କିଏ ସେହି ମୋଷ୍ଟୱାଣ୍ଟେଡ ଅପରାଧୀ ବିକାଶ ଦୁବେ ?
Trending Photos
ଲକ୍ଷ୍ନୌ: କାନପୁରରେ ଅପରାଧୀଙ୍କ ଗୁଳିରେ ୮ ପୋଲିସ ଶହୀଦ ହୋଇଛନ୍ତି । ଏକ ମୋଷ୍ଟୱାଣ୍ଟେଡ ଅପରାଧୀକୁ ଧରିବାକୁ ଯାଇଥିବା ବେଳେ ପୋଲିସ କର୍ମଚାରୀଙ୍କୁ ଶହୀଦ ହେବାକୁ ପଡ଼଼ିଛି । ଅନ୍ୟ ୭ ପୋଲିସ ଗୁରୁତର ଆହତ ମଧ୍ୟ ହୋଇଛନ୍ତି । ଅପରାଧୀମାନେ ପୋଲିସ ଉପରକୁ ଆଖିବୁଜା ଗୁଳି ଚଳାଇଥିଲେ । ଗୁରୁବାର ବିଳମ୍ବିତ ରାତିରେ କାନପୁର ଶିବଲୀ ଥାନା ବେକରୁ ଗାଁ ପାଖରେ ଏହି ଗୁଳି ବିନିମୟ ହୋଇଥିଲା । ମୋଷ୍ଟୱାଣ୍ଟେଡ ଅପରାଧୀ ବିକାଶ ଦୁବେକୁ ଧରିବାକୁ ଯାାଇଥିବା ବେଳେ ଏହି ଘଟଣା ଘଟିଛି ।
ଯାହା କୁହାଯାଉଛି, ଅପରାଧୀମାନେ ପୋଲିସକୁ ଚାରିଆଡ଼ୁ ଘେରିଯାଇ ଆଖିବୁଜା ଗୁଳି ଚଳାଇଥିଲେ । ଫଳରେ ୮ ପୋଲିସ କର୍ମଚାରୀ ଶହୀଦ ହୋଇଛନ୍ତି । ଏଠାରେ ଆପଣଙ୍କୁ କହିରଖୁଛୁ, ବିକାଶ ଦୁବେ ସେହି ଅପରାଧୀ, ଯାହା ନାଁରେ ଜଣେ ମନ୍ତ୍ରୀକୁ ହତ୍ୟା କରିବାର ଅଭିଯୋଗ ରହିଛି । ଗତ ୨୦୦୧ ମସିହାରେ ଉତ୍ତର ପ୍ରଦେଶରେ ରାଜନାଥ ସିଂହ ମୁଖ୍ୟମନ୍ତ୍ରୀ ଥିବା ବେଳେ ତାଙ୍କ ସରକାରରେ ମନ୍ତ୍ରୀ ଥିବା ସନ୍ତୋଷ ଶୁକ୍ଲାଙ୍କୁ ଥାନା ଭିତରେ ପଶି ସେ ହତ୍ୟା କରିଥିଲା । ବିକାଶ ଦୁବେ ନାଁରେ ୬୦ରୁ ଅଧିକ ମାମଲା ରହିଛି ।
Kanpur: 8 Police personnel lost their lives after being fired upon by criminals when they had gone to raid Bikaru village in search of history-sheeter Vikas Dubey. SSP Kanpur says, "They'd gone to arrest him following complaint of attempt to murder against him.They were ambushed" pic.twitter.com/9Qc0T5cKPw
— ANI UP (@ANINewsUP) July 3, 2020
ସେପଟେ ପୋଲିସ କର୍ମଚାରୀ ଶହୀଦ ହେବା ଖବର ଆସିବା ପରେ ଡିଜିପି ଓ ଗୃହ ବିଭାଗର ସଚିବଙ୍କ ସହ କଥା ହୋଇଛନ୍ତି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ।
ଡିଜିପି ଏଚସି ଅୱସ୍ତି କହିଛନ୍ତି, ଜଣେ ସିଓ, ତିନି ଜଣ ସବ-ଇନ୍ସପେକ୍ଟର ଏବଂ ୪ ଜଣ ପୋଲିସ କର୍ମଚାରୀ ଶହୀଦ ହୋଇଛନ୍ତି । ସେହିପରି ଅନ୍ୟ ୭ ପୋଲିସ କର୍ମଚାରୀ ଆହତ ହୋଇଛନ୍ତି । ଏବେ ବହୁ ବରିଷ୍ଠ ପୋଲିସ ଅଧିକାରୀ ଘଟଣାସ୍ଥଳରେ ପହଞ୍ଚିଛନ୍ତି । ସେହିପରି ଏସଟିଏଫକୁ ମଧ୍ୟ ଘଟଣାସ୍ଥଳକୁ ପଠାଯାଇଛି ।
ତେବେ ଡିଜିପିଙ୍କ କହିବା କଥା ଏହା ଯେ, ଏବେ ଆହତ ହୋଇଥିବା ସମସ୍ତ ପୋଲିସ କର୍ମଚାରୀଙ୍କୁ ଉତ୍ତମ ଚିକିତ୍ସା ଯୋଗାଇଦେବା ଉପରେ ଆମର ଫୋକସ ରହିଛି । ସେହିପରି ବିକାଶ ଦୁବେ ବିରୋଧରେ ଜାରି ଅପରେଶନକୁ ମଧ୍ୟ ଜାରି ରଖିବାକୁ ପଡ଼ିବ । ବିକାଶ ଦୁବେ ଏବଂ ତାର ସମସ୍ତ ସହଯୋଗୀଙ୍କୁ ଯେପରି ଖୁବଶୀଘ୍ର ଗିରଫ କରାଯିବ, ସେ ଉପରେ ଗୁରୁତ୍ୱ ଦିଆଯାଉଛି ।