ଆଉ ୫ ମୁଣ୍ଡ ନେଲା କୋରୋନା, ରାଜ୍ୟରେ ବଢି ଚାଲିଛି କୋରୋନା ମୃତ୍ୟୁ ସଂଖ୍ୟା

ଭୁବନେଶ୍ୱର: ରାଜ୍ୟରେ ଶହେ ଛୁଇଁଛି ମୃତ୍ୟୁ ସଂଖ୍ୟା। ଆଜି କୋରୋନାରେ ୫ଜଣଙ୍କ ମୃତ୍ୟୁ ହୋଇଛି। ଫଳରେ ରାଜ୍ୟରେ କୋରୋନା ଜନିତ ମୃତ୍ୟୁ ସଂଖ୍ୟା ୧୦୮ରେ ପହଞ୍ଚିଛି। ସେପଟେ ମୃତକଙ୍କ ମଧ୍ୟରେ ଗଜପତି, ଓ କନ୍ଧମାଳରୁ ଜଣେ ଲେଖାଏଁ ମୃତ୍ୟୁ ବରଣ କରିଛନ୍ତି। ସେହିପରି ଗଞ୍ଜାମରେ ଆଜି ୩ କୋରୋନା ସଂକ୍ରମିତଙ୍କ ମୃତ୍ୟୁ ହୋଇଛି। କନ୍ଧମାଳରେ ଆଜି ପ୍ରଥମ କୋରୋନା ମୃତ୍ୟୁ ହୋଇଥିବା ସୂଚନା ରହିଛି। 

ମୃତକଙ୍କ ମଧ୍ୟରେ ୪ ଜଣ ପୁରୁଷ ରହିଥିବା ବେଳେ ଜଣେ ମହିଳା ରହିଛନ୍ତି। ଗଞ୍ଜାମରେ ମୃତ୍ୟୁ ସଂଖ୍ୟା ୬୨ରେ ପହଞ୍ଚିଛି। ଜିଲ୍ଲାରେ ଆଜି ହୋଇଥିବା ମୃତକଙ୍କ ମଧ୍ୟରେ  ୬୦, ୬୧ ବୟସ୍କ ପୁରୁଷ ରହିଛନ୍ତି। ସେହିପରି ୪୦ ବର୍ଷର ମହିଳା ଜିଲ୍ଲାରେ ମୃତ୍ୟୁ ବରଣ କରିଛନ୍ତି। ସେହିପରି କନ୍ଧମାଳରେ ଆଜି କୋରୋନା ଜନିତ ପ୍ରଥମ ମୃତ୍ୟୁ ହୋଇଛି। ୮୬ ବର୍ଷୀୟ ବୃଦ୍ଧଙ୍କର ମୃତ୍ୟୁ ହୋଇଛି। ସେହିପରି ଗଜପତିରେ ମଧ୍ୟ ଜଣକର ମୃତ୍ୟୁ ହୋଇଛି। ୭୨ ବର୍ଷୀୟ ଜଣେ ପୁରୁଷଙ୍କର  ମୃତ୍ୟୁ ହୋଇଛି। 

ଫଳରେ ଗଞ୍ଜାମ ଜିଲ୍ଲରେ ରାଜ୍ୟରୁ ସବୁଠାରୁ ଅଧିକ ସଂଖ୍ୟକ କୋରୋନା ସଂକ୍ରମିତଙ୍କ ମୃତ୍ୟୁ ହୋଇଛି। ଆଜିର ୩ କୋରୋନା ସଂକ୍ରମିତଙ୍କ ମୃତ୍ୟୁ ପରେ ଜିଲ୍ଲାରେ ମୃତ୍ୟୁ ସଂଖ୍ୟା ୬୨ ଛୁଇଁଛି। ତାହା ପଛକୁ ଥିବା ଖୋର୍ଦ୍ଧା ଜିଲ୍ଲାରେ ୧୪ ଜଣ ସଂକ୍ରମିତ ରହିଛନ୍ତି। କଟକରେ ୯ ଜଣ କୋରୋନା ସଂକ୍ରମିତଙ୍କ ମୃତ୍ୟୁ ହୋଇଥିବା ବେଳେ ପୁରୀ, ଜଗତସିଂହପୁର, କେନ୍ଦ୍ରାପଡ଼ା, ରାୟଗଡ଼ା, ଅନୁଗୋଳ ଓ ସୁନ୍ଦରଗଡ଼ରେ ଦୁଇ ଜଣ ଲେଖାଏଁ କୋରୋନା ସଂକ୍ରମିତଙ୍କ ମୃତ୍ୟୁ ହୋଇଛି। ସେହିପରି ନୟାଗଡ଼, ଯାଜପୁର, ଭଦ୍ରକ, କନ୍ଧମାଳ ଓ ବରଗଡ଼ରେ ଜଣେ ଲେଖାଏଁ କୋରୋନା ସଂକ୍ରମିତଙ୍କ ମୃତ୍ୟୁ ହୋଇଛି।