ଶିକ୍ଷାନଗରୀରେ ପୁଣି ବୁଲିଲା ଖଣ୍ଡା, ଭୁଜାଲି

ସମ୍ବଲପୁର: ଶିକ୍ଷାନଗରୀ ବୁର୍ଲା ପୁଣି ଥରେ ଅଶାନ୍ତ ହୋଇପଡିଛି। ଚଳଚଂଚଳ ସହରରେ ବୁଲିଲା ଖଣ୍ଡା, ଭୁଜାଲି। ଭୀମସାର ମୁଖ୍ୟ ଫାଟକ ସମ୍ମୁଖ ନେତାଜୀ ଛକରେ ଗୋଷ୍ଠୀ ସଂଘର୍ଷ ହୋଇଛି। ଉଭୟ ପକ୍ଷ ଖଣ୍ଡା, ଭୁଜାଲି ଓ ଲୁହାରଡ଼ରେ ପରସ୍ପରକୁ ଆକ୍ରମଣ କରିଛନ୍ତି। ଏହି ରକ୍ତାକ୍ତ ସଂଘର୍ଷରେ ଗୋଟିଏ ଗୋଷ୍ଠୀର ଦୁଇ ଜଣ ଗୁରୁତର ଭାବରେ ଆହତ ହୋଇଛନ୍ତି। 

ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ PWD ଅଂଚଳର ଦୁଇଜଣ ଯୁବକ ନେତାଜୀ ଛକ ଠାରେ ଠିଆ ହୋଇଥିଲେ। ଏହି ସମୟରେ କୌଣସି କଥାକୁ ନେଇ ସ୍ଥାନୀୟ ବିଷ୍ଣୁ ମନ୍ଦିର ପଡା (vishnu mandir pada) ର କିଛି ଯୁବକଙ୍କ ସହିତ ସେମାନଙ୍କ ବଚସା ହୋଇଥିଲା। ପରେ ତାହା ଉଗ୍ର (Community clash) ରୂପ ନେଇଥିଲା। 

Also Read: କୋରୋନାକୁ ବର୍ଷେ; ଦେଖାଇଲା ବହୁତ, ଶିଖାଇଲା ଅନେକ

ବିଷ୍ଣୁ ମନ୍ଦିର ପଡାର ଏକାଧିକ ଯୁବକ ଅନ୍ୟ ଗୋଷ୍ଠୀର ଯୁବକଙ୍କୁ ବିଭିନ୍ନ ମାରଣାସ୍ତ୍ରରେ ଆକ୍ରମଣ କରିଥିଲେ। ଫଳରେ ଅନ୍ୟ ଗୋଷ୍ଠୀର ଦୁଇଜଣ ଯୁବକ ଗୁରୁତର ଆହତ ହୋଇଥିଲେ। ବୁର୍ଲା ପୋଲିସ (Burla Police) ଗୁରୁତରଙ୍କୁ ଉଦ୍ଧାର କରି ବୁର୍ଲା ମେଡିକାଲ (Burla Hospital) ରେ ଚିକିତ୍ସା କରାଇଛି। ଏନେଇ ବୁର୍ଲା ଥାନାରେ ଅଭିଯୋଗ ହେବ ପରେ ପୋଲିସ ଘଟଣାର ତଦନ୍ତ ଜାରି ରଖିଛି।