 "ଭଲ ଖବର: ରାଜ୍ୟରେ ଗୋଟିଏ ଦିନରେ ସୁସ୍ଥ ହେଲେ ଆଉ ୩୧୧୦ କୋରୋନା ସଂକ୍ରମିତ")
ଭୁବନେଶ୍ୱର: ରାଜ୍ୟରେ କୋରୋନା ସଙ୍କଟ ଜାରି ରହିଛି । ରାଜ୍ୟରେ ଦିନକୁ ଦିନ କୋରୋନା (Coronavirus) ସ୍ଥିତି ବିଗିଡ଼ିବାରେ ଲାଗିଛି । ଏହାସହ କୋରୋନା ଜନିତ ମୃତ୍ୟୁ ସଂଖ୍ୟାରେ ବୃଦ୍ଧି ଘଟୁଛି । ଅନ୍ୟପଟେ ଓଡ଼ିଶାବାସୀଙ୍କ ପାଇଁ ଏକ ଆଶ୍ୱସ୍ତିକର ଖବର ଏହା ଯେ ରାଜ୍ୟରେ ସଂକ୍ରମିତଙ୍କ ସୁସ୍ଥ ହାରରେ ସୁଧାର ଆସୁଛି । ଏହି କ୍ରମରେ ଆଜି ଅର୍ଥାତ ବୁଧବାର ରାଜ୍ୟରେ ୩,୧୧୦ ଆଉ ଜଣ କୋରୋନା ସଂକ୍ରମିତ (COVID-19 Positive) ସୁସ୍ଥ ହୋଇଛନ୍ତି । ଯାହା ପରେ ରାଜ୍ୟରେ ବର୍ତ୍ତମାନ ଯାଏ ୧,୦୫,୨୯୫ ସଂକ୍ରମିତ ସୁସ୍ଥ ହୋଇଛନ୍ତି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ଟ୍ୱିଟ୍ କରି ସୂଚନା ପ୍ରଦାନ କରାଯାଇଛି ।
ସୂଚନାଯୋଗ୍ୟ, ଆଜି ଖୋର୍ଦ୍ଧାରୁ ସର୍ବାଧିକ ୧୦୨୩, ପୁରୀରୁ ୨୧୫ ଜଣ, କଟକରୁ ୨୦୨ ଜଣ, ମୟୂରଭଞ୍ଜରୁ ୧୫୪ ଜଣ, କେନ୍ଦ୍ରାପଡାରୁ ୧୩୧ ଜଣ, ଢେଙ୍କାନାଳରୁ ୧୨୩ ଜଣ, ବାଲେଶ୍ୱରରୁ ୧୦୩ ଜଣ, ସମ୍ୱଲପୁରରୁ ୧୦୨ ଜଣ, ଯାଜପୁରରୁ ୧୦୦ ଜଣ, ଗଞ୍ଜାମରୁ ୯୮ ଜଣ, ଝାରସୁଗୁଡାରୁ ୯୫ ଜଣ, କୋରାପୁଟରୁ ୯୫ ଜଣ, ବରଗଡ଼ରୁ ୯୨ ଜଣ, କଳାହାଣ୍ଡିରୁ ୬୦ ଜଣ, କନ୍ଧମାଳରୁ ୬୦ ଜଣ, କେନ୍ଦୁଝରରୁ ୬୦ ଜଣ, ସୁନ୍ଦରଗଡ଼ରୁ ୫୮ ଜଣ, ରାୟଗଡାରୁ ୫୦ ଜଣ, ଭଦ୍ରକରୁ ୪୩ ଜଣ, ଜଗତସିଂହପୁରରୁ ୪୨ ଜଣ, ବଲାଙ୍ଗୀରରୁ ୪୧ ଜଣ, ନବରଙ୍ଗପୁରରୁ ୩୪ ଜଣ, ମାଲକାନଗିରିରୁ ୩୨ ଜଣ, ଗଜପତିରୁ ୨୦ ଜଣ, ସୁବର୍ଣ୍ଣପୁରରୁ ୨୦ ଜଣ, ନୂଆପଡାରୁ ୧୬ ଜଣ, ବୌଦ୍ଧରୁ ୭ ଜଣ, ଅନୁଗୋଳରୁ ୩ ଜଣ ଏବଂ ଦେଓଗଡ଼ରୁ ୨ ଜଣ ସଂକ୍ରମିତ ସୁସ୍ଥ ହୋଇଛନ୍ତି ।
Another 3110 Covid patients have recovered and are being discharged on 09.09.2020
1023 from Khordha
215 from Puri
202 from Cuttack
154 from Mayurbhanj
131 from Kendrapara
123 from Dhenkanal
103 from Baleswar
102 from Sambalpur
100 from Jajapur
98 from Ganjam
95 from Jharsuguda— H & FW Dept Odisha (@HFWOdisha) September 9, 2020
7 from Boudh
3 from Anugul
2 from DeogarhThe total recovered cases of Odisha now stand at 105295
— H & FW Dept Odisha (@HFWOdisha) September 9, 2020
ଅନ୍ୟପକ୍ଷେ ରାଜ୍ୟ ସରକାରଙ୍କ ଦ୍ୱାରା ସବିଶେଷ ତଥ୍ୟ ଅନୁସାରେ, ଆଜି ସକାଳ ସୁଦ୍ଧା ରାଜ୍ୟରେ ମୋଟ ୧,୩୫,୧୩୦ କୋରୋନା ସଂକ୍ରମିତ (COVID-19 Positive) ଚିହ୍ନଟ ହୋଇଛନ୍ତି । ଏଥିରୁ ୫୮୦ ଜଣ କୋରୋନା ସଂକ୍ରମିତଙ୍କ ମୃତ୍ୟୁ ଘଟିଛି । ଏହାସହ କୋରୋନା ସଂକ୍ରମିତ ସହ ଅନ୍ୟ ରୋଗ ଯୋଗୁଁ ମୃତ୍ୟୁ ବରଣ କରିଥିବା ରୋଗୀଙ୍କ ସଂଖ୍ୟା ୫୩ରେ ପହଞ୍ଚିଛି । ୧,୦୨,୧୮୫ ଜଣ କୋରୋନା ସଂକ୍ରମିତ ସୁସ୍ଥ ହୋଇଛନ୍ତି । ଏହା ବ୍ୟତୀତ ରାଜ୍ୟରେ ମୋଟ ୩୨,୩୧୨ ସକ୍ରିୟ ସଂକ୍ରମିତ ମାମଲା ରହିଛି ।
)