ଏହି ସ୍କିମରେ ନିବେଶ କରିବା ପାଇଁ ଆଧାର କାର୍ଡ, ଇନକମ୍ ସାର୍ଟିଫିକେଟ୍, ପରିଚୟ ପତ୍ର, ଜନ୍ମ ପ୍ରମାଣପତ୍ର ଭଳି ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଆବଶ୍ୟକ ।
Trending Photos
12
5
8
12 "ପ୍ରତୀକାତ୍ମକ ଛବି")
ନୂଆଦିଲ୍ଲୀ: ଯଦି ଆପଣ ନିଜ ଝିଅ ପାଇଁ ନିବେଶ କରିବାର ପ୍ଲାନ (Investment Planning) କରୁଛନ୍ତି, ତେବେ LIC ର ଏହି ସ୍କିମ ଆପଣଙ୍କ ପାଇଁ ସହାୟକ ହୋଇପାରେ । ବାସ୍ତବରେ ଝିଅମାନେ ଜନ୍ମ ହେବା ମାତ୍ରେ ପିତାମାତାମାନେ ତାଙ୍କ ଉତ୍ତମ ଭବିଷ୍ୟତ ପାଇଁ ଟଙ୍କା ନିବେଶ କରିବା ଆରମ୍ଭ କରନ୍ତି । ଏଥିପାଇଁ ଏକ ଭଲ ନିବେଶ ପଲିସି (Investment Policy) ନେବାକୁ ପ୍ଲାନ କରିଥାନ୍ତି । ଯାହା ଦ୍ୱାରା ଝିଅର ଶିକ୍ଷା ଓ ବିବାହରେ କୌଣସି ବାଧା ସୃଷ୍ଟି ହେବନାହିଁ । ଏଭଳି ପରିସ୍ଥିତିରେ ଝିଅମାନଙ୍କୁ ଧ୍ୟାନରେ ରଖି ଲାଇଫ ଇନସୁରାନ୍ସ କର୍ପୋରେସନ୍ ଅଫ୍ ଇଣ୍ଡିଆ (LIC) ଏକ ସ୍ପେଶାଲ ପଲିସି ପ୍ରସ୍ତୁତ କରିଛି । ଏହାର ନାମ ହେଉଛି ଏଲଆଇସି କନ୍ୟାଦାନ ପଲିସି (LIC Kanyadaan Policy) । LIC ର ଏହି ପଲିସି ସ୍ୱଳ୍ପ ଆୟକାରୀ ପିତାମାତାଙ୍କୁ ସେମାନଙ୍କ ଝିଅମାନଙ୍କର ବିବାହ ପାଇଁ ପାଣ୍ଠି ସଂଗ୍ରହ କରିବାରେ ସାହାଯ୍ୟ କରେ ।
ଜାଣନ୍ତୁ, ଏହି ପଲିସି ବିଷୟରେ ସବିଶେଷ ତଥ୍ୟ
ଏଲଆଇସି କନ୍ୟାଦାନ ପଲିସି (LIC Kanyadaan Policy) ଅନୁଯାୟୀ ଜଣେ ନିବେଶକଙ୍କୁ ପ୍ରତିଦିନ ୧୩୦ ଟଙ୍କା (ବାର୍ଷିକ ୪୭,୪୫୦ ଟଙ୍କା) ଜମା କରିବାକୁ ପଡିବ । ପଲିସି ଅବଧିର ୩ ବର୍ଷରୁ କମ୍ ପାଇଁ ପ୍ରିମିୟମ୍ ପ୍ରଦାନ କରାଯିବ । ୨୫ ବର୍ଷ ପରେ LIC ତାଙ୍କୁ ପ୍ରାୟ ୨୭ ଲକ୍ଷ ଟଙ୍କା ଦେବେ । ଏଲଆଇସି କନ୍ୟାଦାନ ପଲିସିରେ ନିବେଶ କରିବା ପାଇଁ ନିବେଶକଙ୍କ ସର୍ବନିମ୍ନ ବୟସ ୩୦ ବର୍ଷ ଓ ନିବେଶକଙ୍କ ଝିଅର ସର୍ବନିମ୍ନ ବୟସ ୧ ବର୍ଷ ହେବା ଉଚିତ ।
ଅଧିକ ପଢ଼ନ୍ତୁ: ରାସନ କାର୍ଡରେ ଏହିପରି ଯୋଡ଼ନ୍ତୁ ନିଜ ପତ୍ନୀ ଓ ପିଲାର ନାମ, ମାଗଣାରେ ମିଳିବ ଅନେକ ସୁବିଧା
ମାଚ୍ୟୁରିଟିରେ ମିଳିବ ୨୭ ଲକ୍ଷ ଟଙ୍କା
ଏହି ପଲିସିର ସର୍ବନିମ୍ନ ମାଚ୍ୟୁରିଟି ଅବଧି ହେଉଛି ୧୩ ବର୍ଷ । ଯଦି କୌଣସି କାରଣରୁ ବୀମାଭୁକ୍ତ ବ୍ୟକ୍ତିଙ୍କର ମୃତ୍ୟୁ ହୁଏ, ତେବେ ସେହି ବ୍ୟକ୍ତିଙ୍କୁ LIC ତରଫରୁ ଅତିରିକ୍ତ ୫ ଲକ୍ଷ ଟଙ୍କା ଦେଇଥାଏ । ଯଦି ଜଣେ ବ୍ୟକ୍ତି ୫ ଲକ୍ଷ ଟଙ୍କାର ବୀମା ନିଅନ୍ତି, ତେବେ ତାଙ୍କୁ ୨୨ ବର୍ଷ ପାଇଁ ମାସିକ ୧,୯୫୧ ଟଙ୍କା କିସ୍ତି ଦେବାକୁ ପଡିବ । ସମୟ ସମାପ୍ତ ହେବା ପରେ, LIC ରୁ ୧୩.୩୭ ଲକ୍ଷ ଟଙ୍କା ମିଳିବ । ସେହିଭଳି ଯଦି ଜଣେ ବ୍ୟକ୍ତି ୧୦ ଲକ୍ଷ ବୀମା ନିଅନ୍ତି, ତେବେ ତାଙ୍କୁ ମାସ ପାଇଁ ୩୯୦୧ ଟଙ୍କା କିସ୍ତି ଦେବାକୁ ପଡିବ । ୨୫ ବର୍ଷ ପରେ LIC ଦ୍ୱାରା ୨୬.୭୫ ଲକ୍ଷ ଟଙ୍କା ଦିଆଯିବ ।
ଅଧିକ ପଢ଼ନ୍ତୁ: NASA ଦେଲା ଚେତାବନୀ; ସମୁଦ୍ରରେ ବୁଡିଯିବ ଭାରତର ଏହି ୧୨ ଟି ସହର
ଛାଡ ହେବ ଟିକସ
ଆୟକର ଅଧିନିୟମ ୧୯୬୧ ର ଧାରା ୮୦ସି ଅନୁଯାୟୀ, ଜଣେ ନିବେଶକ ପ୍ରଦାନ କରାଯାଇଥିବା ପ୍ରିମିୟମ ଉପରେ ଟିକସ ଛାଡ ପାଇଁ କ୍ଲେମ କରିପାରିବେ । ଟିକସ ଛାଡ ସର୍ବାଧିକ ୧.୫୦ ଲକ୍ଷ ଟଙ୍କା ପର୍ଯ୍ୟନ୍ତ ରହିଛି । ଏହି ଯୋଜନା ପାଇଁ ଆବେଦନ କରିବା ପାଇଁ ଆଧାର କାର୍ଡ, ଆୟ ପ୍ରମାଣପତ୍ର, ପରିଚୟ ପତ୍ର, ଜନ୍ମ ପ୍ରମାଣପତ୍ର ଭଳି ଗୁରୁତ୍ୱପୂର୍ଣ୍ଣ ଦଲିଲ ଆବଶ୍ୟକ ।
