ବସ୍ତିର କୋମଳମତିଙ୍କ ମୁହଁରେ ହସ ଫୁଟାଇଲା OTDC

ଭୁବନେଶ୍ବର: କଳାଭୂମି ଓ ପାନ୍ଥନିବାସ ବୁଲି ଦେଖିଲେ କୁନିକୁନି ପିଲା। ପିଲାମାନଙ୍କ ସ୍ୱାସ୍ଥ୍ୟ ଓ ଶିକ୍ଷାର ବିକାଶ ଉପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅଧିକ ଗୁରୁତ୍ୱ ଦେଉଥିବାବେଳେ ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ (OTDC) ପକ୍ଷରୁ କୋମଳମତି ଶିଶୁଙ୍କ ମୁହଁରେ ହସ ଫୁଟାଇବା ପାଇଁ ଏପରି ଏକ ଛୋଟ ପ୍ରୟାସ କରାଯାଇଛି।

ରାଜଧାନୀ ଭୁବନେଶ୍ୱର (Bhubaneswar) ଚନ୍ଦ୍ରଶେଖରପୁରସ୍ଥିତ ପାଣିଟାଙ୍କି ବସ୍ତିର କୁନିକୁନି ପିଲାମାନଙ୍କୁ ଆଜି ସ୍ୱତନ୍ତ୍ର ବସ୍ ଯୋଗେ ଗଣ୍ଡମୁଣ୍ଡା ସ୍ଥିତ ‘କଳାଭୂମି’ (Kalabhumi) ଅଣାଯାଇ ଥିଲା। ସେଠାରେ ସେମାନଙ୍କୁ ଓଡ଼ିଶାର ଗୌରବମୟ କଳା, ସଂସ୍କୃତି ଓ ଐତିହ୍ୟ (heritage) ସମ୍ପର୍କରେ ଅବଗତ କରାଯାଇଥିଲା। କଳାଭୂମି ପରିସରରେ ବିଭିନ୍ନ କାର୍ଯ୍ୟ ସବୁ ପିଲାମାନେ (slum child) ବୁଲି ଦେଖିଥିଲେ। ଏହାପରେ ସେମାନଙ୍କୁ ଲୁଇସ ରୋଡସ୍ଥିତ ପାନ୍ଥନିବାସ ନିଆଯାଇ OTDC ପକ୍ଷରୁ ଆବଶ୍ୟକ ବ୍ୟବସ୍ଥା ସହ ପୋଷାକ ଓ ଶିକ୍ଷଣୀୟ କିଟ୍ ପ୍ରଦାନ କରାଯାଇଥିଲା।

କୁନିକୁନି ପିଲାଙ୍କ ମୁହଁରେ ହସ ଫୁଟାଇବା ପାଇଁ ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ (@otdcltd) ପକ୍ଷରୁ ଉଦ୍ୟମ କରାଯାଇଛି। ଭୁବନେଶ୍ୱରର ଚନ୍ଦ୍ରଶେଖରପୁରସ୍ଥିତ ପାଣିଟାଙ୍କି ବସ୍ତିର ପିଲାମାନଙ୍କୁ ଆଜି ସ୍ୱତନ୍ତ୍ର ବସ୍ ଯୋଗେ ‘କଳାଭୂମି’ ଅଣାଯାଇ ସେଠାରେ ଓଡ଼ିଶାର ଗୌରବମୟ କଳା,ସଂସ୍କୃତି ଓ ଐତିହ୍ୟ ସମ୍ପର୍କରେ ଅବଗତ କରାଯାଇଛି। (1/2) pic.twitter.com/YgPcXa6AYV

— Department of Tourism, Odisha (@TourismDptt) March 14, 2021

Also Read: ପାଠ ପଢ଼ି କ'ଣ ହେବ? ବେକାରୀ! ରାଜ୍ୟରେ ଅଛନ୍ତି ୪୬, ୭୩୧ ପଞ୍ଜୀକୃତ ଇଞ୍ଜିନିୟର ବେକାର

‘ଶ୍ରୀ’ ଅଭିଯାନର ସହଯୋଗରେ OTDC ପକ୍ଷରୁ ଏହି କାର୍ଯ୍ୟକ୍ରମ କରାଯାଇଛି। ପାଣିଟାଙ୍କି ବସ୍ତିରେ ପିଲାଙ୍କ ସ୍ୱାସ୍ଥ୍ୟ, ଶିକ୍ଷା ଓ ନିରାପତ୍ତା ପାଇଁ ‘ଶ୍ରୀ’ ଅନୁଷ୍ଠାନ କାର୍ଯ୍ୟ କରୁଛି। ଏହି କାର୍ଯ୍ୟକ୍ରମରେ OTDC ଅଧ୍ୟକ୍ଷା ଶ୍ରୀମୟୀ ମିଶ୍ର, ବରିଷ୍ଠ ପଦାଧିକାରୀଙ୍କ ସମେତ ‘ଶ୍ରୀ’ ଅଭିଯାନର ପ୍ରୀତିଛନ୍ଦା ଧଳ, ସ୍ଵରାଜଲକ୍ଷ୍ମୀ ସାମଲ, ନମ୍ରତା ଚଢ଼ା, ବବିତା ସ୍ୱାଇଁ ଓ ଅନ୍ୟମାନେ ଉପସ୍ଥିତ ଥିଲେ।