ବଢିବ ତାପମାତ୍ରା; ଆଗାମୀ ଦୁଇ ଦିନ ବର୍ଷା ଘଡଘଡି ସମ୍ଭାବନା

ଭୁବନେଶ୍ବର: ଏକ ଟ୍ରଫ୍ ଲାଇନ ସହ ଛତିଶଗଡ ଏବଂ ଏହାର ଆଖପାଖରେ ସମୁଦ୍ରପତ୍ତନ ଠାରୁ ଦେଢ କିଲୋମିଟର ପର୍ଯ୍ୟନ୍ତ ଏକ ଘୂର୍ଣ୍ଣିବଳୟ ଲମ୍ବିରହିଛି। ଏହାର ପ୍ରଭାବରେ ଆସନ୍ତା ୩୦ ତାରିଖ ସକାଳ ପର୍ଯ୍ୟନ୍ତ ଘଡଘଡି ବଜ୍ରପାତ, ବିଜୁଳି ନେଇ ସତର୍କ ସୂଚନା ଜାରି କରିଛି ପାଣିପାଗ ବିଜ୍ଞାନ କେନ୍ଦ୍ର।

ଆଉ ୪୮ ଘଣ୍ଟା ରହିବ କାଳବୈଶାଖି (Thunderstorm) ପ୍ରଭାବ। ଆସନ୍ତାକାଲି ସକାଳ ସାଢେ ୮ଟା ମଧ୍ୟରେ ମୟୂରଭଞ୍ଜ, ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡା ଆଦି ଜିଲ୍ଲାରେ ବିଜୁଳି ବଜ୍ରପାତ ସହ ୪୦-୫୦ କିଲୋମିଟର ବେଗରେ ପବନ ବହିବା ହେତୁ ଅରେଞ୍ଜ ୱାର୍ଣ୍ଣିଂ (Orange Warning) ଏବଂ ଜଗତସିଂହପୁର, କନ୍ଧମାଳ, ପୁରୀ, ଗଞ୍ଜାମ, ଖୋର୍ଦ୍ଧା, ନୟାଗଡ, କଟକ ଜିଲ୍ଲାରେ ବଜ୍ରପାତ ସହ ୩୦-୪୦ କିଲୋମିଟର ବେଗରେ ପବନ ହେତୁ ୟେଲୋ ୱାର୍ଣ୍ଣିଂ (Yellow Warning) ଜାରି କରିଛି ପାଣିପାଗ କେନ୍ଦ୍ର। 

Also Read: ତାତିରୁ ମିଳିଲା ତ୍ରାହି, କାଳବୈଶାଖୀରେ ପ୍ରଭାବରେ ଆଶ୍ୱସ୍ତ ଟ୍ୱିନସିଟି

ଏହି ଜିଲ୍ଲା ସହ ଅଭ୍ୟନ୍ତରୀଣ ଓଡିଶାର କିଛି ଜିଲ୍ଲାରେ ହାଲୁକା ବର୍ଷା (Light Rain) ହେବାର ସମ୍ଭାବନା ରହିଛି। ଆସନ୍ତାକାଲି ମଧ୍ୟ ମୟୂରଭଞ୍ଜ, ବାଲେଶ୍ବର, ଭଦ୍ରକ ଜିଲ୍ଲାରେ ବିଜୁଳି ବଜ୍ରପାତ ସହ ୩୦-୪୦ କିଲୋମିଟର ବେଗରେ ପବନ ବହିବା ହେତୁ ୟେଲୋ ୱାର୍ଣ୍ଣିଂ ଜାରି ହୋଇଛି। ଆସନ୍ତା ୨ ଦିନ ପର୍ଯ୍ୟନ୍ତ ଦିନର ସର୍ବୋଚ୍ଚ ତାପମାତ୍ରା ଅପରିବର୍ତ୍ତିତ ରହିବା ପରେ ପୁଣି ୨-୩ ଡିଗ୍ରୀ ବୃଦ୍ଧି ପାଇବ। 

Also Read: ବଢୁଛି ତାପମାତ୍ରା; ଆଗକୁ କାଳବୈଶାଖି ସମ୍ଭାବନା

ଆସନ୍ତା ୩୦ ତାରିଖରୁ ପାଗରେ ପରିବର୍ତ୍ତନ ହୋଇ ୩୧ ତାରିଖରୁ ତାତିର ପ୍ରକୋପ କ୍ରମଶଃ ବୃଦ୍ଧି ପାଇବ। ଏହାସହ ଗ୍ରୀଷ୍ମ ଲହରୀ (Heatwave) ନେଇ ସତର୍କ ସୂଚନା ଜାରି ହୋଇଛି। ଏହାସହ ସମୁଦ୍ର ଅଶାନ୍ତ ସହ ୪୦ରୁ ୫୦ କିଲୋମିଟର ବେଗରେ ପବନ ବହିବା ହେତୁ ଆସନ୍ତା ମାର୍ଚ୍ଚ ୨୯ ତାରିଖରୁ ଏପ୍ରିଲ ପହିଲା ପର୍ଯ୍ୟନ୍ତ ମତ୍ସ୍ୟଜୀବୀଙ୍କୁ ସମୁଦ୍ର ପ୍ରବେଶ ନେଇ ବାରଣ କରାଯାଇଛି।