ଉତ୍କଳ ବିଶ୍ୱବିଦ୍ୟାଳୟ ଛାତରେ ଚଢି ଯୁବକଙ୍କ ଆତ୍ମହତ୍ୟା ଧମକ, ଉଦ୍ଧାର ପାଇଁ ନାକେଦମ ଅଗ୍ନିଶମ ବିଭାଗ

ଭୁବନେଶ୍ୱର: ଉତ୍କଳ ବିଶ୍ୱବିଦ୍ୟାଳୟ କ୍ୟାମ୍ପସରେ ଯୁବକଙ୍କ ଉନ୍ମକ୍ତ କାଣ୍ଡ । ଛାତ ଉପରକୁ ଚଢି ଆତ୍ମହତ୍ୟା ଧମକ । ବିଶ୍ୱବିଦ୍ୟାଳୟ ପରିସରରେ ଥିବା ପରିଜା ଲାଇବ୍ରେରୀ ଛାତ ଉପରେ ଚଢି ଏଭଳି ଆତ୍ମହତ୍ୟା ଧମକ ଦେଉଥିଲେ ଯୁବକ । ତେବେ ଘଟଣା ସ୍ଥଳରେ  ଅଗ୍ନିଶମ ବାହିନୀ ପହଞ୍ଚି କ୍ରେନ ସାହାଯ୍ୟରେ ଉଦ୍ଧାର କାର୍ଯ୍ୟ ରହିଛି । 

ଆସନ୍ତାକାଲି ଉତ୍କଳ ବିଶ୍ୱବିଦ୍ୟାଳୟରେ ପ୍ଲାଟିନମ୍ ଜୁବଲି ପାଳନ ହେବ । ଆଉ ଠିକ ଏହାର ଦିନକ ପୂର୍ବରୁ ଏବେ ଉଠୁଛି ପଡୁଛି ବାଣୀ ବିହାର କ୍ୟାମ୍ପସ । କାହିଁକିନା କ୍ୟାମ୍ପସ ପରିସରରେ ଥିବା ପରିଜା ଲାଇବ୍ରେରୀ ଛାତ ଉପରକୁ ଚଢି ଆତ୍ମହତ୍ୟା କରିବାକୁ ଧମକ ଦେଉଛନ୍ତି ଯୁବକ । ଯାହାକୁ ତଳକୁ ଓହ୍ଲାଇବା ପାଇଁ ପୋଲିସ ଓ ଅଗ୍ନିଶମ ବାହିନୀ ନାକେଦମ ହେଲେଣି । 

କାହିଁକି ଯୁବକ ଏପରି ଆତ୍ମହତ୍ୟା ଧମକ ଦେଉଛନ୍ତି, ତାହା ଅସ୍ପଷ୍ଟ ରହିଛି । ଯୁବକଙ୍କ ପରିଚୟ ମଧ୍ୟ ମିଳିନାହିଁ ।  ପ୍ଲାଟିନମ୍ ଜୁବଲି ପାଳନ ହେବ। ପାଇଁ ପରିଜା ଲାଇବ୍ରେରୀରେ ରଙ୍ଗ ଦିଆଯାଉଥିଲା। ତେବେ ରଙ୍ଗଦିଆ ସିଡିରେ ଯୁବକ ଜଣକ ଛାତ ଉପରକୁ ଚଢିଥିବା ଅନୁମାନ କରାଯାଉଛି ।