 "Fact Check: ୨୫୦ କୁକୁର ଛୁଆକୁ ମାରି ପ୍ରତିଶୋଧ ନେଲେ ରକ୍ତମୁଖା ମାଙ୍କଡ଼!")
ନୂଆଦିଲ୍ଲୀ: ପଶୁମାନଙ୍କ ବିଷୟରେ କାହାଣୀ ଏବଂ ସେମାନଙ୍କର ଆକ୍ରମଣାତ୍ମକ ଆଚରଣ ଏକ ସାଧାରଣ କଥା। ପଶୁର ଶିକାରୀ କିମ୍ବା ଶିକାର ହୋଇପାରେ। ଏହି ଆଚରଣ ପଶୁ ପଶୁ ମଧ୍ୟରେ ମଧ୍ୟ ଭିନ୍ନ ଭିନ୍ନ ହୋଇଥାଏ। କୁକୁରମାନଙ୍କର ଆକ୍ରୋଶ ବାଘଠାରୁ ଭିନ୍ନ ହୋଇଥାଏ। କିନ୍ତୁ ଯେତେବେଳେ ଆକ୍ରୋଶ କ୍ରୁରତା ଏବଂ ବର୍ବରତାରେ ପରିଣତ ହୁଏ, ସେତେବେଳେ ଏହା କଷ୍ଟଦାୟକ ହୁଏ। ଏକ ମର୍ମନ୍ତୁଦ ଘଟଣା ଘଟିଛି, ମହାରାଷ୍ଟ୍ରର ବିଡରେ ମାଙ୍କଡମାନଙ୍କର ଏକ ଦଳ ପ୍ରାୟ ୨୫୦ କୁକୁର ଛୁଆଙ୍କୁ ହତ୍ୟା କରିଥିବା ଅଭିଯୋଗ ହୋଇଛି।
ବିଭିନ୍ନ ଗଣମାଧ୍ୟମ ଦ୍ୱାରା ପ୍ରକାଶିତ ଖବର ଅନୁସାରେ ମହାରାଷ୍ଟ୍ରରେ ମାଙ୍କଡମାନେ କୁକୁରଙ୍କ ଉପରେ ପ୍ରତିଶୋଧ ନେଇଛନ୍ତି। ସୂତ୍ରରୁ ପ୍ରକାଶ ଯେ ବିଡ୍ର ମଜଲଗାଓଁରେ ଘଟିଥିବା ଏହି ଘଟଣା କିଛି ଅଜଣା କୁକୁର ଏକ ଶିଶୁ ମାଙ୍କଡକୁ ସେହି ଅଞ୍ଚଳରେ ହତ୍ୟା କରିବା ପରେ ଘଟିଛି। ସେବେଠାରୁ ମାଙ୍କଡମାନେ ଛୋଟ କୁକୁର ଛୁଆମାନଙ୍କୁ ଗଛ କିମ୍ବା କୋଠା ପରି ଉଚ୍ଚତାରୁ ଫିଙ୍ଗି ପ୍ରତିଶୋଧ ନେଉଛନ୍ତି। ମାଜଲଗାଓଁ ଠାରୁ ୧୦ କିଲୋମିଟର ଦୂରରେ ଥିବା ଲାଭୋଲ ନାମକ ଏକ ଗାଁରେ ମାଙ୍କଡମାନେ ପ୍ରାୟ ୨୫୦ କୁକୁର ଛୁଆଙ୍କୁ ହତ୍ୟା କରିଥିବା ସୂଚନା ମିଳିଛି।
ରିପୋର୍ଟ ଅନୁସାରେ ମାଙ୍କଡମାନେ ଏହି ଅଞ୍ଚଳର ପ୍ରାୟ ସମସ୍ତ କୁକୁର ଛୁଆଙ୍କୁ ହତ୍ୟା କରିଛନ୍ତି। ମାଙ୍କଡମାନଙ୍କୁ ଧରିବା ପାଇଁ ସ୍ଥାନୀୟ ଲୋକ ଜଙ୍ଗଲ ବିଭାଗର ଅଧିକାରୀଙ୍କ ସହ ଯୋଗାଯୋଗ କରିଛନ୍ତି। ତେବେ କର୍ତ୍ତୃପକ୍ଷ ତାଙ୍କୁ କାବୁ କରିବାରେ ବିଫଳ ହୋଇଛନ୍ତି। ବର୍ତ୍ତମାନ ସ୍ଥାନୀୟ ଲୋକମାନେ ଏହି ଦାୟିତ୍ୱ ନେଇଛନ୍ତି। କିନ୍ତୁ ମାଙ୍କଡମାନଙ୍କୁ ଧରିବା ପାଇଁ ଯାଇ ଉଚ୍ଚତାରୁ ଖସିପଡି ସେମାନେ ମଧ୍ୟ ଆହତ ହୋଇଛନ୍ତି। ମାଙ୍କଡମାନେ ସେହି ଅଞ୍ଚଳର ଛୋଟ ପିଲାମାନଙ୍କୁ ମଧ୍ୟ ଆକ୍ରମଣ କରିବା ଆରମ୍ଭ କରି ଦେଇଛନ୍ତି, ଯାହା ଅତ୍ୟନ୍ତ ଉଦ୍ବେଗଜନକ।
କୁହାଯାଉଛି ଯେ, ପ୍ରାୟେ ମାସେ ପୂର୍ବରୁ କୁକୁରଙ୍କ ଏକ ଦଳ ଗୋଟିଏ ମାଙ୍କଡ଼ ଛୁଆକୁ ନିର୍ଦ୍ଦୟ ଭାବରେ ହତ୍ୟା କରିଥିଲେ। ଏହି କାରଣରୁ ମାଙ୍କଡମାନେ ରକ୍ତମୁଖା ହେଲେ ଏବଂ ସେମାନେ ସେହି ଅଞ୍ଚଳର କୁକୁରମାନଙ୍କୁ ମାରିବା ଆରମ୍ଭ କଲେ। ଏଥିପାଇଁ ମାଙ୍କଡମାନେ କୁକୁରର ଛୁଆଙ୍କୁ ଏକ ଉଚ୍ଚ କୋଠାକୁ ନେଇ ସେଠାରୁ ଫୋପାଡି ଦିଅନ୍ତି। ଯେତେବେଳେ ସେଠାକାର ଲୋକମାନେ ଏହି କୁକୁରମାନଙ୍କୁ ବଞ୍ଚାଇବାକୁ ଚେଷ୍ଟା କଲେ, ମାଙ୍କଡମାନେ ମଣିଷ ଉପରେ ମଧ୍ୟ ଆକ୍ରମଣ ଆରମ୍ଭ କଲେ। ତେବେ ଦୀର୍ଘ ସମୟର କସରତ ପରେ ଜନ୍ତା ବସାଇ ବନ ବିଭାଗ ଦୁଇଟି ମାଙ୍କଡକୁ କାବୁ କରିଥିବା ଖବର ମିଳୁଛି।
କୋରୋନା ଯୋଗୁଁ ହୋଇଥିବା ଲକଡାଉନ୍ ହେତୁ ମାଙ୍କଡମାନେ ଆକ୍ରମଣାତ୍ମକ ଦେଖାଯାଉଛନ୍ତି। ଯେତେବେଳେ ୨୦୨୦ରେ ଆମେରିକାର ରାଷ୍ଟ୍ରପତି ତାଜମହଲ ଦେଖିବାକୁ ଆସିଥିଲେ, ସେତେବେଳେ ତାଙ୍କୁ ମାଙ୍କଡଠାରୁ ରକ୍ଷା କରିବା ପାଇଁ ସଶସ୍ତ୍ର ସ୍ୱତନ୍ତ୍ର ଦଳ ଗଠନ କରାଯାଇଥିଲା। ଧୀରେ ଧୀରେ ବନ୍ୟ ଜନ୍ତୁ ଜଙ୍ଗଲ ଛାଡି ଜନବସତି ମୁହାଁ ହେଉଛନ୍ତି। ଫଳରେ ଲୋକଙ୍କ ସହ ସେମାନଙ୍କୁ ମୁହାଁମୁହିଁ ହେବା ଆଶଙ୍କା ବୃଦ୍ଧା ପାଉଛି।
ଜୀ ମିଡିଆ ଫ୍ୟାକ୍ଟ ଚେକ୍
ଜୀ ମିଡିଆ ସମ୍ବାଦଦାତା ବିଷ୍ଣୁ ବୁର୍ଗେଙ୍କ ଦ୍ୱାରା ସଂଗ୍ରହିତ ତଥ୍ୟ ଅନୁଯାୟୀ, ମାଙ୍କଡ ଛୁଆ ଉପରେ କୁକୁରଙ୍କ ଆକ୍ରମଣ ଘଟଣାର କୌଣସି ସତ୍ୟତା ନାହିଁ। ପ୍ରଚାର ହେଉଥିବା ଖବର ସବୁ ଶୁଣା କଥା। ଏହା ସତ ଯେ, ଗତ କିଛି ମାସ ମଧ୍ୟରେ ଏଠାରେ ଥିବା ମାଙ୍କଡମାନେ ଅନେକ କୁକୁର ଛୁଆକୁ ଗାଁର ବିଭିନ୍ନ ଅଟ୍ଟାଳିକାର ଛାତକୁ ନେଇ ଚାଲିଯାଇଥିଲେ। ତିନି-ଚାରୋଟି ଘଟଣାରେ ମାଙ୍କଡମାନେ କିଛି ଛୁଆକୁ ଗଛକୁ ନେଇ ଯାଇଥିଲେ, ଯେଉଁଠାରୁ ଏହି ଛୁଆମାନେ ତଳେ ପଡ଼ିଯିବା ପରେ ମୃତ୍ୟୁ ବରଣ କରିଥିଲେ। ମାଙ୍କଡମାନେ ଛାତ ଉପରୁ କୁକୁର ଛୁଆମାନଙ୍କୁ ତଳେ ପକାଇ ନଥିବା ବେଳେ ଛାତ ଉପରେ ଛାଡିଦେବାରୁ ଅନାହାରରେ ସେମାନେ ମୃତ୍ୟୁବରଣ କରିଥିଲେ।
ଗାଁରେ ମାଙ୍କଡ଼ର ଆତଙ୍କ ଯୋଗୁଁ ଲୋକମାନେ ଛାତକୁ ଯାଆନ୍ତି ନାହିଁ। କୁକୁର ଛୁଆମାନେ ଛାତରୁ ଓହ୍ଲାଇବାର ରାସ୍ତା ଜାଣନ୍ତି ନାହିଁ କିମ୍ବା କିଛି ଖାଇବାକୁ ମଧ୍ୟ ପାଆନ୍ତି ନାହିଁ। ସେଥିପାଇଁ ଏହି ଛୁଆମାନଙ୍କର ମୃତ୍ୟୁର କାରଣ ଅନାହାର ହୋଇପାରେ। ଏଥି ସହିତ, ବିଶେଷଜ୍ଞମାନେ କୁହନ୍ତି ଯେ ସାଧାରଣତ ମାଙ୍କଡମାନେ କୁକୁରମାନଙ୍କୁ ମାରାତ୍ମକ ଆକ୍ରମଣ କରନ୍ତି ନାହିଁ। କିନ୍ତୁ ମାଙ୍କଡମାନେ କୁକୁର ଛୁଆମାନଙ୍କ ଚର୍ମରେ ରହୁଥିବା ଜୀବାଣୁ ପାଇଁ ଉଠାଇ ନେଇଥିବେ ବୋଲି ପଶୁ ବିଶେଷଜ୍ଞମାନେ କୁହନ୍ତି।
)