Spider bite:ବୁଢିଆଣି କାମୁଡ଼ାରେ ୫ ବର୍ଷ ଶିଶୁ ହରାଇଲା ଚାଲିବା ଶକ୍ତି !

Spider bite: ବ୍ରିଟେନର ହାମ୍ପସାୟରରେ ରହୁଥିବା ଜଣେ ୫ବର୍ଷର ବାଳିକାକୁ ଗୋଟିଏ ବୁଢିଆଣୀ କାମୁଡ଼ି ଦେଇଥିଲା ଯାହା ଦ୍ୱାରା ତା’ ଜୀବନ ସଂକଟାପନ୍ନ ହୋଇପଡ଼ିଥିଲା । ପିଲାଟି ବଂଚିଯାଇଥିଲେ ମଧ୍ୟ ଏବେ ଚାଲିବା ଶକ୍ତି ହରାଇଛି । ବୁଢିଆଣୀ କାମୁଡି଼ବା ପରେ ପିଲାଟିର ଶରିରରେ  ପାଦ ପର୍ଯ୍ୟନ୍ତ ଲାଲ ଚିହ୍ନ ସୃଷ୍ଟି ହୋଇଥିଲା। ସ୍ତବ୍ଧ କଲା ଭଳି ଏହି ମାମଲା ଇଷ୍ଟଲି ସହରର ଅଟେ । ୫ ବର୍ଷର ଝିଅ ଲିଲି ହୋଡସନଙ୍କ ମା ଜେନା ହଣ୍ଟ କହିଛନ୍ତି ଯେ ପ୍ରଥମେ ତାଙ୍କ ଝିଅ ସହିତ କ’ଣ ଘଟିଥିଲା ସେ ଆଦୌ ଜାଣି ପାରିନଥିଲେ। କିନ୍ତୁ ଯେତେବେଳେ ମୁଁ ଜାଣିବାକୁ ପାଇଲି ଯେ ଗୋଟିଏ ବୁଢିଆଣୀ କାମୁଡ଼ିବା ହେତୁ ମୋ ଝିଅର ଏମିତି ଅବସ୍ଥା ହୋଇଛି ସେତେବେଳେ  ମୁଁ ଆଶ୍ଚର୍ଯ୍ୟ ହୋଇଯାଇଥିଲି ।  ମୁଁ ସମସ୍ତ ପିତାମାତାଙ୍କୁ ସେମାନଙ୍କ ପିଲାମାନଙ୍କୁ ବିଶେଷ ଧ୍ୟାନ ଦେବାକୁ କହିବାକୁ ଚାହେଁ ।

ଡେଲି ମିରରକୁ ଜେନା ହଣ୍ଟ କହିଛନ୍ତି ଯେ କିଛି ସମୟ ପୂର୍ବରୁ ସେ ଲକ୍ଷ୍ୟ କରିଥିଲେ ଯେ ଲିଲିର ମୁହଁ ଏବଂ ଶରୀରରେ ନାଲି ଚିହ୍ନ ସୃଷ୍ଟି ହେବା ଆରମ୍ଭ ହୋଇଛି। ତେବେ ଏଭଳି ଆଲର୍ଜି ଯୋଗୁ ହେଉଛି ବୋଲି ସେମାନେ ପ୍ରଥମେ ଭାବିଥିଲେ । କିନ୍ତୁ ପରେ, ଯେତେବେଳେ ଲାଲ ଚିହ୍ନ ବଢିବାକୁ  ଲାଗିଲା, ସେତେବେଳେ ସେ ଚିନ୍ତିତ ହୋଇଥଇଲେ ।  ସେମାନେ ଆହୁରି ଚିନ୍ତିତ ହେଲେ ଯେତେବେଳେ ଲିଲି ସେମାନଙ୍କୁ କହିଥିଲା ଯେ ଚାଲିବା ସମୟରେ ସେ ବହୁତ ଯନ୍ତ୍ରଣା ଅନୁଭବ କରୁଛନ୍ତି ।

ଆଲର୍ଜି ହେତୁ ଏମିତି ବୋଧହୁଏ ଘଟୁଛି ବୋଲି ସେ ଭାବିଥିଲେ । ରାତିରେ ଶୋଇବା ପୂର୍ବରୁ ଲିଲିଙ୍କୁ ସେ ଆଣ୍ଟିହାଇଷ୍ଟାମାଇନ୍ ଦେଇଥିଲେ । କିନ୍ତୁ ହଠାତ୍ ରାତିରେ ପରିବାର ଲୋକ ଜାଣିବାକୁ ପାଇଲେ ଯେ ଲିଲିଙ୍କ ଅବସ୍ଥା ବିଗିଡି ଯାଇଛି। ଜେଜେମା ଙ୍କ ଅନୁସାରେ “ଯେତେବେଳେ ମୁଁ ସକାଳ 3 ଟାରେ ଉଠିଲି, ସେତେବେଳେ ଲିଲି ବହୁତ ଗରମ ହେଉଛି ବୋଲି କହିଥିଲା । ମୁଁ ଘର ଆଲୁଅ ଜଳାଇଥିଲି । ତା’ ମୁହଁ ଦେଖିବା ମାତ୍ରେ ମୁଁ  ଚିତ୍କାର କରିଥିଲି। ତା ମୁହଁରୁ ପାଦ ପର୍ଯ୍ୟନ୍ତ ନାଲି  ଦାଗ ଦେଖାଯାଉଥିଲା । ସକାଳ ଆସିବା ମାତ୍ରେ ଆମେ ତାଙ୍କୁ ଡାକ୍ତରଖାନା ନେବାକୁ ଚିନ୍ତା କରିଥିଲୁ। କିନ୍ତୁ ଆମେ ପ୍ରସ୍ତୁତ ହେବା ମାତ୍ରେ ଲିଲି କହିଥିଲେ ଯେ ସେ ଚାଲିବାକୁ ସକ୍ଷମ ନୁହେଁ । ” ଜେଜେମା କହିଛନ୍ତି, “ଆମେ କୌଣସି ପ୍ରକାରେ ଲିଲିକୁ ଉଠାଇ ଡାକ୍ତରଖାନା ନେଇଥିଲୁ। ସେଠାରେ ଆମେ ଜାଣିବାକୁ ପାଇଥିଲୁ ଯେ, ତାକୁ ଫଲ୍ସ ୱିଡୋ ସ୍ପାଇଡର (ଗୋଟିଏ ପ୍ରଜାତିର ବୁଢିଆଣୀ) କାମୁଡିଥିବାରୁ ଏମିତି ହୋଇଛି ।

ଫଲ୍ସ ୱିଡୋ ସ୍ପାଇଡର

ଏହି ବୁଢିଆଣୀ ବହୁତ ବିପଜ୍ଜନକ ଅଟେ ।ଏହା ମଧ୍ୟ  ଷ୍ଟାଟୋଡା ନୋବିଲିସ୍ ନାମରେ  ଜଣାଶୁଣା ।ବ୍ଲାକ୍ ୱିଡୋ ସ୍ପାଇଡର ସହିତ ଏହା ମିଶୁଥିବାରୁ ଅନେକ ସମୟରେ ଏହାକୁ ଚିହ୍ନିବାରେ ଭୁଲ ହୋଇଥାଏ । ତେବେ ଦୁଇଟି ବୁଢିଆଣୀ ଅଲଗା । କଳା ବୁଢିଆଣୀ ଫଲ୍ସ ୱିଡୋ ସ୍ପାଇଡର ଠାରୁ ଅଧିକ ଭୟଙ୍କର । ବ୍ଲାକ୍ ୱିଡୋ ତୁଳନାରେ ଫଲ୍ସ ୱିଡୋର ବିଷ ହଜାରେ ଗୁଣ କମ । ଅକ୍ସଫୋର୍ଡ ୟୁନିଭରସିଟି ପ୍ରାଣୀ ବିଜ୍ଞାନୀ କ୍ଲିଭ ହେମ୍ବଲରଙ୍କ ଅନୁସାରେ ବ୍ଲାକ୍ ୱିଡୋ ସ୍ପାଇଡର ହୋଇଛି ବ୍ରିଟେନର ସବୁଠାରୁ ବିପଜ୍ଜନକ ବୁଢିଆଣୀ । ଏହି ବୁଢିଆଣୀକୁ ନଉସକାଇଲେ କିମ୍ବା  ପୋଷାକ ଏବଂ ଚର୍ମ ମଧ୍ୟରେ ଫସିଲେ ହିଁ ,ସେମାନେ ଆକ୍ରମଣ କରିଥାନ୍ତି ।

ଲିଲିଙ୍କ ମା ସମସ୍ତ ପିତାମାତାଙ୍କୁ ନିବେଦନ କରିଛନ୍ତି ଯେ ସେମାନଙ୍କ ପିଲାମାନଙ୍କୁ ଏକୁଟିଆ ନ ରଖନ୍ତୁ। ଯଦି ସେମାନଙ୍କର ସାମାନ୍ୟ ଅସୁସ୍ଥତା ଅଛି, ଯଦି ସେମାନଙ୍କର ପିଲା ଅସୁସ୍ଥ ଅଛି, ତେବେ ସେମାନେ ତୁରନ୍ତ ତାଙ୍କୁ ଡାକ୍ତରଖାନା ନେବା ଉଚିତ ।  ଆମେ ଯଦି ଠିକ ସମୟରେ ଲିଲିକୁ ଡାକ୍ତରଖାନା ନେଇଥାନ୍ତୁ ତେବେ ତା’ର ଅବସ୍ଥା ଏତେ ଖରାପ ହୋଇନଥାନ୍ତା । ଡାକ୍ତରଖାନା ନନେଇ ଆମେ ନିଜେ ଘରୋଇ ଚିକିତ୍ସା କରିଥିଲୁ । ଯେଉଁଥିପାଇଁ ଲିଲିର ସ୍ୱାସ୍ଥ୍ୟ ଏବେ ବିଗିଡିବାରେ ଲାଗିଛି । ଲିଲି ଏପର୍ଯ୍ୟନ୍ତ ସମ୍ପୂର୍ଣ୍ଣ ସୁସ୍ଥ ହୋଇନାହିଁ । ତାଙ୍କୁ ସୁସ୍ଥ ହେବାକୁ ସମୟ ଲାଗିବ । ସେ ଏବେବି  ଚାଲିବାକୁ ଅସମର୍ଥ ।