ସମ୍ବଲପୁରରେ ନେତାଙ୍କ ତାଲିବାନୀ ଶାସନର ଭିଡିଓ ଭାଇରାଲ

ଅନ୍ୟ ଏକ ଭିଡିଓରେ ସମ୍ପୃକ୍ତ ଲୋକକୁ ବାଡିରେ ମାଡ ମାରିବା ସହିତ ପ୍ଲାଷ୍ଟିକ ଜାର ବାହାର କରି ତରଳ ପଦାର୍ଥ ଢାଳୁ ଥିବାର ଦୃଶ୍ୟ ଦେଖିବାକୁ ମିଳିଛି । ଏପଟେ ଏହି ଭିଡିଓ ଭାଇରାଲ ହେବା ପରେ ପୋଲିସ ୫ ଜଣଙ୍କୁ ଅଟକ ରଖି ପଚରାଉଚୁରା ଜାରି ରଖିଛି ।

ସମ୍ବଲପୁରରେ ନେତାଙ୍କ ତାଲିବାନୀ ଶାସନର ଭିଡିଓ ଭାଇରାଲ
ପ୍ରତୀକାତ୍ମକ ଫଟୋ

ଅଜୟ କୁମାର ନାଥ, ସମ୍ୱଲପୁର: ସମ୍ବଲପୁରରେ ନେତାଙ୍କ ତାଲିବାନୀ ଶାସନର ଭିଡିଓ ଭାଇରାଲ ହୋଇଛି । ସମ୍ବଲପୁର ସଦର ଥାନା ଅନ୍ତର୍ଗତ କବାରାପାଲି ଗ୍ରାମପଂଚାୟତର ଗୋଲକୁଣ୍ଡା ଗ୍ରାମରେ ଜଣେ ବ୍ୟକ୍ତିଙ୍କୁ ଗ୍ରାମର ଜଙ୍ଗଲରେ ୬ ଜଣ ଯୁବକ ମାଡ ମାରିବା ସହିତ ଦେହରେ ତରଳ ପଦାର୍ଥ ଢାଳୁଥିବାର ଭିଡିଓ ଭାଇରାଲ ହୋଇଛି । ଭିଡିଓରେ ପ୍ରଥମେ ସମ୍ପୃକ୍ତ ଲୋକକୁ ନେତା ଜଣକ ପାଖରେ ବସାଇଥିବାବେଳେ ନେତାଙ୍କ କର୍ମୀମାନେ ଯୁବକକୁ ମାଡ ମାରି ଚେନ୍ କିଏ ଚୋରାଇଲା ବୋଲି ପ୍ରଶ୍ନ କରିଛନ୍ତି ।

ଅନ୍ୟ ଏକ ଭିଡିଓରେ ସମ୍ପୃକ୍ତ ଲୋକକୁ ବାଡିରେ ମାଡ ମାରିବା ସହିତ ପ୍ଲାଷ୍ଟିକ ଜାର ବାହାର କରି ତରଳ ପଦାର୍ଥ ଢାଳୁ ଥିବାର ଦୃଶ୍ୟ ଦେଖିବାକୁ ମିଳିଛି । ଏପଟେ ଏହି ଭିଡିଓ ଭାଇରାଲ ହେବା ପରେ ପୋଲିସ ୫ ଜଣଙ୍କୁ ଅଟକ ରଖି ପଚରାଉଚୁରା ଜାରି ରଖିଛି । ତେବ ମାଡ ଖାଇଥିବା ବ୍ୟକ୍ତି ଅମରେଶ ଦୁଆନ ବୋଲି ଜଣା ପଡିଛି । ଏହା ସହ ସେ ହସ୍ପିଟାଲରେ ଭର୍ତ୍ତି ଅଛନ୍ତି ।