ଆଉ ଏକ ନିର୍ଭୟା: ନ୍ୟାୟ ପାଇବ ତ !

ନୂଆଦିଲ୍ଲୀ: Hathras Gang-Rape Case: ଦୀର୍ଘ ୮ ବର୍ଷର ସଂଘର୍ଷ ପରେ ନ୍ୟାୟ ପାଇଥିଲେ ନିର୍ଭୟା । ଏ କୋର୍ଟରୁ ସେ କୋର୍ଟ, ସେ କୋର୍ଟରୁ ଏ କୋର୍ଟ ୮ ବର୍ଷ ଧରି ଦୌଡ଼ି ଦୌଡ଼ି ନୟାନ୍ତ ହୋଇ ପଡ଼ିଥିଲେ ନିର୍ଭୟାଙ୍କ ବାପା ମା । ଆଉ ଗତ ମାର୍ଚ୍ଚ ୨୦ ତାରିଖରେ ଫାଶୀ ପାଇବା ପରେ ନିର୍ଭୟା ନ୍ୟାୟ ପାଇଥିଲେ । ତେବେ ନିର୍ଭୟା ଅପରାଧୀମାନେ ଫାଶୀ ପାଇବା ପରେ ଏଭଳି ନରସଂହାର ମାମଲା ଥମିଯିବା ନେଇ ଦେଶବାସୀ ଆଶା କରିଥିଲେ । ମାତ୍ର ନିର୍ଭୟା ଅଭିଯୁକ୍ତଙ୍କ ଫାଶୀ ପାଇବା ଘଟଣାକୁ ୭ ମାସ ନ ପୁରୁଣୁ ଆଉ ଏକ ନିର୍ଭୟା କାଣ୍ଡ ଉତ୍ତର ପ୍ରଦେଶର ଛାତି ଉପରେ ଘଟିଯାଇଛ । 

ଉତ୍ତର ପ୍ରଦେଶର ହତରାଶ ଅଞ୍ଚଳରେ ଜଣେ ୧୯ ବର୍ଷୀୟ ବାଳିକାର ଗଣଦୁଷ୍କର୍ମ ଘଟଣା ସାମ୍ନାକୁ ଆସିଛି । ଆଉ ଏହି ଲୋମଟାଙ୍କୁରା ଘଟଣାର ଶିକାର ହୋଇଥିବା ପୀଡ଼ିତା ଜଣକ ଆଜି ଦିଲ୍ଲୀର ସଫଦରଜଙ୍ଗ ଡାକ୍ତରଖାନାରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଯାହାକୁ ନେଇ ସାଧାରଣରେ କ୍ଷୋଭ ଯେତିକି ପ୍ରକାଶ ପାଇନାହିଁ, ସେତିକି ରାଜନୀତି ମଧ୍ୟ ଜୋର ଧରିଛି । 

 ଅଧିକ ପଢ଼ନ୍ତୁ:-ପ୍ରତି ୧୬ ସେକେଣ୍ଡରେ ଜଣଙ୍କର ଜୀବନ ନେଉଛି କୋରୋନା

ହତରାଶ ଦୁଷ୍କର୍ମ ଘଟଣାର ପୀଡ଼ିତା ଆଜି ଦିଲ୍ଲୀର ସଫଦରଜଙ୍ଗରେ ମୃତ୍ୟୁ ବରଣ କରିଛନ୍ତି । ଦୀର୍ଘ କିଛି ଦିନ ଧରି ଏହି ଡାକ୍ତରଖାନାରେ ଚିକିତ୍ସାଧିନ ଥିଲେ । ଘଟଣା ଘଟିଥିଲା ଚଳିତମାସ ୧୪ ତାରିଖରେ । ତୁରନ୍ତ ତାଙ୍କୁ ଉତ୍ତରପ୍ରଦେଶର ଏକ ଡାକ୍ତରଖାନାରେ ଭର୍ତ୍ତି କରିବା ପରେ ସେଠାରୁ ଦିଲ୍ଲୀର ସଫଦରଜଙ୍ଗରେ ଆଜି ଶେଷ ନିଶ୍ୱାସ ତ୍ୟାଗ କରିଛନ୍ତି । ତେବେ ମୃତ୍ୟୁ ପରେ ଝିଅକୁ ନ୍ୟାୟ ଦେବା ଦାବିରେ ଆନ୍ଦୋଳନରେ ବସିଛନ୍ତି ପୁରା ପରିବାର । 

ସେପଟେ ମୃତକଙ୍କ ଭାଇ ବେଶ ଚାଞ୍ଚଲ୍ୟକର ବୟାନ ଦେଇଛନ୍ତି । କହିଛନ୍ତି କି ଘଟଣା ଦିନ ପୋଲିସ ନିକଟରେ ଅଭିଯୋଗ କରିଥିଲେ ମଧ୍ୟ ପୋଲିସ ଆମ୍ବୁଲାନ୍ସର ବ୍ୟବସ୍ଥା କରିନଥିଲା । ଭଉଣୀ ମାଟି ଉପରେ ଶୋଇ ରହିଥିଲା । ମିଛରେ, ଛଳନା କରି ତୁମ ଭଉଣୀ ଏଠାରେ ଶୋଇ ରହିଛି । ତାକୁ ଏଠାରୁ ନେଇ ଯାଅ ବୋଲି ମୃତକଙ୍କ ଭାଇ ଗଣମାଧ୍ୟମ ନିକଟରେ ପ୍ରକାଶ କରିଛନ୍ତି । 

ଅଧିକ ପଢ଼ନ୍ତୁ:-ଉତ୍ତର ପ୍ରଦେଶରେ କଂଗ୍ରେସକୁ ମଜଭୁତ କରିବା ପାଇଁ ଗୁପ୍ତ ଭାବେ ଏହି କାମ କରୁଛନ୍ତି ପ୍ରିୟଙ୍କା

ସେ ଆହୁରି ମଧ୍ୟ କହିଛନ୍ତି କି, ଏଠାରେ ଭଉଣୀଙ୍କର ଶବ ବ୍ୟବଚ୍ଛେଦ ହୋଇ ସାରିଛି । ମାତ୍ର କୌଣସି ରିପୋର୍ଟ ଆମକୁ ହସ୍ତାନ୍ତର କରାଯାଇନାହିଁ । ଏପର୍ଯ୍ୟନ୍ତ ଭଉଣୀର ମୃତଦେହକୁ ମଧ୍ୟ ଆମକୁ ହସ୍ତାନ୍ତର କରାଯାଇନାହିଁ ବୋଲି ସେ କହିଛନ୍ତି । ସେପଟେ ଏକ ମାମଲା ରୁଜୁ କରିବା ପାଇଁ ପ୍ରାୟ  ୮ ରୁ ୧୦ ଦିନ ପର୍ଯ୍ୟନ୍ତ ସମୟ ଲାଗିଥିଲା ପୋଲିସକୁ ବୋଲି ସେ କହିଛନ୍ତି । 

ଅଧିକ ପଢ଼ନ୍ତୁ:-ମଙ୍ଗଳ ଗ୍ରହରେ ମିଳିଲା ପାଣି, ମାଟି ତଳେ ପୋତି ରହିଛି ୩ଟି ହ୍ରଦ

ସୂଚନାଯୋଗ୍ୟ, ହତରାଶ ଗଣଦୁଷ୍କର୍ମ ଘଟଣାରେ ପୀଡ଼ିତାଙ୍କ ପରିବାର ୪ ଜଣଙ୍କୁ ଅଭିଯୁକ୍ତ ବୋଲି ଦର୍ଶାଇଛନ୍ତି । ଅଭିଯୁକ୍ତ ମାନେ ଘଟଣା ଭିଆଇବା ପରେ ସେଠାରେ ଫିଙ୍ଗି ଦେଇ ଚାଲିଯାଇଥିଲେ । ଖବର ପାଇ ପୀଡ଼ିତାଙ୍କୁ ଉଦ୍ଧାର କରିବା ସହିତ ଅଲିଗଡ଼ ମୁସଲିମ ଡାକ୍ତରଖାନାରେ ଭର୍ତ୍ତି କରିଥିଲେ । ପ୍ରାଥମିକ ଚିକିତ୍ସା ପରେ ପୀଡ଼ିତାଙ୍କୁ ସଫଦରଜଙ୍ଗ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । 

ଏନେଇ ଅଲିଗଡ଼ ଡାକ୍ତରଖାନାର ଡାକ୍ତର ଏମଏଫ ହୁଡ୍ଡା କହିଛନ୍ତି କି, ଗତ 14 ତାରିଖରେ ପୀଡ଼ିତାଙ୍କୁ ତାଙ୍କ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତାଙ୍କ ଶରୀରରେ ଏକାଧିକ ଚିହ୍ନ ରହିଥିଲା । ତାଙ୍କର ବେକ ହାଡ଼, ମେରୁହାଡ଼ ପ୍ରମୁଖ ଭାଙ୍ଗି ଯାଇଥିଲା । ଜିଭକୁ ମଧ୍ୟ ଅପରାଧିମାନେ କାଟିଦେଇଥିଲେ । ପୀଡିତାଙ୍କୁ ସଙ୍ଗେସଙ୍ଗେ ଆଇସିୟୁରେ ଭର୍ତ୍ତି କରାଯାଇଥିଲା । ଯଥାସମ୍ଭବ ତାଙ୍କର ଚିକିତ୍ସା କରାଯାଇଥିବା ନେଇ ସେ ସୂଚନା ଦେଇଛନ୍ତି ।