ହାର୍ଡଓ୍ବେର ଦୋକାନରୁ ଚୋରି କରି ଧରାପଡିଲା ଯୁବକ

ଏକ ହାର୍ଡଓ୍ବେର ଦୋକାନରୁ ଚୋରି ଅଭିଯୋଗରେ ଜଣେ ସନ୍ଦିଗ୍ଧ ଅପରାଧୀକୁ ଗିରଫ ସମ୍ବଲପୁର ପୋଲିସ କରିଛି। ଏହା ସହ ଗୋଟିଏ କାର୍ ଓ ୨ ଲକ୍ଷ ଟଂକା ମୂଲ୍ଯର ହାର୍ଡେଓ୍ବେର ସାମଗ୍ରୀ ଜବତ କରାଯାଇଛି।

खास बातें

ସମ୍ବଲପୁର: ଛୋଟ ଅପରାଧୀ ଧରିବାରେ ପୋଲିସକୁ ବଡ଼ ସଫଳତା। ବୁର୍ଲା ଥାନା ଅନ୍ତଗତ ଗୋଶାଳା ନିକଟରେ ଏକ ହାର୍ଡଓ୍ବେର ଦୋକାନରୁ ଚୋରି ଅଭିଯୋଗରେ ଜଣେ ସନ୍ଦିଗ୍ଧ ଅପରାଧୀକୁ ଗିରଫ ସମ୍ବଲପୁର ପୋଲିସ କରିଛି। ଏହା ସହ ଗୋଟିଏ କାର୍ ଓ ୨ ଲକ୍ଷ ଟଂକା ମୂଲ୍ଯର ହାର୍ଡେଓ୍ବେର ସାମଗ୍ରୀ ଜବତ କରାଯାଇଛି।
ସୂଚନା ଅନୁସାରେ ଆକାଶ ଅଗ୍ରଓ୍ବାଲ ନାମକ ବ୍ୟବସାୟୀଙ୍କ ଗୋଶାଳା ଛକସ୍ଥିତ ହାର୍ଡୱେର ଦୋକାନ (Hardware Shop) ରୁ ଚୋରି ହୋଇଥିବା ଅଭିଯୋଗ ହୋଇଥିଲା। ତେବେ ସେହି ଚୋରି ସାମଗ୍ରୀ ଏକ କାର ଯୋଗେ ନିଆଯାଉଥିବା ପୋଲିସ (Sambalpur Police) କୁ ସୂଚନା ମିଳିଥିଲା। ଆଉ ଖବର ପାଇ ପୋଲିସ ଉକ୍ତ କାରକୁ ପିଛା କରିଥିଲା।
Also Read: ପଶ୍ଚିମ ଓଡ଼ିଶାରେ ଲହଡି ଭାଙ୍ଗୁଛି କୋରୋନା, ସାବାଡ ହେବେ ଅମାନିଆ
ତେବେ ପୋଲିସକୁ ଚକମା ଦେଇ ଫେରାର ହେଇ ଯିବାକୁ ଅଭିଯୁକ୍ତ ପ୍ରାଣପଣେ ପ୍ରୟାସ କରିଥିଲା। କିନ୍ତୁ ଦୀର୍ଘ ସମୟ ଚୋର ପୋଲିସ ଖେଳ ପରେ ସମ୍ବଲପୁର ପୋଲିସ ଅଭିଯୁକ୍ତ ମହମ୍ମଦ ଇର୍ଫାନକୁ ଧରିବାରେ ସଫଳ ହୋଇଥିଲା। ଅଭିଯୁକ୍ତ ନିକଟରୁ ବିପୁଳ ପରିମାଣର ହାର୍ଡୱେର ସାମଗ୍ରୀ ଓ ଏକ ଗାଡି ଜବତ ହୋଇଥିବା ସମ୍ବଲପୁର SP ବାତୁଲା ଗଙ୍ଗାଧର (Batula Gangadhar) କହିଛନ୍ତି।