ଦୁଇ କନେଷ୍ଟବଳ (Police Constable) ମନୋରଞ୍ଜନ ସାବତ ଓ ରାଜେନ୍ଦ୍ର କୁମାର ଜାନି ଡ୍ୟୁଟି ଶେଷ ପରେ ମଧ୍ୟ ସେମାନଙ୍କ ଉତ୍ପାତ ଚଳାଇଥିଲେ। ସକାଳ ୭ ଟାରୁ ଅପରାହ୍ନ ୧୨ଟା ପର୍ଯ୍ୟନ୍ତ ଉଭୟଙ୍କ ଡ୍ୟୁଟି ସମୟ ହୋଇଥିଲେ ମଧ୍ୟ ଉଭୟ ମଦ୍ୟପାନ କରି ୨ଟା ପର୍ଯ୍ୟନ୍ତ ଡ୍ୟୁଟି କରୁଥିଲେ। ଆଉ ଯାଞ୍ଚ ନାଁରେ ଲୋକଙ୍କୁ ଦୁର୍ବ୍ୟବହାର ଦେଖାଇବା ସହ ନାଲି ଆଖି ଦେଖାଉଥିଲେ।
Trending Photos
କନ୍ଧମାଳ: ମାତାଲ ଅବସ୍ଥାରେ ପୋଲିସ ପୋଷାକରେ ଡ୍ୟୁଟି କରୁଥିବା ଦୁଇ କନେଷ୍ଟବଳଙ୍କ ଉନ୍ମତ୍ତ କାଣ୍ଡ। ଡ୍ୟୁଟି ନାଁରେ ଜଣେ ଅସୁସ୍ଥ ବ୍ୟକ୍ତି ଓ ଅନ୍ୟ ଜଣେ ନାବାଳକଙ୍କୁ ଦୁଇ ପୋଲିସ କର୍ମୀ ଦୁର୍ବ୍ୟବହାର କରିବା ସହ ଚାପୁଡ଼ା ମାରିଥିବା ନେଇ ଥାନାରେ ଅଭିଯୋଗ ହୋଇଛି। ଏଭଳି ଘଟଣା ଗତକାଲି କନ୍ଧମାଳ ଜିଲ୍ଲାର ଜି ଉଦୟଗିରି ଥାନା ଅଞ୍ଚଳରେ ଦେଖିବାକୁ ମିଳିଛି। ମଦ୍ୟପ ଦୁଇ କନେଷ୍ଟବଳ ହେଲେ ଜି ଉଦୟଗିରି ଥାନାରେ କାର୍ଯ୍ୟରତ ମନୋରଞ୍ଜନ ସାବତ ଓ ରାଜେନ୍ଦ୍ର କୁମାର ଜାନି।
ସୂଚନା ମୁତାବକ ଗତକାଲି ଅପରାହ୍ଣ ୨ଟା ସମୟରେ ଜି ଉଦୟଗିରି (G Udaygiri) ସହରର ଶ୍ରୀରାମପଦା ଛକରେ ମଦ୍ୟପାନ କରି ଆସିଥିବା ଦୁଇ କନେଷ୍ଟବଳ (Police Constable) ମନୋରଞ୍ଜନ ସାବତ ଓ ରାଜେନ୍ଦ୍ର କୁମାର ଜାନି ଡ୍ୟୁଟି ଶେଷ ପରେ ମଧ୍ୟ ସେମାନଙ୍କ ଉତ୍ପାତ ଚଳାଇଥିଲେ। ସକାଳ ୭ ଟାରୁ ଅପରାହ୍ନ ୧୨ଟା ପର୍ଯ୍ୟନ୍ତ ଉଭୟଙ୍କ ଡ୍ୟୁଟି ସମୟ ହୋଇଥିଲେ ମଧ୍ୟ ଉଭୟ ମଦ୍ୟପାନ କରି ୨ଟା ପର୍ଯ୍ୟନ୍ତ ଡ୍ୟୁଟି କରୁଥିଲେ। ଆଉ ଯାଞ୍ଚ ନାଁରେ ଲୋକଙ୍କୁ ଦୁର୍ବ୍ୟବହାର ଦେଖାଇବା ସହ ନାଲି ଆଖି ଦେଖାଉଥିଲେ।
Also Read: ସଙ୍କଟ! ଆସନ୍ତାକାଲି ଲଘୁଚାପ, ଆଜି ୧୯ ଜିଲ୍ଲାକୁ ୟେଲୋ ୱାର୍ଣ୍ଣିଂ
ଏହି ସମୟରେ ସଚିତ କୁମାର ପୃଷ୍ଟି ନାମକ ବ୍ୟକ୍ତି ଅସୁସ୍ଥ ଥିବାରୁ ସ୍କୁଟି ଯୋଗେ ଔଷଧ ପାଇଁ ଆସିଥିଲେ। ହେଲେ ଉକ୍ତ କନେଷ୍ଟବଳ ଦୁଇଜଣ ତାଙ୍କୁ ଦୁର୍ବ୍ୟବହାର ଦେଖାଇବା ସହ ସ୍କୁଟି ପଛରେ ବସିଥିବା ଅନ୍ୟ ଜଣେ ନାବାଳକଙ୍କୁ ଚାପୁଡ଼ା ମାରିଥିଲେ। ତେବେ ଖବର ପାଇ କିଛି ସ୍ଥାନୀୟ ଗଣମାଧ୍ୟମ ପ୍ରତିନିଧି ସେଠାରେ ପହଞ୍ଚିଥିଲେ। ଆଉ ଘଟଣା ସମ୍ପର୍କରେ ପଚାରିବାରୁ ଦୁଇ କନେଷ୍ଟବଳ ସାମ୍ବାଦିକମାନଙ୍କୁ ମଧ୍ୟ ନାଲି ଆଖି ଦେଖାଇବା ସହ ସେଠୁଚାଲି ଯାଇଥିଲେ।
ଏନେଇ ଅସୁସ୍ଥ ସଚିତ କୁମାର ପୃଷ୍ଟି ଜି ଉଦୟଗିରି ଥାନାରେ ଦୁଇ କନେଷ୍ଟବଳ ମନୋରଞ୍ଜନ ସାବତ ଓ ରାଜେନ୍ଦ୍ର କୁମାର ଜାନିଙ୍କ ନାମରେ ଅଭିଯୋଗ କରିଛନ୍ତି। ଉକ୍ତ ଘଟଣାକୁ ନେଇ ବିଭିନ୍ନ ମହଲରେ ନାପସନ୍ଦ କରାଯାଇଛି। ଗୋଟିଏ ପଟେ ପୁରୀ ବଡଦାଣ୍ଡରେ ଦାଦାଗିରି ଓ ଅନ୍ୟପଟେ ଗଜପତିରେ ନିଶାଶକ୍ତ ଅବସ୍ଥାରେ ଡ୍ୟୁଟି କରିବାକୁ ନେଇ ପୋଲିସ (Police) ପ୍ରଶାସନକୁ ଲୋକେ ସମାଲୋଚନା କରୁଛନ୍ତି। ଲକଡାଉନରେ ଖାକିଧାରୀ କ୍ଷମତାର ଅପବ୍ୟବହାର କରୁଥିବା ଅଭିଯୋଗ ହେଉଛି।