ଅଷ୍ଟମ ଶ୍ରେଣୀ ପର୍ଯ୍ୟନ୍ତ ସମସ୍ତେ ପାସ

ଭୁବନେଶ୍ୱର: ପ୍ରଥମ ଶ୍ରେଣୀରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଆଉ କ୍ଲାସ ହେବ ନାହିଁ। ପରୀକ୍ଷା ନକରି କ୍ଲାସ ପ୍ରମୋସନ ଦେବାକୁ ସ୍ଥିର ହୋଇଛି । ଏନେଇ ବିଭାଗୀୟ ମନ୍ତ୍ରୀ ସମୀର ରଞ୍ଜନ ଦାଶ ସୂଚନା ଦେଇଛନ୍ତି । ଦିନକୁ ଦିନ କୋରୋନାର ପ୍ରଭାବ ବୃଦ୍ଧି ପାଉଥିବା ବେଳେ ଏଭଳି ନିଷ୍ପତ୍ତି ନିଆଯାଇଥିବା ନେଇ ଏଭଳି ପଦକ୍ଷେପ ଗ୍ରହଣ କରାଯାଉଥିବା ନେଇ ମନ୍ତ୍ରୀ ଶ୍ରୀ ଦାଶ ସୂଚନା ଦେଇଥିଲେ। 

ମିଳିଥିବା ସୂଚନା ମୁତାବକ ଦେଶରେ କୋରୋନା ସଂକ୍ରମଣ ପୁନର୍ବାର ଧୀରେଧୀରେ ବୃଦ୍ଧି ପାଇବାରେ ଲାଗିଛି । ଫଳରେ ମହାରାଷ୍ଟ୍ର, କେରଳ, କର୍ଣ୍ଣାଟକ, ଦିଲ୍ଲୀ, ପଞ୍ଜାବ ଭଳି ରାଜ୍ୟରୁ ଓଡ଼ିଶାକୁ ଲୋକମାନେ ପୁଣି ଫେରୁଥିବା ବେଳେ ରାଜ୍ୟରେ କୋରୋନା ସଂକ୍ରମଣ ଆଶଙ୍କା ଦେଖାଦେଇଛି । କୋରୋନା ସଂକ୍ରମଣକୁ ଦୃଷ୍ଟିରେ ରଖି ବର୍ତ୍ତମାନ ପୁଣିଥରେ କୋଭିଡ଼ ଗାଇଡଲାଇନକୁ ପାଳନ କରିବାକୁ ରାଜ୍ୟ ସରକାର ଏକ ପ୍ରକାର ପ୍ରସ୍ତୁତ ହେଉଛନ୍ତି । 

ଏହି ସମୟରେ ସ୍କୁଲ ଖୋଲାଥିଲେ ମଧ୍ୟରେ କୋରୋନା ସଂକ୍ରମଣରୁ ବର୍ତ୍ତିବା ପାଇଁ ରାଜ୍ୟ ସରକାର ଏକ ବଡ଼ ପଦକ୍ଷେପ ଗ୍ରହଣ କରିବାକୁ ଯାଉଛନ୍ତି । ପୂର୍ବଭଳି ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ସ୍କୁଲ ଖୋଲିବନି କି କ୍ଲାସ ହେବନି । ଫଳରେ ପୂର୍ବଭଳି ପରୀକ୍ଷା ନକରି କ୍ଲାସ ପ୍ରମୋସନ କରି ଛାତ୍ରଛାତ୍ରୀଙ୍କୁ ପରବର୍ତ୍ତି ଶ୍ରେଣୀକୁ ଉନ୍ନତି କରାଯିବ ବୋଲି ମନ୍ତ୍ରୀ ଶ୍ରୀ ଦାଶ ସୂଚନା ଦେଇଛନ୍ତି ।