଉଦ୍ଧାର ଦିଗରେ ଓଡ଼ିଶା ପୋଲିସକୁ ସଫଳତା
  • ୮ ଦିନରେ ୮୯୪ ନିଖୋଜ ଶିଶୁ ଉଦ୍ଧାର ନେଇ ପୋଲିସ୍ ଡିଜି ଅଭୟଙ୍କ ସୂଚନା

ଅଯୋଧ୍ୟା ରାୟ ପୂର୍ବରୁ ନବୀନଙ୍କ ଟ୍ୱିଟ

ଅଯୋଧ୍ୟା ରାୟ ପୂର୍ବରୁ ନବୀନଙ୍କ ଟ୍ୱିଟ । ସର୍ବୋଚ୍ଚ ଅଦାଲତର ରାୟକୁ ସ୍ୱୀକାର କରିବା ପାଇଁ ଅପିଲ କଲେ ମୁଖ୍ୟମନ୍ତ୍ରୀ । 

ଅଯୋଧ୍ୟା ରାୟ ପୂର୍ବରୁ ନବୀନଙ୍କ ଟ୍ୱିଟ
ଫାଇଲ ଫଟୋ

ଭୁବନେଶ୍ୱର: ସବୁଠୁ ପୁରୁଣା ମାମଲା ମଧ୍ୟରୁ ଅନ୍ୟତମ ଅଯୋଧ୍ୟା ମାମଲାର ରାୟ ଆଜି ପ୍ରକାଶ ପାଇବ । ବହୁ ପ୍ରତୀକ୍ଷିତ ଏହି ମାମଲାର ରାୟ ଉପରେ ସାରା ଦେଶର ନଜର ରହିଛି । ସର୍ବୋଚ୍ଚ ନ୍ୟାୟାଳୟର ରାୟକୁ ସ୍ୱୀକାର କରିବା ପାଇଁ ଅପିଲ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଶାନ୍ତି ବଜାୟ ରଖିବା ପାଇଁ ଦେଶବାସୀଙ୍କୁ ଅପିଲ କରିଥିଲେ । 

ଆଜି ସକାଳ ୧୦.୩୦ରେ ୫ ଜଣିଆ ସାମ୍ବିଧାନିକ ଖଣ୍ଡପୀଠ ଏହି ମାମଲାର ରାୟ ପ୍ରକାଶ କରିବେ । ତେବେ ଠିକ୍ ଏହାର କେଇ ଘଣ୍ଟା ପୂର୍ବରୁ ଟ୍ୱିଟ କରିଛନ୍ତି ମୁଖ୍ୟମନ୍ତ୍ରୀ । ନବୀନ କହିଛନ୍ତି, ''ଭାଇଚାରା ହିଁ ଆମ ଧର୍ମ ନିରପେକ୍ଷତାର ପରିଚୟ । ତେଣୁ ଆମେ ସର୍ବୋଚ୍ଚ ନ୍ୟାୟାଳୟର ରାୟକୁ ସ୍ୱୀକାର କରିବା । ଏହାସହ ଶାନ୍ତି ଓ ସତଭାବନା ମଧ୍ୟ ବଜାୟ ରଖିବା ।''

ବହୁ ପ୍ରତୀକ୍ଷିତ ଅଯୋଧ୍ୟା ମାମଲାର ରାୟ ଆଜି ଆସୁଛି । ତେବେ ଏହି ରାୟ ଚୁଡାନ୍ତ ନୁହେଁ । ଏହା ପରେ ମଧ୍ୟ ପୁନର୍ବିଚାର(ରିଭ୍ୟୁ ପିଟିସନ) ଆବେଦନ କରାଯାଇପାରିବ । ଆଜି ଯେଉଁ ସାମ୍ବିଧାନିକ ଖଣ୍ଡପୀଠ ଏହି ମାମଲାର ରାୟ ଶୁଣାଇବେ, ସେହି ଖଣ୍ଡପୀଠ ପାଖରେ ହିଁ ପୁନର୍ବିଚାର ଆବେଦନ କରାଯାଇପାରିବ । ଅର୍ଥାତ ସେହି ଖଣ୍ଡପୀଠ ହିଁ ରିଭ୍ୟୁ ପିଟିସନର ଶୁଣାଣି କରିବେ । 

ଗୁରୁତ୍ୱପୂର୍ଣ୍ଣ କଥା ହେଉଛି, ଆସନ୍ତା ନଭେମ୍ବର ୧୭ରେ ପ୍ରଧାନ ବିଚାରପତି ଜଷ୍ଟିସ ରଞ୍ଜନ ଗୋଗୋଇଙ୍କ କାର୍ଯ୍ୟକାଳ ସରୁଛି । ତେଣୁ ଯଦି ଏହା ପୂର୍ବରୁ ରିଭ୍ୟୁ ପିଟିସନ ଆସେ, ତେବେ ଏହାର ଶୁଣାଣି  ପ୍ରଧାନ ବିଚାରପତିଙ୍କ ନେତୃତ୍ୱାଧୀନ ୫ ଜଣିଆ ଖଣ୍ଡପୀଠ କରିବେ । ମାତ୍ର ଯଦି ତାଙ୍କ ଅବସର ନେବା ପରେ ରିଭ୍ୟୁ ପିଟିସନ ହୁଏ, ତେବେ ନୂତନ ପ୍ରଧାନ ବିଚାରପତିଙ୍କ ପାଖରେ ଏହି କ୍ଷମତା ରହିବ । ଅର୍ଥାତ ଜଷ୍ଟିସ ରଞ୍ଜନ ଗୋଗୋଇଙ୍କ ସ୍ଥାନରେ ଏହି ଖଣ୍ଡପୀଠରେ ଅନ୍ୟ କେଉଁ ବିଚାରପତି ରହିବେ, ତାର ନିଷ୍ପତ୍ତି ପରବର୍ତ୍ତୀ ପ୍ରଧାନ ବିଚାରପତି ନେବେ । ତେବେ ରିଭ୍ୟୁ ପିଟିସନର ଶୁଣାଣୀ ହେବ ନା ନାହିଁ, ତାହା ମଧ୍ୟ ସୁପ୍ରିମକୋର୍ଟ ନିଷ୍ପତ୍ତି ନେଇପାରିବେ ।