SBI ରେ ସାଲାରି ଆକାଉଣ୍ଟ ଥିଲେ ପାଇପାରିବେ ୩୫ ଲକ୍ଷ ଟଙ୍କା ପର୍ଯ୍ୟନ୍ତ ଲୋନ; ଏହା ରହିଛି ସର୍ତ୍ତ

SBI Yono Personal Loan: ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଅର୍ଥାତ SBI ଏହାର ସ୍ପେଶାଲ ଗ୍ରାହକଙ୍କ ପାଇଁ YONO ଆପରେ ରିଅଲ୍ ଟାଇମ୍ ଏକ୍ସପ୍ରେସ କ୍ରେଡିଟ୍ (RTXC) ଅଫର ଆଣିଛି । ଏହା ଅଧୀନରେ ଯୋଗ୍ୟ ଗ୍ରାହକମାନେ YONO ଆପ୍ ମାଧ୍ୟମରେ 35 ଲକ୍ଷ ପର୍ଯ୍ୟନ୍ତ ପର୍ସନାଲ ଲୋନ ନେଇପାରିବେ ।

ନୂଆଦିଲ୍ଲୀ: ଦେଶର ସର୍ବବୃହତ ବ୍ୟାଙ୍କ SBI ର ଯଦି ଆପଣ ଗ୍ରାହକ ଅଟନ୍ତି, ତେବେ ଏହି ଖବର ଆପଣଙ୍କ ପାଇଁ ଉପଯୋଗୀ ହୋଇପାରେ । ବାସ୍ତବରେ, ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ (State Bank of India) ଅର୍ଥାତ SBI ଏହାର ସ୍ପେଶାଲ ଗ୍ରାହକଙ୍କ ପାଇଁ YONO ଆପରେ ରିଅଲ୍ ଟାଇମ୍ ଏକ୍ସପ୍ରେସ କ୍ରେଡିଟ୍ (RTXC) ଅଫର ଆଣିଛି । ଏହା ଅଧୀନରେ ଯୋଗ୍ୟ ଗ୍ରାହକମାନେ YONO ଆପ୍ ମାଧ୍ୟମରେ ୩୫ ଲକ୍ଷ ଟଙ୍କା ପର୍ଯ୍ୟନ୍ତ ପର୍ସନାଲ ଲୋନ ନେଇପାରିବେ । ଗୁରୁତ୍ୱପୂର୍ଣ୍ଣ କଥା ହେଉଛି ଏହି ଲୋନ ପାଇଁ କୌଣସି ଡକ୍ୟୁମେଣ୍ଟ ଆବଶ୍ୟକ ନାହିଁ ।

SBI ର ଏହି ଅଫର୍ ସରକାରୀ ବେତନ ପ୍ରାପ୍ତ ଗ୍ରାହକଙ୍କ ପାଇଁ ରହିଛି । ଏହା କେବଳ ସେହି ଗ୍ରାହକଙ୍କ ପାଇଁ ଅଟେ, ଯାହାର ଦରମା ଆକାଉଣ୍ଟ SBI ରେ ଅଛି । ବ୍ୟାଙ୍କ କହିଛି ଯେ କେନ୍ଦ୍ର / ରାଜ୍ୟ ସରକାର ଏବଂ ପ୍ରତିରକ୍ଷା କ୍ଷେତ୍ରରେ କାର୍ଯ୍ୟ କରୁଥିବା ସାଲାରି ଆକାଉଣ୍ଟ ଥିବା ଗ୍ରାହକଙ୍କୁ ବ୍ୟକ୍ତିଗତ ଲୋନ ପାଇଁ ଶାଖା ପରିଦର୍ଶନ କରିବା ଆବଶ୍ୟକ ନାହିଁ । ବ୍ୟାଙ୍କ ଅନୁଯାୟୀ, ସିବିଆଇଏଲ୍ ସ୍କୋର ଯାଞ୍ଚ ବ୍ୟତୀତ ଯୋଗ୍ୟତା, ଲୋନ ରାଶି ଅନୁମୋଦନ ଇତ୍ୟାଦି କାର୍ଯ୍ୟ ଡିଜିଟାଲ୍ ଭାବରେ କରାଯିବ । ଏହି ପ୍ରକ୍ରିୟା ଯଥାଶୀଘ୍ର ସମାପ୍ତ ହେବ ।

Say yes to your dreams!
Introducing Real Time Xpress Credit (RTXC) for our eligible salaried customers.
Easy and instant loan up to 35 lakhs on Yono app.#RTXC #PersonalLoan #StateBankOfIndia #AmritMahotsav #AzadiKaAmritMahotsavWithSBI pic.twitter.com/Oiz6alDiBx

— State Bank of India (@TheOfficialSBI) May 23, 2022

ଏସବିଆଇ ଅଧ୍ୟକ୍ଷ ଦୀନେଶ କୁମାର ଖାରା କହିଛନ୍ତି ଯେ ଏକ୍ସପ୍ରେସ କ୍ରେଡିଟ ଉତ୍ପାଦ ବ୍ୟାଙ୍କ ସହିତ ଜଡିତ ଗ୍ରାହକଙ୍କୁ ଡିଜିଟାଲ, ଅସୁବିଧାମୁକ୍ତ ଏବଂ କାଗଜହୀନ ଲୋନ ପ୍ରକ୍ରିୟା ଅନୁଭବ କରିବାକୁ ସକ୍ଷମ କରିବ ।

ଏଗୁଡିକ ହେଉଛି ଜରୁରୀ ସର୍ତ୍ତ:
ଦରମା ଆକାଉଣ୍ଟ ଏସବିଆଇରେ ଥିବା ଜରୁରୀ ।
ସର୍ବନିମ୍ନ ମାସିକ ଆୟ ୧୫,୦୦୦ ଟଙ୍କା ରହିବା ଜରୁରୀ  ।
କେନ୍ଦ୍ରୀୟ / ରାଜ୍ୟ, କେନ୍ଦ୍ରୀୟ ପବ୍ଲିକ ସେକ୍ଟର ଅଣ୍ଡରଟେକିଂ ଏବଂ ରାଜ୍ୟ ପବ୍ଲିକ ସେକ୍ଟର ଅଣ୍ଡରଟେକିଂ ଇତ୍ୟାଦିରେ କାର୍ଯ୍ୟ କରୁଥିବା କର୍ମଚାରୀମାନଙ୍କ ପାଇଁ ଏହା ଉପଲବ୍ଧ ।