୧୧୯ରେ ପହଞ୍ଚିଲା କୋରୋନା ଆକ୍ରାନ୍ତଙ୍କ ସଂଖ୍ୟା, ୭୭ ବର୍ଷୀୟ ବୃଦ୍ଧ ପଜିଟିଭ

ଭୁବନେଶ୍ୱର: ରାଜ୍ୟରେ ପୁଣି ଜଣେ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆକ୍ରାନ୍ତ ଭୁବନେଶ୍ୱରର । ତାଙ୍କ ବୟସ ୭୭ ବର୍ଷ । ୪୧ ନମ୍ବର କୋରୋନା ଆକ୍ରାନ୍ତଙ୍କ ସଂସ୍ପର୍ଶରେ ସେ ଆସିଥିବା ଜଣାପଡ଼ିଛି । ତେବେ ଏହାକୁ ମିଶାଇ ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ୧୧୯ରେ ପହଞ୍ଚିଛି । ରାଜ୍ୟ ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗରୁ ଏନେଇ ସୂଚନା ମିଳିଛି । 

ତେବେ ସମସ୍ତ ୧୧୯ ଆକ୍ରାନ୍ତଙ୍କ ମଧ୍ୟରୁ ୩୮ ଜଣ ସୁସ୍ଥ ହୋଇସାରିଲେଣି । ପୂର୍ବରୁ ଜଣଙ୍କ ମୃତ୍ୟୁ ହୋଇଥିଲା । ଅର୍ଥାତ ଏବେ ୮୦ ଜଣ ରୋଗୀଙ୍କ ଚିକିତ୍ସା ଚାଲିଛି । ତେବେ ଆକ୍ରାନ୍ତଙ୍କ ମଧ୍ୟରେ ୮୫ ଜଣ ପୁରୁଷ ରହିଥିବା ବେଳେ ୩୪ ଜଣ ମହିଳା ଅଛନ୍ତି । 

First Health Update, 29tth April, 2020

One positive in Bhubaneswar
77 Yrs Male

Madhusudan Nagar
Close relative of Case No. 41

(Contact tracing and follow-up action is being done.)

Total Positive Case: 119

— I & PR Department, Odisha (@IPR_Odisha) April 29, 2020

ତେବେ ରାଜ୍ୟରେ ଏପର୍ଯ୍ୟନ୍ତ ୨୯୧୦୮ ଜମଙ୍କ ନମୁନା ପରୀକ୍ଷା କରାଯାଇଛି । ଏମାନଙ୍କ ମଧ୍ୟରୁ ୧୧୯ଟି ମାମଲା ପଜିଟିଭ ରହିଛି । ଅର୍ଥାତ ପରୀକ୍ଷା ହୋଇଥିବା ନମୁନାର ମାତ୍ର ୦.୪୧ ପ୍ରତିଶତ ପଜିଟିଭ ଆସିଛି ।