ମଦ ପାଇଁ କରି ନଥିଲେ ଚାଖଣା ବ୍ୟବସ୍ଥା, ସାଙ୍ଗକୁ କଲା ନିର୍ମମ ହତ୍ୟା

ଚେନ୍ନାଇ: ଲକଡାଉନ୍ ମଧ୍ୟରେ ମଦର ଚାହିଦା ବଢ଼ିବାରେ ଲାଗିଛି । ଫଳରେ ବିଗତ ଦିନରେ ସରକାର ଲକଡାଉନ୍ ନିୟମକୁ କୋହଳ କରି ମଦ ଦୋକନା ଖୋଲିବାକୁ ନିଷ୍ପତ୍ତି ନେଇଥିଲେ । କିନ୍ତୁ ଏହାପରେ ଦେଶର ବିଭିନ୍ନ ସ୍ଥାନରେ ବିଶୃଙ୍ଖଳା ଦେଖିବାକୁ ମିଳିଥିଲା । ଏହି କ୍ରମରେ ତାମିଲନାଡୁର ଜଣେ ବ୍ୟକ୍ତି ନିଜ ବନ୍ଧୁଙ୍କୁ ଏଥିପାଇଁ ହତ୍ୟା କଲା ଯେ ମଦ ପାଇଁ ସେ ଚାଖଣା ବ୍ୟବସ୍ଥା କରି ନଥିଲେ ।  

ପ୍ରକୃତରେ ତାମିଲନାଡୁର ଚେଙ୍ଗଲପୁରା ଜିଲ୍ଲାର ଗୁଦୁଭାନଚେରୀ ସହରରେ ଜଣେ ୩୮ ବର୍ଷୀୟ ବ୍ୟକ୍ତି କଥିତ ଭାବେ ନିଜ ୪୩ ବର୍ଷୀୟ ବନ୍ଧୁଙ୍କୁ ଛୁରୀରେ ହତ୍ୟା କରିଥିବା ଅଭିଯୋଗ ହୋଇଛି । କାରଣ ସେ ମଦ ସହିତ ଚାଖଣା ବ୍ୟବସ୍ଥା କରି ନଥିଲେ । ତେବେ ବାସୁ ନାମକ ଅଭିଯୁକ୍ତକୁ ପୋଲିସ ଏପର୍ଯ୍ୟନ୍ତ ଗିରଫ କରିପାରିନାହିଁ ।

ଉଭୟ ରିଅଲ୍ ଇଷ୍ଟେଟ୍ ବ୍ୟବସାୟରେ ଦଲାଲ୍ ବା ବ୍ରୋକର ଭାବରେ କାମ କରୁଥିଲେ । ଅଧିକ ଆୟ ପାଇଁ କ୍ୟାବ୍ ଚଲାଉଥିଲେ । ଫୁଲ ବିକ୍ରି ମଧ୍ୟ କରୁଥିଲେ । ତାମିଲନାଡୁରେ ଲକଡାଉନ୍ ସମୟରେ ମଦ ଦୋକାନ ଖୋଲିବା ପରେ ଦୁହେଁ ମଦ ପିଇବାକୁ ଯୋଜନା କରିଥିଲେ । ଯୋଜନା ଅନୁଯାୟୀ ବିନାୟଗାମଙ୍କୁ ମଦ କିଣିବାକୁ ପଡୁଥିବାବେଳେ ଅନ୍ୟ ଜଣେ ବନ୍ଧୁ ବାସୁଙ୍କୁ ସାଇଡ୍ ଡିସ୍ ପାଇଁ ବତକର ମାଂସ କିଣି ରାନ୍ଧିବାର ଥିଲା । ବାସୁ ତାଙ୍କ ବନ୍ଧୁଙ୍କ ସହିତ ମଦ ପିଇବାକୁ ଏକ ଫାର୍ମକୁ ନିମନ୍ତ୍ରଣ କରିଥିଲେ । ଯେତେବେଳେ ସେମାନେ ପିଇବାକୁ ବସିଲେ । ବାସୁ ତାଙ୍କ ବନ୍ଧୁଙ୍କୁ କହିଥିଲେ ଯେ ସେ ବତକ ମାଂସ ଆଣି ନାହାଁନ୍ତି ।

ଏହା ଶୁଣି ବିନାୟଗାମ ବହୁତ ରାଗି ଯାଇଥିଲା । ଦୁହେଁ ଯୁକ୍ତିତର୍କ ଆରମ୍ଭ କଲେ । ବାସୁଙ୍କୁ ଛୁରୀ ମାଡ଼ି ବିନାୟଗାମ ଘଟଣାସ୍ଥଳରୁ ଫେରାଇ ହୋଇଯାଇଥିଲା । ପରେ ବିନାୟଗାମଙ୍କ ମୃତଦେହକୁ ଜଣେ ବ୍ୟକ୍ତି ଦେଖିଥିଲେ । ଏହା ପରେ ସେ ପୋଲିସକୁ ସୂଚନା ଦେଇଥିଲେ । ଘଟଣାସ୍ଥଳରେ ପହଞ୍ଚିଥିବା ପୋଲିସ ଟିମ୍ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଛି ।