Domestic air passengers increased : ଚାରି ମାସରେ ଉଡିଗଲେ ୩.୫୭ କୋଟି, ଏପ୍ରିଲରେ ରେକର୍ଡ ସଂଖ୍ୟକ ଯାତ୍ରୀ

Domestic air passengers increased : ନୂଆଦିଲ୍ଲୀ : ଚଳିତ ବର୍ଷ ଜାନୁଆରୀରୁ ଏପ୍ରିଲ ମାସରେ ଘରୋଇ ବିମାନ ଯାତ୍ରୀଙ୍କ ସଂଖ୍ୟା ୬୯.୭୯% ବୃଦ୍ଧି ପାଇଛି । ଏହି ଚାରିମାସ ମଧ୍ୟରେ ୩.୫୭ କୋଟି ଯାତ୍ରୀ ଦେଶରେ ଘରୋଇ ବିମାନରେ ଯାତ୍ରା କରିଛନ୍ତି। କେବଳ ଏପ୍ରିଲରେ ୧.୦୯ କୋଟି ଲୋକ ଯାତ୍ରା କରିଥିଲେ । ଗତବର୍ଷ ଏପ୍ରିଲ ମାସରେ ୫୭.୨୫ ଲକ୍ଷ ଲୋକ ବିମାନ ଦ୍ୱାରା ଯାତ୍ରା କରିଥିଲେ । ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ରୁ ମିଳିଥିବା ସୂଚନା ଅନୁଯାୟୀ ଗତବର୍ଷ ଜାନୁଆରୀରୁ ଏପ୍ରିଲ ମଧ୍ୟରେ ମାତ୍ର ୨.୯୨ କୋଟି ଲୋକ ଯାତ୍ରା କରିଥିଲେ।

୨୧ ଦିନରେ ୭୭ ଲକ୍ଷରୁ ଅଧିକ ଲୋକ ବିମାନ ଯୋଗେ ଯାତ୍ରା କରିଥିଲେ

ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଅନୁଯାୟୀ, ଚଳିତ ବର୍ଷ ମେ ମାସର ୨୧ ତାରିଖ ପର୍ଯ୍ୟନ୍ତ ୭୭,୧୯,୬୯୩ ଲୋକ ଘରୋଇ ବିମାନ ଯାତ୍ରା କରିଥିଲେ । ସେହିଭଳି ସମୁଦାୟ ୧୪,୮୪,୯୦୬ ଲୋକ ୮,୨୭୫ ଆନ୍ତର୍ଜାତୀୟ ବିମାନରେ ବିଦେଶକୁ ଉଡ଼ିଥିଲେ । ମେ ୨୦ ତାରିଖ ପର୍ଯ୍ୟନ୍ତ, ଦେଶରେ ଅନ୍ତର୍ଜାତୀୟ ବିମାନ ଚଳାଚଳର ସମୁଦାୟ ଫୁଟ୍ ଫଲ୍ ୨୫.୮୩ ଲକ୍ଷ ଥିଲାବେଳେ ଘରୋଇ ବିମାନର ମୋଟ ଫୁଟ୍ ଫଲ୍ ୧୫୪ କୋଟି ଥିଲା ।

ଚାରୋଟି ବିମାନବନ୍ଦରର ଅନ୍-ଟାଇମ୍ ପ୍ରଦର୍ଶନ: ଆଗରେ ଏୟାର ଏସିଆ

ବିମାନ ସେବାରେ ଯାତ୍ରୀମାନଙ୍କ ଅନୁଯାୟୀ ଅନ୍-ଟାଇମ୍ ପ୍ରଦର୍ଶନ ଗୁରୁତ୍ୱପୂର୍ଣ୍ଣ । ଏପ୍ରିଲ୍ ୨୦୨୨ରେ, ମୁମ୍ବାଇ, ଦିଲ୍ଲୀ, ବାଙ୍ଗାଲୁରୁ ଏବଂ ହାଇଦ୍ରାବାଦର ବିମାନବନ୍ଦରରେ ଏୟାର ଏସିଆ ଅନ୍-ଟାଇମ୍ ପ୍ରଦର୍ଶନରେ ଅଗ୍ରଣୀ ଥିଲା । ଏହାର ସମୟ କାର୍ଯ୍ୟଦକ୍ଷତା ୯୪.୮% ଥିଲା । ସେହିଭଳି ଭିସ୍ତାରା ୯୦.୯%, ଇଣ୍ଡିଗୋ ୯୦.୧%, ସ୍ପାଇସ୍ ଜେଟ୍ ୮୯.୨%, ଗୋ ଫାଷ୍ଟ ୮୭.୨%, ଏୟାର ଇଣ୍ଡିଆ ୮୧.୮% ଏବଂ ଏଲାଏନ୍ସ ଏୟାର ୬୩% ରହିଥିଲା ।