ମାଲକାନଗିରିରେ ଅମାନବୀୟ ଘଟଣା, କୁମ୍ଭୀରକୁ ମାରି ଖାଇଗଲେ ଲୋକେ

ପ୍ରାୟ ୧୦ ଫୁଟ ଲମ୍ୱର ଏହି କୁମ୍ଭୀରକୁ କାବୁ କରିବା ପରେ ଲୋକେ ତା ଆଙ୍ଗୁଠି କାଟିବା ସହ ଫଟୋ ଉତ୍ତୋଳନ କରିଥିଲେ । ସୂଚନା ଅନୁଯାୟୀ ଅନେକ ଲୋକ ଏହି କୁମ୍ଭୀରଟିକୁ କାଟି ମାଂସ ଖାଇଥିବା ମଧ୍ୟ ଜଣାପଡ଼ିଛି । 

ମାଲକାନଗିରିରେ ଅମାନବୀୟ ଘଟଣା, କୁମ୍ଭୀରକୁ ମାରି ଖାଇଗଲେ ଲୋକେ

ମାଲକାନଗିରି:  ଜିଲ୍ଲାରେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । କୁମ୍ଭୀରକୁ ମାରି ଖାଇଗଲେ ଲୋକେ । ଏଭଳି କିଛି ଆଶ୍ଚର୍ଯ୍ୟକର ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲାର ପଡିଆ ବ୍ଳକ କାଲଦାପାଲି ଗ୍ରାମରେ । ଗ୍ରାମର କିଛି ଲୋକ ଗତକାଲି(ବୁଧବାର) ସାବେରୀ ନଦୀରେ ଏକ କୁମ୍ଭୀର ଦେଖିଥିଲେ । ତେବେ କୁମ୍ଭୀରଟିକୁ ଲୋକେ ତୁରନ୍ତ ଧରି ନେଇ ବାନ୍ଧି ଦେଇଥିଲେ । ଏହାପରେ ଆରମ୍ଭ ହୋଇଥିଲା ଲୋକଙ୍କ ନୃଶଂସତା । 

ପ୍ରାୟ ୧୦ ଫୁଟ ଲମ୍ୱର ଏହି କୁମ୍ଭୀରକୁ କାବୁ କରିବା ପରେ ଲୋକେ ତା ଆଙ୍ଗୁଠି କାଟିବା ସହ ଫଟୋ ଉତ୍ତୋଳନ କରିଥିଲେ । ସୂଚନା ଅନୁଯାୟୀ ଅନେକ ଲୋକ ଏହି କୁମ୍ଭୀରଟିକୁ କାଟି ମାଂସ ଖାଇଥିବା ମଧ୍ୟ ଜଣାପଡ଼ିଛି । ତେବେ ଘଟଣା ପଦାକୁ ଆସିଥିବା ପରେ ସୁଦ୍ଧା ବର୍ତ୍ତମାନ ଯାଏଁ ବନ ବିଭାଗ କୌଣସି ପଦକ୍ଷେପ ନେଇନଥିବା ବେଳେ ଏହା ଲୋକଙ୍କ ଏକ ନିମ୍ନ ମାନସିକତାକୁ ପ୍ରକାଶ କରିଥିବା ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି ।