ଅଯୋଗ୍ୟ ହିତାଧିକାରୀଙ୍କୁ କାଳିଆ ଛାଟ

ଚନ୍ଦନ ପାଇକରାୟ, ଭୁବନେଶ୍ୱର: ଅଯୋଗ୍ୟ ହିତାଧିକାରୀଙ୍କୁ କାଳିଆ ଛାଟ । କିଛି ଅଯୋଗ୍ୟ ହିତାଧିକାରୀ ସ୍ୱେଚ୍ଛାକୃତ ଭାବେ ଟଙ୍କା ଫେରାଇଛନ୍ତି । ମାତ୍ର ଯେଉଁମାନେ ଟଙ୍କା ଫେରାଇନାହାଁନ୍ତି, ସେମାନଙ୍କୁ ନୋଟିସ୍ ପଠାଯାଇଛି । ସେମାନେ କେଉଁ ଆକାଉଣ୍ଟରେ ଟଙ୍କା ଫେରାଇବେ, ସେନେଇ ମଧ୍ୟ ଜଣାଇ ଦିଆଯାଇଛି । ସରକାରଙ୍କ ଦ୍ୱାରା ଦିଆଯାଇଥିବା ଆକାଉଣ୍ଟରେ ଟଙ୍କା ଫେରାଇପାରିବେ ଆଯୋଗ୍ୟ ହିତାଧିକାରୀ । ଏନେଇ କୃଷି ସଚିବ ସୌରବ ଗର୍ଗ ସୂଚନା ଦେଇଛନ୍ତି । 

 ରାଜ୍ୟରେ ସମୁଦାୟ ୫୧ ଲକ୍ଷ ହିତାଧିକାରୀ କାଳିଆ ଯୋଜନାରେ ଟଙ୍କା ପାଇଛନ୍ତି । ସେମାନଙ୍କ ମଧ୍ୟରୁ ୯୮ ପ୍ରତିଶତ ଯୋଗ୍ୟ ହିତାଧିକାରୀ ଅଛନ୍ତି । ଅନ୍ୟ ୨ ପ୍ରତିଶତ ଅଯୋଗ୍ୟ ହିତାଧିକାରୀ । ସେମାନଙ୍କୁ ସ୍ୱେଚ୍ଛାକୃତ ଭାବେ ଟଙ୍କା ଫେରାଇବାକୁ କୁହାଯାଇଥିଲା । ଅନେକ ଟଙ୍କା ମଧ୍ୟ ଫେରାଇଛନ୍ତି । ଅନ୍ୟ ଯେଉଁ ଅଯୋଗ୍ୟ ହିତାଧିକାରୀ ଟଙ୍କା ଫେରାଇନାହାଁନ୍ତି, ସେମାନଙ୍କୁ ଏହି ନୋଟିସ ଦିଆଯାଇଥିବା ଜଣାପଡ଼ିଛି ।