• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଚିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

ଜେଲରେ ବଢୁଛି ମାନସିକ ରୋଗୀ କଏଦୀଙ୍କ ସଂଖ୍ୟା, ଓଡ଼ିଶା ଦେଶରେ ଦ୍ୱିତୀୟ

ମାନସିକ ରୋଗୀଙ୍କ ଯତ୍ନ ପାଇଁ ଭାରତ ସରକାରଙ୍କ ୨୦୧୬ ପ୍ରିଜନ ମାନୁଆଲରେ କଏଦୀଙ୍କ ପାଇଁ ମାନସିକ ଅବସ୍ଥାର ଯତ୍ନ ପାଇଁ ଚିକିତ୍ସା ନେବା ସହ ଡାକ୍ତର ଓ ପରାମର୍ଶଦାତାଙ୍କୁ ନିଯୁକ୍ତି କରିବାକୁ କୁହାଯାଇଛି । 

ଜେଲରେ ବଢୁଛି ମାନସିକ ରୋଗୀ କଏଦୀଙ୍କ ସଂଖ୍ୟା, ଓଡ଼ିଶା ଦେଶରେ ଦ୍ୱିତୀୟ

ସରୋଜ ବେହେରା, ଭୁବନେଶ୍ୱର: ଜେଲରେ ବଢୁଛି ମାନସିକ ରୋଗୀଙ୍କ ସଂଖ୍ୟା । ଶହେରୁ ୫ ଜଣ କଏଦୀ ମାନସିକ ରୋଗରେ ଆକ୍ରାନ୍ତ ହେଉଛନ୍ତି । ଏ କଥା ଜଣା ପଡିଛି ଜାତୀୟ ଅପରାଧ ପରିସଂଖ୍ୟନ ରିପୋର୍ଟରୁ । ରିପୋର୍ଟ ଅନୁସାରେ ସମଗ୍ର ଦେଶରେ ଉତ୍ତର ପ୍ରଦେଶ ସର୍ବାର୍ଗେ ଆଗରେ ଥିବା ବେଳେ ଓଡିଶା ରହିଛି ଦ୍ବିତୀୟ ସ୍ଥାନରେ । ଏହି ଅନୁସାରେ ଓଡିଶାରେ ଥିବା ୧୫ ହଜାର କଏଦୀଙ୍କ ମଧ୍ୟରୁ ୭୮୭ ଜଣ କଏଦୀ ଏବେ ମାନସିକ ରୋଗରେ ପୀଡିତ ରହିଛନ୍ତି । ସେମାନଙ୍କ ମଧ୍ୟରୁ ୪୧୨ ଜଣ ଦୋଷୀ ସାବ୍ୟସ୍ତ ହୋଇ ସଜା କାଟୁଥିବା ବେଳେ ୩୭୫ ଜଣ ବିଚାରାଧିନ କଏଦୀ ରହିଛନ୍ତି ।

ମାନସିକ ରୋଗୀଙ୍କ ଯତ୍ନ ପାଇଁ ଭାରତ ସରକାରଙ୍କ ୨୦୧୬ ପ୍ରିଜନ ମାନୁଆଲରେ କଏଦୀଙ୍କ ପାଇଁ ମାନସିକ ଅବସ୍ଥାର ଯତ୍ନ ପାଇଁ ଚିକିତ୍ସା ନେବା ସହ ଡାକ୍ତର ଓ ପରାମର୍ଶଦାତାଙ୍କୁ ନିଯୁକ୍ତି କରିବାକୁ କୁହାଯାଇଛି । ଏବେ ଏଭଳି ଉଦବେଗ ଜନକ ପରିସ୍ଥିତି ପାଇଁ ଏକ ସ୍ୱାଧୀନ ତଥା ସ୍ୱତନ୍ତ୍ର କମିଟି ଗଠନ କରିବାକୁ ରାଜ୍ୟ ମାନବାଧିକାର କମିଶନରଙ୍କ ଦ୍ୱାରସ୍ଥ ହୋଇଛନ୍ତି ମାନବାଧିକାର କର୍ମୀ ବିଶ୍ୱପ୍ରିୟ  କାନୁନଗୋ ଏବଂ ତାଙ୍କ ସହଯୋଗୀ ।

କଏଦୀଙ୍କ ମାନସିକ ରୋଗର କାରଣ ଓ ଯତ୍ନ ସମ୍ପର୍କରେ କାର୍ଯ୍ୟକାରୀ କରିବା ପାଇଁ କମିଶନଙ୍କ ନିକଟରେ ପିଟିସନ ଦାଖଲ କରାଯାଇଛି । ଓଡିଶାରେ ବର୍ତ୍ତମାନ ୯ଟି ଜିଲ୍ଲା ସ୍ତରୀୟ, ୭୩ଟି ସବ ଜେଲ, ଗୋଟାଏ ମହିଳା ଜେଲ, ଗୋଟାଏ ମୁକ୍ତାକାଶ ଓ ୨ଟି ସ୍ବତନ୍ତ୍ର ଜେଲ ରହିଛି । ଏଥିରେ ରହୁଥିବା ୧୫ ହଜାର କଏଦୀଙ୍କ ପାଇଁ ୪ ଜଣ ମନସ୍ତତ୍ତ୍ୱବିତ ରହିବା ଦରକାର । ହେଲେ ଏମାନଙ୍କ ମଧ୍ୟରୁ ୩ ଟି ପଦବୀ ଖାଲି ପଡିଥିବା ବେଳେ ଜଣେ ମାତ୍ର ଡାକ୍ତର ରହିଛନ୍ତି । ଖାଲି ପଦବୀ ପୂରଣ କରିବା ପାଇଁ ସରକାରଙ୍କୁ ଚିଠି କରାଯାଇଛି । ଆବଶ୍ୟକ ପଡିଲେ ବାହାରୁ ମନୋସ୍ତତ୍ତ୍ୱବିତଙ୍କୁ ଆଣି ଚିକିତ୍ସା କରାଯିବାକୁ ପ୍ରସ୍ତାବ ଦିଆଯାଇଛି ବୋଲି ଜେଲ ସଂସ୍କାର ଡିଜି କହିଛନ୍ତି ।