ଏମିତି ପ୍ରତିଷ୍ଠା ଦିବସ ପାଳିଲା ରାଜ୍ୟ ବିଜେପି...

ଯଯାତୀ ମହାନ୍ତି, ଭୁବନେଶ୍ୱର: ଆଜି ଭାରତୀୟ ଜନତା ପାର୍ଟିର ୪୦ତମ ପ୍ରତିଷ୍ଠା ଦିବସ । ହେଲେ ଏହି ଉତ୍ସବକୁ କୋରୋନା ମହାମାରୀ ପାଇଁ ଭିନ୍ନ ଢଙ୍ଗରେ ପାଳିବାକୁ ନିଷ୍ପତି ନେଇଛି ଦଳ । ଜାତୀୟ ସ୍ତର ଠାରୁ ଆରମ୍ଭ କରି ରାଜ୍ୟସ୍ତର ପର୍ଯ୍ୟନ୍ତ ସବୁଠି ପଡ଼ିଛି କୋରୋନାର ପ୍ରଭାବ । ରାଜ୍ୟ ବିଜେପି କାର୍ଯ୍ୟାଳୟରେ କେବଳ ଦଳର ପ୍ରତିଷ୍ଠାତାଙ୍କ ଫଟୋରେ ମାଲ୍ୟର୍ପଣ କରି ରାଜ୍ୟ ବିଜେପି ସଭାପତି ଦଳୀୟ କର୍ମୀଙ୍କ ଉଦ୍ଦେଶ୍ୟରେ ବାର୍ତ୍ତା ରଖିଛନ୍ତି । କୋରୋନା ବିରୋଧ ଲଢ଼େଇରେ ଦଳର କର୍ମକର୍ତ୍ତା ସାମିଲ ହେବା ସହ ଗୋଟିଏ ଓଳି ଉପାସ ରହିବାକୁ ନିଷ୍ପତ୍ତି ନେଇଛନ୍ତି । 

ବିଜେପିର ୪୦ତମ ପ୍ରତିଷ୍ଠା ଦିବସ ଅବସରରେ ବିଜେପି ରାଜ୍ୟ ସଭାପତି ଶ୍ରୀ ସମୀର ମହାନ୍ତିଙ୍କ ବାର୍ତ୍ତା... #BJPat40 pic.twitter.com/wIkHZrp1Oz

— BJP Odisha (@BJP4Odisha) April 6, 2020

Add Zee News as a Preferred Source

ସେହିପରି ମାସ୍କର ସଂଖ୍ୟା ବୃଦ୍ଧି ପାଇଁ ବିଜେପିର କର୍ମକର୍ତ୍ତାମାନେ ନିଜ ନିଜ ଘରେ ଥିବା ସିଲେଇ ମେସିନ ସହାୟତାରେ ତିଆରି କରି ପଡ଼ୋଶୀଙ୍କୁ ବାଣ୍ଟିବେ । ଏହା ସହ ପିଏମ୍ କେୟାର ଫଣ୍ଡରୁ ଅଧିକ ଅନୁଦାନ ପାଇଁ ପ୍ରତ୍ୟେକ କର୍ମୀ ସର୍ବନିମ୍ନ ୪୦ ବ୍ୟକ୍ତିଙ୍କୁ ଅନୁରୋଧ କରିବେ । କୋରୋନା ଲଢ଼େଇରେ ସାମିଲ ଥିବା ପୋଲିସ, ସ୍ୱାସ୍ଥ୍ୟ କର୍ମୀ, ଡ଼ାକ୍ତର, ଗଣମାଧ୍ୟମ, ବ୍ୟାଙ୍କ କର୍ମଚାରୀଙ୍କୁ ଧନ୍ୟବାଦ ଜଣାଇବା ପାଇଁ ଦସ୍ତଖତ ଅଭିଯାନ ଆରମ୍ଭ କରିବେ ବୋଲି ପ୍ରତିଷ୍ଠା ଦିବସରେ ସଂକଳ୍ପ ନିଆଯାଇଛି । ଏନେଇ ଏକ ଭିଡ଼ିଓ ବାର୍ତ୍ତାରେ କହିଛନ୍ତି ରାଜ୍ୟ ସଭାପତି ସମୀର ମହାନ୍ତି ।