ଖୋର୍ଦ୍ଧା ଜିଲ୍ଲାରେ ଆଉ ଜଣେ କୋରୋନା ଆକ୍ରାନ୍ତଙ୍କ ମୃତ୍ୟୁ

ଭୁବନେଶ୍ୱର: ରାଜ୍ୟରେ କୋରୋନା ନେଲା ଦ୍ୱିତୀୟ ଜୀବନ । ପୂର୍ବରୁ କୋରୋନା ଯୋଗୁ ଜଣକ ଜୀବନ ଯାଇଥିବା ବେଳେ ଏବେ ଅନ୍ୟଜଣଙ୍କ ମୃତ୍ୟୁ ହୋଇଛି । ତେବେ ମୃତକ ଜଣକ ଭୁବନେଶ୍ୱର ମଧୁସୂଦନ ନଗରର ବୋଲି ଜଣାପଡ଼ିଛି । ତାଙ୍କ ବୟସ ୭୭ ବର୍ଷ । ସେ ଅନ୍ୟନ୍ୟ ରୋଗରେ ମଧ୍ୟ ଆକ୍ରାନ୍ତ ଥିଲେ । ମଧୁମେୟ ଓ କିଡନୀ ରୋଗରେ ଆକ୍ରାନ୍ତ ଥିଲେ ବୋଲି ଜଣାପଡ଼ିଛି । ରାଜ୍ୟ ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ୱେବସାଇଟରେ ଏନେଇ ସୂଚନା ଦିଆଯାଇଛି । 

Sorry to inform that 77 year old, male COVID positive case of Madhusudan Nagar, Bhubaneshwar who had underlying co-morbidities of hypertension, diabetes and kidney disease expired yesterday
at KIMS.

— H & FW Dept Odisha (@HFWOdisha) May 6, 2020

ସେହିପରି ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୧୭୭ ରହିଛି । ଏମାନଙ୍କ ମଧ୍ୟରୁ ୧୧୫ଟି ସକ୍ରିୟା ମାମଲା ରହିଛି । ୬୦ ଜଣ ରୋଗୀ ସୁସ୍ଥ ମଧ୍ୟ ହେଲେଣି । ଆକ୍ରାନ୍ତଙ୍କ ମଧ୍ୟରେ ସର୍ବାଧିକ ଯାଜପୁର ଜିଲ୍ଲାର । ଜିଲ୍ଲାରୁ ଏପର୍ଯ୍ୟନ୍ତ ୫୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୫୨ଟି ସକ୍ରିୟ ମାମଲା ଥିବା ବେଳେ ଜଣେ ସୁସ୍ଥ ହେଲେଣି । ସେହିପରି ଖୋର୍ଦ୍ଧାରେ ୪୭ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୩୧ ଜଣ ସୁସ୍ଥ ହେଲେଣି । ୧୪ ଜଣଙ୍କ ଚିକିତ୍ସା ଚାଲିଛି । ଅନ୍ୟ ୨ ଜଣଙ୍କ ମୃତ୍ୟୁ ହୋଇଛି । ତୃତୀୟରେ ବାଲେଶ୍ୱର ରହିଛି । ଜିଲ୍ଲାରେ ୨୪ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୦ଟି ମାମଲା ସକ୍ରିୟ ରହିଛି । ଅନ୍ୟ ୪ ରୋଗୀ ସୁସ୍ଥ ହେଲେଣି ।