ଗାଜିଆବାଦ: ଗାଜିଆବାଦର ମୋଦିନାଗର ପୋଲିସ ଷ୍ଟେସନ ଅଞ୍ଚଳର ବଖାରୱା ଗ୍ରାମରେ ଭୀଷଣ ଅଗ୍ନିକାଣ୍ଡ ଘଟିଛି । ଫଳରେ ୬ ଜଣ ମହିଳା ଓ ଜଣେ ପୁରୁଷଙ୍କର ମୃତ୍ୟୁ ଘଟିଛି । ଏହି ଦୁର୍ଘଟଣାରେ ୩ ଜଣ ମହିଳା ଗୁରୁତର ଭାବେ ଜଳି ଯାଇଛନ୍ତି । ସେମାନଙ୍କୁ ବିଭିନ୍ନ ଡାକ୍ତରଖାନାରେ ଭର୍ତ୍ତି କରାଯାଇଛି । ପୋଲିସ ଠାରୁ ମିଳିଥିବା ସୂଚନା ଅନୁଯାୟୀ, ଜନ୍ମଦିନ କେକରେ ବ୍ୟବହୃତ ପେନ୍ସିଲ କ୍ୟାଣ୍ଡେଲ ଏଠାରେ ତିଆରି ହୋଇଥାଏ । କୁହାଯାଉଛି ଯେ, ଜନ୍ମଦିନର ମହମବତୀ ତିଆରି କରିବା ପାଇଁ ବାରୁଦ ମଧ୍ୟ ବ୍ୟବହାର କରାଯାଇଥାଏ । ଯେଉଁଥିପାଇଁ କାରଖାନାରେ ମଧ୍ୟରେ ନିଆଁ ଲାଗିଛି । ନିଆଁ ଲାଗିବା ପରେ ଏହା ଏତେ ଭୟଙ୍କର ହୋଇଯାଇଥିଲା ଯେ କେହି ଏଠାରୁ ବାହାରି ପାରିନଥିଲେ । ଆଉ ୭ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା ।
ପୋଲିସ ତରଫରୁ ମିଳିଥିବା ସୂଚନା ଅନୁଯାୟୀ, ଯେଉଁଠାରେ ଏହି ଲୋକମାନେ କାମ କରୁଥିଲେ । ସେଠାରେ ଏକ ଚାଲ ଘର ଥିଲା । ଆଉ ଏହି ଚାଲ ଘର ଉପରେ ବିଦ୍ୟୁତ ତାର ଖସି ପଡିଥିଲା । ଯେଉଁଥି ପାଇଁ ଅଗ୍ନିକାଣ୍ଡ ଘଟିଛି । ଏହି କାରଣରୁ ଏଠାରେ କାର୍ଯ୍ୟ କରୁଥିବା ଲୋକମାନେ ନିଜ ଜୀବନ ବଞ୍ଚାଇବାକୁ ସୁଯୋଗ ପାଇଲେ ନାହିଁ । ପୋଲିସର ସୂଚନାନୁସାରେ, ୬ ଜଣ ମହିଳା ଓ ଜଣେ ପୁରୁଷ ଘଟଣାସ୍ଥଳରେ ମୃତ୍ୟୁ ବରଣ କରିଥିବାବେଳେ ୩ ଜଣ ମହିଳାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି ।
मुख्यमंत्री श्री @myogiadityanath जी ने जनपद गाजियाबाद के मोदीनगर के बखरवा गांव में मोमबत्ती के कारखाने में आग लगने की घटना में लोगों की मृत्यु पर शोक व्यक्त किया है।
उन्होंने मृतकों के शोक संतप्त परिजनों के प्रति संवेदना व्यक्त की है।
— CM Office, GoUP (@CMOfficeUP) July 5, 2020
ୟୁପି ସିଏମ ଯୋଗୀ ଆଦିତ୍ୟନାଥ ତୁରନ୍ତ ମାଜିଷ୍ଟ୍ରେଟ ଓ ସିନିୟର ଏସପିଙ୍କୁ ଆହତଙ୍କ ନିକଟରେ ପହଞ୍ଚି ଆହତମାନଙ୍କୁ ତୁରନ୍ତ ସହାୟତା କରିବାକୁ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଜାରି ହୋଇଥିବା ବୟାନରେ ଏହି ସୂଚନା ଦିଆଯାଇଛି ।
