ଚାଷୀଙ୍କ ପାଇଁ ରହିବନି ଚିନ୍ତା, ନିୟୋଜିତ ହେବେ ୩୦ ନୋଡାଲ ଅଫିସର

ଯଯାତି ମହାନ୍ତି, ଭୁବନେଶ୍ୱର: କୋରୋନା କଟକଣା ଏବଂ ଲକ୍ ଡାଉନ୍ ଡାକରା ମଧ୍ୟରେ ବି ଚାଲିବ କୃଷି କାର୍ଯ୍ୟ । ପ୍ରଧାନମନ୍ତ୍ରୀଙ୍କ ଆହ୍ୱାନ ପରେ ରାଜ୍ୟ ସରକାର ମଧ୍ୟ ଅନୂରୂପ ପଦକ୍ଷେପ ନେଇଛନ୍ତି । ଗତକାଲି କୃଷି ସଚିବ କୃଷି ସମ୍ପର୍କିତ କାର୍ଯ୍ୟ କରିବାରେ କୌଣସି ସମସ୍ୟା ନାହିଁ ବୋଲି କହିବା ପରେ କୃଷି ମନ୍ତ୍ରୀ ଅରୁଣ ସାହୁ ସ୍ଥିତିର ସମୀକ୍ଷା କରିଛନ୍ତି । 

ଏଥିପାଇଁ ସାରା ରାଜ୍ୟରେ ୩୦ ଜିଲ୍ଲା ପାଇଁ ୩୦ ନୋଡାଲ ଅଫିସର ନିଯୁକ୍ତ ହୋଇଛନ୍ତି ।  କୃଷି ବିଭାଗ ଦ୍ୱାରା ପ୍ରଣୀତ ଯୋଜନା କାର୍ଯ୍ୟକାରୀ ହେଉଛି ନା ନାହିଁ ଏହାର ବିସ୍ତୃତ ତଦାରଖ କରିବେ ଅଧିକାରୀ । ଯେଉଁଠି ସମସ୍ୟା ରହିଛି ସମାଧାନ କରି ପ୍ରତିଦିନ ଅପରାହ୍ନରେ ବିଭାଗକୁ ରିପୋର୍ଟ ଦେବାକୁ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । କୃଷି ସରଞ୍ଜାମର ମରାମତି ଦୋକାନ ସମେତ ସାର ଓ ବିହନ ଦୋକାନ ଖୋଲିବା ପାଇଁ ନିର୍ଦ୍ଦେଶ ଦିଆଯାଇଛି ବୋଲି କୃଷି ବିଭାଗର ସମୀକ୍ଷା ପରେ କୃଷିମନ୍ତ୍ରୀ ଅରୁଣ ସାହୁ ସୂଚନା ଦେଇଛନ୍ତି ।

Add Zee News as a Preferred Source