ରାଜ୍ୟରେ ଆଉ ୪ କୋରୋନା ସଂକ୍ରମିତଙ୍କ ମୃତ୍ୟୁ, ୫୦ ଡେଇଁଲା ମୃତକଙ୍କ ସଂଖ୍ୟା

ପୁଣି ୪ ମୁଣ୍ଡ ନେଲା କୋରୋନା

ରାଜ୍ୟରେ ଆଉ ୪ କୋରୋନା ସଂକ୍ରମିତଙ୍କ ମୃତ୍ୟୁ, ୫୦ ଡେଇଁଲା ମୃତକଙ୍କ ସଂଖ୍ୟା

ଭୁବନେଶ୍ୱରେ: ରାଜ୍ୟରେ ଆଜି ଆଉ ୪ କୋରୋନା ରୋଗୀଙ୍କ ମୃତ୍ୟୁ ହୋଇଛି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂଚନା ଦେଇଛି। ବିଭାଗ ଦେଇଥିବା ସୂଚନା ମୁତାବକ ୪ ଜଣ କୋରୋନା ରୋଗୀଙ୍କ ମୃତ୍ୟୁ ପରେ ରାଜ୍ୟରେ କୋରୋନା ମୃତ୍ୟୁ ସଂଖ୍ୟା ୫୨ରେ ପହଞ୍ଚିଛି। 

ଭଦ୍ରକ ଓ ଗଞ୍ଜାମରେ ବିଗତ ୨୪ ଘଣ୍ଟାରେ ୪ ଜଣଙ୍କ ମୃତ୍ୟୁ ହୋଇଛି। ଗଞ୍ଜାମରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ଭଦ୍ରକରେ ଜଣକର ମୃତ୍ୟୁ ହୋଇଛି। ଗଞ୍ଜାମ ଜିଲ୍ଲାରେ ୬୫ ବର୍ଷ, ୬୩ ଓ ୫୮ ବର୍ଷ ବୟସର ରହିଛନ୍ତି। ମୃତକଙ୍କ ମଧ୍ୟରେ ଜଣେ ମହିଳା ରହିଥିବା ବେଳେ ଅନ୍ୟ ଦୁଇ ଜଣ ପୁରୁଷ ରହିଛନ୍ତି। ସେହିପରି ଭଦ୍ରକରେ ୫୮ ବର୍ଷୀୟ ପୁରୁଷ ରହିଛନ୍ତି। 

ସୂଚନା ଯୋଗ୍ୟ ଗଞ୍ଜାମରେ ମୃତକଙ୍କ ସଂଖ୍ୟା ୩୦ରେ ପହଞ୍ଚିଛି। ସେପଟେ ଆକ୍ରାନ୍ତଙ୍କ ସଂଖ୍ୟା ମଧ୍ୟ ଜିଲ୍ଲାରେ ହୁହୁ ହୋଇ ବଢିଚାଲିଛି। ଆଜି ଜିଲ୍ଲାରୁ ପ୍ରାୟ ୨୬୦ ଜଣ ସଂକ୍ରମିତଙ୍କ ସମ୍ପର୍କରେ ଜଣାପଡ଼ିବା ପରେ ୩ ହଜାର ଅତିକ୍ରମ କରିଛି କୋରୋନା ସଂକ୍ରମିତଙ୍କ ସଂଖ୍ୟା।