 "ବୋହୂକୁ ଜୀଅନ୍ତା ଜାଳିଦେଲେ ଶାଶୁଘର!")
ପ୍ରେମାନନ୍ଦ ପୂଜାରୀ, ଗଜପତି: ମୋହନା ଥାନା ଢେପାଗୁଡା ପଞ୍ଚାୟତର ଗୋଠକେଳି ଗାଁ ଘଟିଯାଇଛି ଏକ ଅଭାବନୀୟ ଘଟଣା। ବିବାହିତା ମହିଳାକୁ ନିର୍ଯ୍ୟାତନା ଦେବା ସହ ତାଙ୍କୁ ଶାଶୁଘର ଲୋକେ ଜୀଅନ୍ତା ଜାଳିଦେଇଥିବା ଅଭିଯୋଗ ଗୋଇଛି। ମୃତ୍ୟୁ ସହ ସଂଗ୍ରାମ କରି ଛଟପଟ ହେଉଥିବା ମଧୁସୂଦନ ବେହେରାଙ୍କ ସ୍ତ୍ରୀ ମାନିନୀ ଚିକିତ୍ସିତ ଅବସ୍ଥାରେ ଆଖି ବୁଜିଛନ୍ତି।
୨୦୧୬ ମସିହାରେ ଦିଗପହଣ୍ଡି ଥାନା (Digapahandi Police) ଅନ୍ତର୍ଗତ ନରସିଂହପୁର ଗ୍ରାମର ନାରାୟଣ ନାୟକଙ୍କ ଝିଅ ମାନିନୀ, ମୋହନା ଗୋଠକୋଳି ଗ୍ରାମର କୈଲାସ ବେହେରାଙ୍କ ପୁଅ ମଧୁସୂଦନଙ୍କୁ ବୈଦିକ ରିତିରେ ବିବାହ କରିଥିଲେ। ହସଖୁସିରେ ଚାଲିଥିବା ବୈବାହିକ ଜୀବନରେ ଗୋଟିଏ ପରେ ଗୋଟିଏ କନ୍ୟା ସନ୍ତାନ ଜନ୍ମ ନେଇଥିଲା। ତେବେ ନିଜର ସେହି କନ୍ୟା ସନ୍ତାନଙ୍କୁ ନେଇ କିଛି ଦିନ ହେଲା ଉଭୟଙ୍କ ମଧ୍ୟରେ ପାଟି ତୁଣ୍ଡ ଚାଲିଥିଲା।
Also Read: ହୋମଗାର୍ଡଙ୍କ ଆକ୍ରମଣରେ ଯୁବକ ଲହୁଲୁହାଣ
କନ୍ୟା ସନ୍ତାଙ୍କୁ ନେଇ ସ୍ୱାମୀ ମଧୁସୂଦନ, ସ୍ତ୍ରୀ ମାନିନୀକୁ ଶାରୀରିକ ଓ ମାନସିକ ଯନ୍ତ୍ରଣା ଦେଇ ଚାଲିଥିଲେ। ୨୦୧୯ ମସିହାରେ ତାଙ୍କର ଏକ ପୁତ୍ରସନ୍ତାନ ଜନ୍ମ ହୋଇଥିଲା। ପୁତ୍ରସନ୍ତାନ ଜନ୍ମ ପରେ ସ୍ତ୍ରୀ ଉପରେ ସନ୍ଦେହ କରି ମୋର ପୁଅ ନୁହେଁ ବୋଲି ମଧୁସୂଦନ କହି ଆସୁଥିଲେ। ସମାନ ଅଭିଯୋଗରେ ମଧୁସୂଦନଙ୍କ ବାପା କୈଳାସ ବେହେରା, ମା ରତନୀ, ଯା ସୁନା ବେହେରା, ଦେଢଶୁର ଲୋଚନ ବେହେରା, ଦିଅର ଜାରା ବେହେରା, ନଣନ୍ଦ ଜୋସ୍କା ମାଳି ମିଶି ପ୍ରତ୍ୟେକ ଦିନ ମାନିନୀଙ୍କୁ ଶାରିରୀକ ଓ ମାନସିକ ନିର୍ଯ୍ୟାତନା (Mental Harassment) ଦେଇ ଆସୁଥିଲେ।
ଶାଶୁଘରେ ପାଉଥିବା ନିର୍ଯାତନା ବିଷୟରେ ମାନିନୀ ନିଜ ଭାଇ କୁମୁଦ ନାୟକଙ୍କୁ ଫୋନ ମାଧ୍ୟମରେ ବାରମ୍ଵାର ଜଣାଇ ଆସୁଥିଲେ। ଏହି ଘଟଣାକୁ ନେଇ ଦୁଇ ପରିବାର ମଧ୍ୟରେ ମତାନ୍ତର ଲାଗିରହିଥିଲା ରହିଥିଲା। ଚଳିତ ମାସ ୧୩ ତାରିଖ ଅପରାହ୍ନ ୩ଟାରେ ମାନିନୀକୁ ହାତ ଗୋଡ଼ ବାନ୍ଧିପାଟିରେ କନା ବିଣ୍ଡା ଦେଇ କିରୋସିନି ପକାଇ ଜୀଅନ୍ତା ମାରିଦେବା ପାଇଁ ଉଦ୍ୟମ କରିଥିଲେ। କିନ୍ତୁ ଅର୍ଦ୍ଧଦଗ୍ଧ ଅବସ୍ଥାରେ ତାଙ୍କୁ ବ୍ରହ୍ମପୁର ମେଡିକାଲରେ ଭର୍ତ୍ତି କରାଯାଇଥିଲା। ସେଠି ମାନିନୀର ଅବସ୍ଥା ଗୁରୁତର ହେବାରୁ ତାଙ୍କୁ ଭୁବନେଶ୍ଵର ସୋମ ହସ୍ପିଟାଲରେ ଭର୍ତ୍ତି କରିଥିବାବେଳେ ସେଠି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ଏନେଇ ଭୁବନେଶ୍ଵରସ୍ଥିତ (Bhubaneswar) ଭାରତପୁର ଥାନାରେ କେସ ନଂ୫୨/୨୧ ରେ ଏକ ଅପମୃତ୍ୟୁ ରୁଜ୍ଜୁ ହୋଇଛି। ଏହା ସହ କ୍ୟାପିଟାଲ ମେଡ଼ିକାଲ (Capital Hospital) ରେ ଶବ ବ୍ୟବଚ୍ଛେଦ କରାଯାଇଥିବା ମୃତ ମାନିନୀର ବଡ଼ ଭାଇ ପ୍ରମୋଦକୁ ମୁତଦେହ ହସ୍ତାନ୍ତର କରାଯାଇଛି। ସେପଟେ ଶାଶୁଘର ଲୋକ ଭଉଣୀ ମାନିନୀଙ୍କୁ ଜିଅନ୍ତା ଜାଳି ମାରିଦେଇଥିବା ନେଇ କୁମୁଦ, ମୋହନା ଥାନାରେ ଲିଖିତ ଅଭିଯୋଗ କରିଛନ୍ତି। ଏନେଇ ମୋହନାଥାନା ଅଧିକାରୀ ସୁଜିତ କୁମାର ନାୟକ ଏକ ମାମଲା ରୁଜ୍ଜୁ କରି ତଦନ୍ତ ଚଳାଇଛନ୍ତି।
)