ଦୀର୍ଘ ୨୦ ବର୍ଷ ପରେ ଜଣେ ଓଡିଆ ସାଂସଦ ରାଜ୍ୟସଭାରେ ଅଧ୍ୟକ୍ଷତା କରିଛନ୍ତି।
Trending Photos
ମନୋଜ ମହାନ୍ତି, ଭୁବନେଶ୍ୱର: ଆଜି ଓଡିଶା ପାଇଁ ଏକ ଗର୍ବର ଦିନ l ଦୀର୍ଘ ୨୦ ବର୍ଷ ପରେ ଜଣେ ଓଡିଆ ସାଂସଦ ରାଜ୍ୟସଭାରେ ଅଧ୍ୟକ୍ଷତା କରିଛନ୍ତି। ବିଜୁ ଜନତା ଦଳର ସାଂସଦ ଡକ୍ଟର ସସ୍ମିତ ପାତ୍ର ଆଜି ରାଜ୍ୟସଭାର ଉପାଧ୍ୟକ୍ଷ ଭାବରେ ଦାୟିତ୍ୱ ତୁଲାଇଛନ୍ତି । ମହାମାରୀ ରୋଗ (ସଂଶୋଧନ) ବିଲ୍ ୨୦୨୦ ଉପରେ ଆଲୋଚନା ବେଳେ ଓଡିଶାର ସାଂସଦ ରାଜ୍ୟସଭା କକ୍ଷରେ ଅଧ୍ୟକ୍ଷତା କରିଥିଲେ । ସେ ଚେୟାର ଗ୍ରହଣ କରିବା ସମୟରେ ଉପସ୍ଥିତ ସାଂସଦମାନେ ଶ୍ରୀ ପାତ୍ରଙ୍କୁ ଅଭିନନ୍ଦନ ଜଣାଇଥିଲେ।
ଅନେକ ରାଜ୍ୟସଭା ସାଂସଦ ସେମାନଙ୍କର ଶୁଭେଚ୍ଛା ଜଣାଇଥିଲେ ଏବଂ କହିଥିଲେ ଯେ ଗୃହର ସବୁଠାରୁ କନିଷ୍ଠ ସାଂସଦ ହୋଇଥିଲେ ହେଁ ସେ ଗୃହକୁ ଭଦ୍ର ଭାବରେ ଏବଂ ଧର୍ଯ୍ୟର ସହିତ ପରିଚାଳନା କରିଥିଲେ।ଡକ୍ଟର ସସ୍ମିତ ପାତ୍ର ଏହି ମହତପୂର୍ଣ୍ଣ ଉତ୍ସବକୁ ତାଙ୍କ ନେତା ତଥା ମାନ୍ୟବର ମୁଖ୍ୟମନ୍ତ୍ରୀଙ୍କୁ ଉତ୍ସର୍ଗ କରିଥିଲେ। ନବୀନ ପଟ୍ଟନାୟକ ଏବଂ ଓଡିଶାର ସାଢେ ଚାରି କୋଟି ଲୋକଙ୍କ ଭଲପାଇବା ଯୋଗୁଁ ରାଜ୍ୟସଭାରେ ସଭାପତିତ୍ବ କରିବା ସମ୍ଭବ ହୋଇଛି। ଓଡ଼ିଶା ଏବଂ ଏହାର ଲୋକମାନଙ୍କ ପାଇଁ ସଂସଦରେ ଏକ ଓଡିଆ ସଭାପତିତ୍ୱ କରିବା ନିହାତି ଭାବେ ଗର୍ବର ମୁହୁର୍ତ୍ତ ।