ବାର୍ହା ମାଂସ ବିକ୍ରି କରୁଥିଲେ, ପହଞ୍ଚି ପଡ଼ିଲେ ରେଞ୍ଜ ଅଧିକାରୀ...

ହିମାଂଶୁ ଶେଖର ସାହୁ, ବୌଦ୍ଧ: ବନ୍ୟଜନ୍ତୁ ଶିକାର କରିବା ଧର୍ତ୍ତବ୍ୟ ଅପରାଧ ହୋଇଥିବା ସ୍ୱତ୍ତ୍ୱେ କିଛି ଶିକାରୀ ଏହାକୁ ଖୁଲମଖୁଲା ଅବମାନନା କରିଆସୁଛନ୍ତି । ଜଙ୍ଗଲୀ ଜନ୍ତୁ ବାର୍ହା ମାଂସ ବିକ୍ରି କରି ଟଙ୍କା କମାଇବା ନିଶା ଏବେ ଶିକାରୀଙ୍କୁ ଜେଲର ଚାରିକାନ୍ଥ ଭିତରକୁ ନେଇଯାଇଛି । ବୌଦ୍ଧ ବନଖଣ୍ଡ ଅଧିନସ୍ଥ ମାଧପୁର ରେଞ୍ଜର ତଳଗାଁ ଅଞ୍ଚଳରେ ଚଢ଼ାଉ କରି ଦୁଇ ଶିକାରୀଙ୍କୁ ଧରିଛନ୍ତି ବନ ବିଭାଗ କର୍ମଚାରୀ । ଏହାସହ ସେମାନଙ୍କ ଠାରୁ ୩୫ କେଜି ବାର୍ହା ମାଂସ ଏବଂ ଏକ ମୋଟର ସାଇକେଲ ମଧ୍ୟ ଜବତ ହୋଇଛି । 

ଯାହା ଜଣାପଡ଼ିଛି, ହରଭଙ୍ଗା ବ୍ଲକ ଛତ୍ରଙ୍ଗ ପଞ୍ଚାୟତ ଭାଲିଆଗୋରା ଗ୍ରାମର ଅଭିଯୁକ୍ତ ରାଜକିଶୋର ରଣା ଏବଂ ଅରୁଣ ନାଏକ ଏକ ମୋଟର ସାଇକେଲ ଯୋଗେ ବାର୍ହା ମାଂସ ଆଣି ତଳଗାଁ ପଞ୍ଚାୟତ ଅଞ୍ଚଳରେ ବିକ୍ରି କରୁଥିଲେ । ଏ ସମ୍ପର୍କରେ ମାଧପୁର ରେଞ୍ଜ ଅଧିକାରୀ ସରୋଜ କୁମାର ମିଶ୍ର ସୂଚନା ପାଇ ଚଢ଼ାଉ କରିଥିଲେ । ଆଉ ଚଢ଼ାଉ ବେଳେ ବାର୍ହା ମାଂସ ବିକ୍ରିର ପର୍ଦ୍ଦାଫାସ ହୋଇଛି । ବାର୍ହା ମାଂସ ଜବତ କରାଯିବା ସହିତ ଦୁଇ ଜଣକୁ ଗିରଫ କରି କୋର୍ଟ ଚାଲାଣ କରାଯାଇଛି । ମାଧପୁର ରେଞ୍ଜ ଅଧିକାରୀ ସରୋଜ କୁମାର ମିଶ୍ର ଏନେଇ ସୂଚନା ଦେଇଛନ୍ତି । 

Add Zee News as a Preferred Source