Pipili Bypoll 2021: ମହାରଥୀଙ୍କ ଗଡ଼ରେ ବାଜୁଛି ଅଘୋଷିତ ବିଗୁଲ

ଚନ୍ଦନ ପାଇକରାୟ, ଭୁବନେଶ୍ବର: ଯେକୌଣସି ମୁହୂର୍ତ୍ତରେ ଘୋଷଣା ହୋଇପାରେ ପିପିଲି ଉପନିର୍ବାଚନ ତାରିଖ । ଉପ ନିର୍ବାଚନ ପାଇଁ ରାଜ୍ୟ ନିର୍ବାଚନ ଆୟୋଗ ସମ୍ପୂର୍ଣ୍ଣ ପ୍ରସ୍ତୁତ ଥିବାବେଳେ କୋଭିଡ୍ କଟକଣା ଭିତରେ କିଭଳି ନିର୍ବାଚନ ହେବ, ସେନେଇ ବୁଥ୍ ଚିହ୍ନଟ ସରିଛି। ଗୋଟିଏ ବୁଥରେ ହଜାରେ ଜଣ ଭୋଟ୍ ଦେଇପାରିବେ । ଏପରିକି ନିର୍ବାଚନ ଦାୟିତ୍ୱରେ ରହିବା ଲୋକଙ୍କୁ ତାଲିମ ଦିଆସରିଛି । ସେପଟେ ଅଘୋଷିତ ପ୍ରଚାରରେ ସମସ୍ତ ଦଳ । 

ଅପେକ୍ଷା ରାଜ୍ୟ ନିର୍ବାଚନ କମିଶନ (Election Commission) ଙ୍କ ସିଗନାଲକୁ। ଚୂଡ଼ାନ୍ତ ପ୍ରସ୍ତୁତିରେ ରାଜ୍ୟ ନିର୍ବାଚନ ଅଧିକାରୀ। ଇଭିଏମ୍ (EVM) ପ୍ରସ୍ତୁତ, ଅଫିସରଙ୍କ ଟ୍ରେନିଂ ବି ଶେଷ। କୋଭିଡ୍ କଟକଣା ଭିତରେ ନିର୍ବାଚନ କରିବାକୁ ବୁଥ୍ ହୋଇସାରିଛି ଚିହ୍ନଟ। ଏଭଳି ସ୍ଥଳେ ପିପିଲି ଉପନିର୍ବାଚନ ପାଇଁ ସମ୍ପୂର୍ଣ୍ଣ ପ୍ରସ୍ତୁତି ପଥେ ରାଜ୍ୟ ନିର୍ବାଚନ ଅଧିକାରୀ।

Also Read: SEX CD ଖାଇଗଲା ମନ୍ତ୍ରୀ ପଦ

ପ୍ରତି ମୁହୂର୍ତ୍ତ ପାଇଁ ସଜବାଜ ହୋଇ ବସିଛନ୍ତି ରାଜନୈତିକ ଦଳ । ପିପିଲି (Pipili) ଡେଲାଙ୍ଗ ନିର୍ବାଚନ କ୍ଷେତ୍ରରେ ଅଘୋଷିତ ପ୍ରଚାର ବି ଆରମ୍ଭ ହୋଇଗଲାଣି । କିଏ ଜିତିବ, କିଏ ହାରିବ, ସେନେଇ ଆରମ୍ଭ ହୋଇଗଲାଣି ଅଙ୍କକଷା। ବିଜେଡିର ଦାବି, ଅକ୍ଷୁର୍ଣ୍ଣ ରହିବ ମହାରଥୀଙ୍କ (Pradeep Maharathy) ଗଡ଼। ଅକ୍ଷତ ରହିବ ଉପନିର୍ବାଚନ ଜିତାପଟ ବିଧି। ୫୦ ହଜାର ଭୋଟରେ ପିପିଲି ଉପନିର୍ବାଚନ (By poll election) ଜିତିବାର ଦାବି କରିଛି ଶାସକ ଦଳ (Bjd) । ସେପଟେ ବିଜେପି (BJP) ର କହିବା କଥା, ଉପନିର୍ବାଚନ ପୂର୍ବରୁ ବିଜୟର ହାୱା ବିଜେପିର ସପକ୍ଷରେ ଅଛି ।

Also Read: ମଦ୍ରାସାରେ ପିଲା ପଢିବେ ଗୀତା, ରାମାୟଣ

ଉପନିର୍ବାଚନ ପୂର୍ବରୁ ଡେଲାଙ୍ଗ ଅଞ୍ଚଳରେ ଏକ ପଞ୍ଚାୟତ ଉପନିର୍ବାଚନରେ ବିଜେପି ବିଜୟୀ ହୋଇଛି। ୨୦୧୯ ସାଧାରଣ ନିର୍ବାଚନର ଫଳାଫଳ ୨୦୨୧ ଉପନିର୍ବାଚନରେ ବେଶ୍ ସହାୟକ ହେବ ବୋଲି ଗେରୁଆ ଦଳ ଦାବି କରିଛି । ଅନ୍ୟପଟେ କଂଗ୍ରେସ (Congress) ବ୍ୟାକଫୁଟରେ ଅଛି। ରାଜନୈତିକ ଦଳ ମଧ୍ୟରେ ଦମ୍ଭୋକ୍ତି ବନାମ ଦୃଢ଼ୋକ୍ତିର ବ୍ୟାଟେଲ୍ । ଦେଖିବାର କଥା, କାହା ମୁଣ୍ଡରେ ହାତୀ ଢାଳୁଛି ସୁନା କଳସ। 

Edited: Zee Odisha Desk