ଜଗତସିଂହପୁର ନାବାଳିକା ଦୁଷ୍କର୍ମ ଘଟଣାକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ କଲେ ବିରୋଧୀ

ଯଯାତି ମହାନ୍ତି, ଭୁବନେଶ୍ୱର:ଜଗସିଂହପୁରରେ ନାବାଳିକା ଦୁଷ୍କର୍ମ ଘଟଣା ଭଲି ବର୍ବୋରଚିତ କାଣ୍ଡ କ୍ଵଚିତ୍ । ଏହା ଦିଲ୍ଲୀରେ ଘଟିଥିଲେ ସମଗ୍ର ଦେଶ ଦୋହଲି ଯାଇଥାଆନ୍ତା । ଓଡ଼ିଶାର ପଲ୍ଲୀରେ ଘଟି ଥିବାରୁ ଦୃଷ୍ଟିକୁ ଆସିଲା ନାହିଁ । ଏଭଲି ସ୍ଥିତିରେ ମୁଖ୍ୟମନ୍ତ୍ରୀ କହୁଛନ୍ତି, ନାରୀ ନିର୍ଯ୍ୟାତନା ଆଲୋଚନା ଅପମାନ । ତେଣୁ ମୁଖ୍ୟମନ୍ତ୍ରୀଙ୍କର ପଦରେ ରହିବାର ନୈତିକ ଅଧିକାର ନାହିଁ । ଶୂନ୍ୟକାଳରେ ଏପରି କିଛି କହିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ।

ନଭେମ୍ୱର ୨୨ରେ ଗୃହ ବିଭାଗର ଖର୍ଚ୍ଚ ଦାବିର ଉତ୍ତର ରଖିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ, ନାରୀ ନିର୍ଯ୍ୟାତନା ପ୍ରସଙ୍ଗରେ ରାଜନୀତି ହେବା ଉଚିତ ନୁହେଁ । ଏହାଦ୍ୱାରା ସମସ୍ୟାର ସମାଧାନ ହୁଏନାହିଁ । ବିରୋଧିଙ୍କ ଉଙ୍ଗିତ କରି ଏଭଳି କହିଥିଲେ ମୁଖ୍ୟମନ୍ତ୍ରୀ । ସୋମବାର ତାର ପାଲଟା ଜବାବ ଗୃହରେ ରଖିଛନ୍ତି ବିରୋଧି ।

ବିରୋଧି ଦଳ ନେତା କହିଛନ୍ତି, ଗୃହ ବିଭାଗର ଖର୍ଚ୍ଚ ଦାବି ପାରିତ ସମୟରେ ମୁଖ୍ୟମନ୍ତ୍ରୀ ଦେଉଥିବା ଅଭିଭାଷଣ ବାହାରକୁ ଗଲା କେମିତି? କିଏ ଭାଇରଲ କଲା ? ବିଜୁ ଜନତା ଦଳର ହ୍ଵାଟ୍ସଆପରେ ଏହା ଭାଇରାଲ କରାଯାଇଛି । ତେଣୁ ବାଚସ୍ପତି ଏହା ରୁଲିଂ ଦିଅନ୍ତୁ ବୋଲି ଦାବି କଲେ ବିରୋଧୀ ଦଳ ନେତା ପ୍ରଦୀପ୍ତ ନାୟକ । ଏହା ଉପରେ ସରକାରୀ ଦଳ ମୁଖ୍ୟ ସଚେତକ ପ୍ରମିଳା ମାଲିକଙ୍କ ପ୍ରତିକ୍ରିୟା ରଖିଛନ୍ତି । 

ମୁଖ୍ୟମନ୍ତ୍ରୀଙ୍କ ବିବରଣୀ ଓ ନାରୀ ନିର୍ଯ୍ୟାତନା ପ୍ରସଙ୍ଗରୁ ତ ରାଜ୍ୟ ସରକାର ଅଣଦେଖା କରୁ ନାହାନ୍ତି । ବାଚସ୍ପତି କହିଛନ୍ତି ଯାଞ୍ଚ କରିବେ, ପରେ ଆଲୋଚନା ହେବ । ବିରୋଧୀ ଏପରି ଗୃହ ବନ୍ଦ କରିବାର ଲାଭ କଣ? ଯେବେ ବିରୋଧୀ କହିବେ କଣ ବାଚସ୍ପତି ରୁଲିଂ ଦେବେ ଓ ମନ୍ତ୍ରୀ ଉତ୍ତର ଦେବେ?