ରାଜ୍ୟର ୧୬୨ ନମ୍ବର କୋରୋନା ଆକ୍ରାନ୍ତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଆଉ ଜଣେ କୋରୋନା ଆକ୍ରାନ୍ତ ଚିହ୍ନଟ । ଆକ୍ରାନ୍ତ ଜଣକ କେନ୍ଦୁଝରର ବୋଲି ଜଣାପଡ଼ିଛି । ପୂର୍ବରୁ କେନ୍ଦୁଝରରେ ଜଣେ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏବେ ଅନ୍ୟ ଏକ ମାମଲା ସାମ୍ନାକୁ ଆସିଛି । ଏହାସହ ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ୧୬୨ରେ ପହଞ୍ଚିଛି । ତେବେ ଏମାନଙ୍କ ମଧ୍ୟରୁ ୫୬ ଜଣ ସୁସ୍ଥ ହେଲେଣି । ସେହିପରି ପୂର୍ବରୁ ଜଣଙ୍କ ମୃତ୍ୟୁ ହୋଇଥିଲା । ଅର୍ଥାତ ଏବେ ୧୦୫ ଜଣ କୋରୋନା ଆକ୍ରାନ୍ତ ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସିତ ହେଉଛନ୍ତି । 

3rd Health Update, 3rd May

One positive in Keonjhar
30 yr Male, Hatadihi

(Kolkata returnee. Asymptomatic. In quarantine)
Contact tracing and follow-up action is being done.

Total Positive Case: 162

— I & PR Department, Odisha (@IPR_Odisha) May 3, 2020

ତେବେ କିଛି ସମୟ ପୂର୍ବରୁ ବାଲେଶ୍ୱରରେ ମଧ୍ୟ ଜଣେ କୋରୋନା ଆକ୍ରାନ୍ତ ଚିହ୍ନଟ ହୋଇଥିଲେ । ସେ ପୁରୁଷ ଏବଂ ତାଙ୍କ ବୟସ ୩୪ ବର୍ଷ । ଯାହା ଜଣାପଡ଼ିଛି, ସେ ମଧ୍ୟ ପଶ୍ଚିମବଙ୍ଗ ଫେରନ୍ତା । ତେବେ ନୂଆ ମାମଲାକୁ ମିଶାଇ ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା ୨୧ରେ ପହଞ୍ଚିଛି । ଏମାନଙ୍କ ମଧ୍ୟରୁ ୩ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ଅନ୍ୟ ୧୮ ଜଣଙ୍କ ଚିକିତ୍ସା ଚାଲିଛି । 

ସେହିପରି ଆଜି ସକାଳୁ ଝାରସୁଗୁଡ଼ାରୁ ଜଣେ ଓ ଗଞ୍ଜାମରୁ ୨ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ପୂର୍ବରୁ ଝାରସୁଗୁଡ଼ାରେ ଜଣେ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ନୂଆ ମାମଲା ଜଣେ ୪୦ ବର୍ଷୀୟା ମହିଳା ବୋଲି ସ୍ପଷ୍ଟ ହୋଇଛି । ଆକ୍ରାନ୍ତ ଜଣକ ପୂର୍ବ ମାମଲା ସଂସ୍ପର୍ଶରେ ଆସିଥିଲେ । ସେହିପରି ଗଞ୍ଜାମରୁ ଚିହ୍ନଟ ୨ ଆକ୍ରାନ୍ତ ସୁରତ ଫେରନ୍ତା ବୋଲି କୁହାଯାଇଛି । ଆକ୍ରାନ୍ତଙ୍କ ମଧ୍ୟରେ ଜଣେ ୧୭ ବର୍ଷୀୟ ନାବାଳକ ଥିବା ବେଳେ ଅନ୍ୟ ଜଣେ ୨୨ ବର୍ଷୀୟ ଯୁବକ । ତେବେ ଏମାନେ ନିକଟ ଅତୀତରେ କେଉଁମାନଙ୍କ ସଂସ୍ପର୍ଶରେ ଆସିଥିଲେ, ସେନେଇ ଟ୍ରେସିଂ କରାଯାଉଛି । ଗ୍ରୀନ ଜୋନରେ ରହିଆସିଥିବା ଗଞ୍ଜାମରେ କୋରୋନା ଆକ୍ରାନ୍ତ ଚିହ୍ନଟ ହେବା ଏବେ ଚିନ୍ତା ବଢ଼ାଇଛି । 

ସେହିପରି ଏପର୍ଯ୍ୟନ୍ତ ରାଜ୍ୟର ୧୬ ଜିଲ୍ଲାକୁ କୋରୋନା ପଶିଲାଣି । ସର୍ବାଧିକ ଆକ୍ରାନ୍ତ ଯାଜପୁର(୪୮)ରେ ଚିହ୍ନଟ ହୋଇଛନ୍ତି । ୪୭ ଆକ୍ରାନ୍ତଙ୍କ ସହ ଖୋର୍ଦ୍ଧା ୨ ୟ ସ୍ଥାନରେ ରହିଛି । ସେହିପରି ୨୧ ଆକ୍ରାନ୍ତଙ୍କ ସହ ବାଲେଶ୍ୱର ୩ୟ ସ୍ଥାନରେ ଅଛି । ଅନ୍ୟ ଜିଲ୍ଲା ଗୁଡ଼ିକ ମଧ୍ୟରେ ଭଦ୍ରକରୁ ୧୯, ସୁନ୍ଦରଗଡରୁ ୧୦, କଳାହାଣ୍ଡିର ୨, କେନ୍ଦ୍ରାପଡ଼ାରୁ ୨, ବଲାଙ୍ଗୀରରୁ ୨, କେନ୍ଦୁଝରରୁ ୨, କୋରାପୁଟ, ପୁରୀ, କଟକ, ଦେବଗଡ, ଢେଙ୍କାନାଳରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି ।