ନୋଟରେ ନାକ ସଫା କରୁଥିବା ବ୍ୟକ୍ତି ଗିରଫ, ସୁଟ୍ କରିଥିଲା ଟିକଟକ୍ ଭିଡିଓ

ନାସିକ: କୋରୋନା ଭାଇରସକୁ ଆଲ୍ଲାଙ୍କ ଏକ ଚମତ୍କାର ବୋଲି ବର୍ଣ୍ଣନା କରି ନୋଟରୁ ନାକ ସଫା କରିବାର ଏକ ଭିଡିଓ ସୁଟ କରିବା ଜଣେ ବ୍ୟକ୍ତିଙ୍କ ପାଇଁ ମହଙ୍ଗା ପଡିଲା । ନାସିକ ପୋଲିସ ଏହି ବ୍ୟକ୍ତିଙ୍କୁ ଚିହ୍ନଟ କରି ଗୁରୁବାର ତାଙ୍କୁ ଗିରଫ କରିଛି । ନାସିକ ପୋଲିସ ନିଜେ ଟ୍ୱିଟ କରି ଏ ସମ୍ପର୍କରେ ସୂଚନା ଦେଇଛି ।

ସୂଚନା ମୁତାବକ, ମହାରାଷ୍ଟ୍ରର ନାସିକର ଜଣେ ୩୮ ବର୍ଷ ବୟସ୍କ ବ୍ୟକ୍ତିଙ୍କୁ ଭିଡିଓ ଅପଲୋଡ କରିବାର ଅଭିଯୋଗରେ ଗିରଫ କରାଯାଇଛି । ଯେଉଁଥିରେ ସେ ନୋଟ୍ ଚାଟିବା ସହ ନାକ ସଫା କରୁଥିବା ଦେଖିବାକୁ ମିଳିଛି । ନାସିକ ପୋଲିସ ନିଜ ଟ୍ୱିଟରେ କହିଛି ଯେ, ନାସିକ ଗ୍ରାମୀଣ ପୋଲିସ (ମହାରାଷ୍ଟ୍ର ଗ୍ରାମୀଣ) ପକ୍ଷରୁ ଅଭିଯୁକ୍ତଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ଏବଂ ତାଙ୍କୁ ପୋଲିସ ଗିରଫ କରିଛି ।

ଜଣେ ଅଧିକାରୀ କହିଛନ୍ତି ଯେ ସୟଦ ଜାମିଲ ସୟିଦ ବାବୁଙ୍କୁ ଗତକାଲି ବିଳମ୍ବିତ ରାତିରେ ମାଲେଗାଓଁର ରାମଜାନପୁରା ପୋଲିସ ଗିରଫ କରିଛି । ଏହି ବ୍ୟକ୍ତି ଭିଡିଓରେ କହିଛନ୍ତି ଯେ, ମହାମାରୀ ଆହୁରି ତୀବ୍ର ହେବ। ଏହା ପରେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି  ପରେ ଆମେ ତାଙ୍କୁ ଗିରଫ କରିଛୁ । ଅଧିକାରୀ ଏହା ମଧ୍ୟ କହିଛନ୍ତି ଯେ ଉକ୍ତ ବ୍ୟକ୍ତିଙ୍କୁ ୭ ଏପ୍ରିଲ ପର୍ଯ୍ୟନ୍ତ ମାଲେଗାଓଁ କୋର୍ଟ ଦ୍ୱାରା ପୋଲିସ ହେପାଜତକୁ ପଠାଯାଇଛି ।

Add Zee News as a Preferred Source