close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଗୋଆ ପରି ଚିଲିକାକୁ ଛୁଟିବ ଦେଶୀ ବିଦେଶୀ ପର୍ଯ୍ୟଟକଙ୍କ ସୁଅ

ଚିଲିକା ବଡ଼କୂଳରେ ପର୍ଯ୍ୟଟକଙ୍କ ପାଇଁ ନୂଆ ସୁବିଧା

ଗୋଆ ପରି ଚିଲିକାକୁ ଛୁଟିବ ଦେଶୀ ବିଦେଶୀ ପର୍ଯ୍ୟଟକଙ୍କ ସୁଅ

ଜିନୁ ଜେନା, ଭୁବନେଶ୍ୱର: ଏବେ ଗୋଆ, ବେଙ୍ଗାଲୁରୁ କି ହାଇଦ୍ରାବାଦ ନୁହେଁ ଚିଲିକାରେ ମିଳିବ ସୁବିଧା.... ୱାଟର ସ୍ପୋର୍ଟସର ମଜ୍ଜା ନେବେ ପର୍ଯ୍ୟଟକ....ଉଦଘାଟିତ ହୋଇଛି ୱାଟରସ୍ପୋର୍ଟ୍ସ ବୋଟିଂ କମ୍ପ୍ଲେକ୍ସ ଓ ଓଟିଡିସିର ନୂତନ ରେଷ୍ଟୁରାଣ୍ଟ । ଆଗାମୀ ଦିନରେ ଚିଲିକା ଟୁରିଜିମ୍ ହବ ହେବ ବୋଲି ପ୍ରକାଶ କରିଛନ୍ତି ସ୍ଥାନୀୟ ବିଧାୟକ ପ୍ରଶାନ୍ତ ଜଗଦେବ  ।

ଚିଲିକା ନିର୍ବାଚନ ମଣ୍ଡଳୀର ବଡ଼କୁଳଠାରେ ଉଦଘାଟିତ ହୋଇଛି ୱାଟରସ୍ପୋର୍ଟ ବୋଟିଂ କମ୍ପେ୍ଲକ୍ସ ଓ ଓଟିଡ଼ିସିର ନୂତନ ରେଷ୍ଟୁରାଂଟ୍ । ପର୍ଯ୍ୟଟକଙ୍କୁ ଆକର୍ଷିକ କରିବାକୁ ପର୍ଯ୍ୟଟନ ବିଭାଗର ଏହା ଏକ ନିଆରା ପ୍ରୟାସ । ତେବେ ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ଏହାକୁ ଉଦଘାଟନ କରିଥିବା ବେଳେ, ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶୋକ ପଣ୍ଡା କହିଛନ୍ତି ବରକୁଳର ସୌନ୍ଦର୍ଯ୍ୟ କରଣ ପାଇଁ ଆଗକୁ ୭୦କୋଟି ଟଙ୍କା ଖର୍ଚ୍ଚ କରାଯିବ । ସେପଟେ ଘରୋଇ କମ୍ପାନୀ ଦ୍ୱାରା ଚାଲିବାକୁ ଥିବା ଏହି ୱାଟରସ୍ପୋର୍ଟ ଚିଲିକାର ମୁଖ୍ୟ ଆକର୍ଷଣ ହେବ ବୋଲି କମ୍ପାନୀ କର୍ତ୍ତୃପକ୍ଷ ଆଶା ରଖିଛନ୍ତି ।

ଖୋର୍ଦ୍ଧା ଜିଲ୍ଲା ଚିଲିକା ବଡ଼କୂଳ ଠାରେ ଉଦଘାଟିତ ହୋଇଯାଇଛି ଦୁଇଟି ନୂତନ ପ୍ରକଳ୍ପ । ରାଜ୍ୟ ପର୍ଯ୍ୟଟନ ବିଭାଗ ଏବଂ ଓଟିଡିସି ପକ୍ଷରୁ ନୂତନ ରେଷ୍ଟୁରାଣ୍ଟ ଓ ପର୍ଯ୍ୟଟନ ବିଭାଗ ପକ୍ଷରୁ ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ପାଇଁ ଖୋଲିଲା ୱାଟର ସ୍ପୋର୍ଟ୍ସ । ଏହି ଦୁଇଟି କାର୍ଯ୍ୟକ୍ରମ ବଡ଼କୂଳ ପାନ୍ଥନିବାସ ଠାରେ ଉଦଘାଟିତ ହୋଇଛି । ଚିଲିକାକୁ ଆସୁଥିବା ପର୍ଯ୍ୟଟକମାନେ ଏହିସବୁ ସୁବିଧା ସୁଲଭ ଦରରେ ପାଇବେ ବୋଲି ଅତିଥିମାନେ ମତ ରଖିଛନ୍ତି । ତେବେ ଏହି ଉଦଘାଟନୀ ଉତ୍ସବରେ ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ, ବିଜ୍ଞାନ ଓ ବୈଷୟିକ ବିଭାଗ ମନ୍ତ୍ରୀ ଅଶୋକ ପଣ୍ଡା, ବିଧାୟକ ପ୍ରଶାନ୍ତ ଜଗଦେବ, ଓଟିଡିସି ଚେୟାରପର୍ସନ ଶ୍ରୀମୟୀ ମିଶ୍ର ପ୍ରମ୍ମୁଖ ଯୋଗ ଦେଇଥିଲେ। ଆଗାମୀ ଦିନରେ ଚିଲିକାକୁ ପର୍ଯ୍ୟଟକ ଓ ଇକୋ ଟୁରିଜିମର ହବ୍ କରାଯିବ ବୋଲି ବିଧାୟକ ଶ୍ରୀ ଜଗଦେବ କହିଛନ୍ତି ।

ଚିଲିକାର ସୌନ୍ଦର୍ଯ୍ୟୀକରଣ ପାଇଁ ଆଗାମୀ ଦିନରେ ସ୍ୱଦେଶ ଦର୍ଶନ ଯୋଜନାରେ ବଡ଼କୁଳ ଠାରେ ଖର୍ଚ୍ଚ ହେବ ୭୦ କୋଟି ଟଙ୍କା । ଏଠାରେ ପର୍ଯ୍ୟଟନ ବିଭାଗ ପକ୍ଷରୁ ଅନେକ କାର୍ଯ୍ୟ ହାତକୁ ନିଆଯାଇଥିବା ବେଳେ, ଏବେ ୱାଟରସ୍ପୋର୍ଟ୍ସ ପର୍ଯ୍ୟଟକ ମାନଙ୍କୁ ଅଧିକ ଆକର୍ଷିତ କରିବ ବୋଲି ଆଶା ରଖାଯାଇଛି । ସେହିପରି ନୂତନ ରେଷ୍ଟୁରାଣ୍ଟରେ ଓଡ଼ିଶାର ପାରମ୍ପରିକ ଖାଦ୍ୟର ମଜ୍ଜା ନେବା ସହ ଚିଲିକାକୁ ମଧ୍ୟ ପର୍ଯ୍ୟଟକ ଉପଭୋଗ କରିପାରିବେ । ସେହିପରି ୱାଟରସ୍ପୋର୍ଟ୍ସ କମ୍ପ୍ଳେକ୍ସରେ ପର୍ଯ୍ୟଟକମାନେ ପାଣିରେ ସୁଲଭ ଦରରେ ବାଇକ୍ ଚଳାଇ ପାରିବେ ବୋଲି କମ୍ପାନୀର ସିଇଓ ସୂଚନା ଦେଇଛନ୍ତି । ଦେଶ ବିଦେଶରୁ ଚିଲିକାକୁ ପ୍ରତ୍ୟେକ ଦିନ ହଜାର ହଜାର ସଂଖ୍ୟାରେ ପର୍ଯ୍ୟଟକ ଆସୁଥିବା ବେଳେ, ଏବେ ୱାଟରସ୍ପୋର୍ଟ୍ସ ଓ ରେଷ୍ଟୁରାଣ୍ଟ ପର୍ଯ୍ୟଟକଙ୍କ ମନ ମୋହିବ ନିଶ୍ଚୟ ।