ଚର୍ଚ୍ଚାରେ କେସିଙ୍ଗା ଏସଡିପିଓ ଏସ ଶୁଶ୍ରୀ: କହିଲେ ପରେଡରେ ପ୍ରତିନିଧିତ୍ବ ବଡ ଗର୍ବ

୨୦୧୭ ବ୍ୟାଚ୍‌ର ଆଇପିଏସ୍ ଅଫିସର (IPS Officer) ଏବେ କଳାହାଣ୍ଡି ଜିଲ୍ଲା କେସିଙ୍ଗାରେ ଏସ୍‌ଡିପିଓ (SDPO) ଭାବେ ନିଯୁକ୍ତ ହୋଇଛନ୍ତି । କହିଲେ ରାଜ୍ୟ ସ୍ତରୀୟ ପରଡେରେ ମୋ ଦାୟିତ୍ୱକୁ ସୁଚାରୁ ରୂପେ ପାଳନ କରିବା ନେଇ ଆଶା କରୁଛି ।

ସରୋଜ ବେହେରା, ଭୁବନେଶ୍ବର: ଚଳିତ ବର୍ଷର ମୁଖ୍ୟ ଆକର୍ଷଣ ରହିଛନ୍ତି କେସିଙ୍ଗା ଏସଡିପିଓ ଏସ ଶୁଶ୍ରୀ । ୨୦୧୭ ବ୍ୟାଚ୍‌ର ଆଇପିଏସ୍ ଅଫିସର ଏବେ କଳାହାଣ୍ଡି (Kalahandi) ଜିଲ୍ଲା କେସିଙ୍ଗାରେ ଏସ୍‌ଡିପିଓ ଭାବେ ନିଯୁକ୍ତ ହୋଇଛନ୍ତି । ପ୍ରଥମ ଥର ପାଇଁ ତାଙ୍କୁ ସାଧାରଣତନ୍ତ୍ର ଦିବସରେ ରାଜ୍ୟ ସ୍ତରୀୟ ପରେଡରେ ନେତୃତ୍ୱ ନେବାକୁ ସୁଯୋଗ ମିଳିଥିବାରୁ ସେ ନିଜକୁ ଗର୍ବ ମନେ କରିଥିବା କହିଛନ୍ତି । 

ନିଜ ଦାୟିତ୍ବକୁ ସୂଚାରୁ ଭାବେ ସଂପନ୍ନ କରିବାକୁ ସେ ଲକ୍ଷ୍ୟ ରଖିଛନ୍ତି । ତେବେ ତାଙ୍କ କହିବା କଥା ହେଲା କେବେ ଆଶା କରି ନଥିଲି, ଡିଜିପି (DGP) ସାର୍ ହଠାତ୍ ଫୋନ୍ କରି କହିଥିଲେ ଯେ ମୁଁ ମନୋନୀତ ହୋଇଛି । ଏହା ଶୁଣି ନର୍ଭସ ହୋଇଯାଇଥିଲି। କାରଣ ଏକ ରାଜ୍ୟ ସ୍ତରୀୟ (State Level) ସାଧାରଣତନ୍ତ୍ର ଦିବସ (Republic Day) ର ପରେଡ୍‌ (Parade) ର ନେତୃତ୍ୱ ନେବା ବହୁତ ବଡ଼ ଦାୟିତ୍ୱ । 

ଡିଜିପି ସାର୍ ମୋତେ ଦାୟିତ୍ବ ତଥା ମୋ ଉପରେ ଭରସା ରଖିଥିବାରୁ ତାଙ୍କର ସେହି ଭରସାକୁ ସଫଳ କରିବି । ଏଭଳି ଏକ ଦାୟିତ୍ୱ ପାଇଁ ମୁଁ ନିଜକୁ ଭାଗ୍ୟବାନ ମନେ କରୁଛି । ଯେଉଁମାନଙ୍କ ପାଇଁ ମୁଁ ଏହି ସୁଯୋଗ ପାଇଛି, ସେମାନଙ୍କୁ ସମସ୍ତଙ୍କୁ ଧନ୍ୟବାଦ ଦେଇଛନ୍ତି ଏସଡିପିଓ ଏସ ଶୁଶ୍ରୀ (SDPO S. Sushree) 

ଅନ୍ୟପଟେ ମୋ ଦାୟିତ୍ୱ (Responsibility) କୁ ସୁଚାରୁ ରୂପେ ପାଳନ କରିବା ସହ ଆଶା କରୁଛି, ମୁଁ ସେମାନଙ୍କୁ ଯେମିତି ନିରାଶ କରିବି ନାହିଁ ।

Edited: Zee Odisha Desk