ଟ୍ୟାବ୍ ନ ମିଳିବାରୁ ଆତ୍ମହତ୍ୟା କଲେ ଶ୍ରମିକଙ୍କ ପୁଅ

ମୁମ୍ବାଇ: ମହାରାଷ୍ଟ୍ରରେ ଆଖୁ ଭାଙ୍ଗିବା କାମ କରୁଥିବା ଜଣେ ଶ୍ରମିକଙ୍କ ପୁଅ ଟ୍ୟାବ ନ ମିଳିବାରୁ ଆତ୍ମହତ୍ୟା କରିଛି । ଏହି ଘଟଣା ମହାରାଷ୍ଟ୍ରର ୱିଡ୍ ଜିଲ୍ଲାର ଗେବରାଇ ତାଲୁକାରେ ଘଟିଛି । ମୃତ ବାଳକଟିର ନାଁ ଅଭିଷେକ ସନ୍ତ ବୋଲି କୁହାଯାଉଛି ।

ମିଳିଥିବା ସୂଚନା ଅନୁଯାୟୀ, ଏହି ଆଖୁ ଶ୍ରମିକଙ୍କ ପରିବାର ମହାରାଷ୍ଟ୍ରର ୱିଡ୍ ଜିଲ୍ଲାର ଗେବରାଇ ତାଲୁକାରେ ରୁହନ୍ତି । ଅଭିଷେକ ଦଶମ ଶ୍ରେଣୀରେ ପଢୁଥିଲେ । ଅନଲାଇନ୍ ପଢ଼ିବା ପାଇଁ ଶ୍ରମିକଙ୍କ ବାପାଙ୍କ ଠାରୁ ଏକ ଟ୍ୟାବ୍ ମାଗିଥିଲେ । ବାପାଙ୍କ ପାଖରେ ଟଙ୍କା ନଥିଲା । ସେ କହିଥଲେ ଯେ, କିଛି ଦିନ ମଧ୍ୟରେ ସେ କୌଣସି ସ୍ଥାନରୁ ଟଙ୍କା ବନ୍ଦୋବସ୍ତ କରି ତାକୁ ଟ୍ୟାବ୍ କିଣି ଦେବେ । କିନ୍ତୁ ଟ୍ୟାବ୍ ନ ପାଇବାରୁ ପୁଅ ଆତ୍ମହତ୍ୟା କରିଛି ।

ଏପର୍ଯ୍ୟନ୍ତ ମିଳିଥିବା ସୂଚନା ଅନୁଯାୟୀ, ବାପା କହିଥିଲେ ଯେ, ଖରିଫ ଫସଲ ବୁଣିବାର ସମୟ ଆସିଛି । ଅମଳ ପରେ ଟଙ୍କା ପାଇବା ମାତ୍ରେ ସେ ଟ୍ୟାବ୍ କିଣି ଦେବେ । କିନ୍ତୁ ଅଭିଷେକ ଆତ୍ମହତ୍ୟା କରିଥିଲେ ।

Add Zee News as a Preferred Source

ଉଲ୍ଲେଖନୀୟ କଥା ହେଉଛି, କୋରୋନା ଭାଇରସ ମହାମାରୀ ଯୋଗୁଁ ବିଦ୍ୟାଳୟଗୁଡ଼ିକ ବନ୍ଦ ରହିଛି । ବିଦ୍ୟାଳୟଗୁଡ଼ିକ ଅନଲାଇନ୍ କ୍ଲାସ୍ ଚଳାଉଛନ୍ତି । ଏଥିପାଇଁ ଛାତ୍ରମାନେ ଏକ କମ୍ପ୍ୟୁଟର, ଟାବଲେଟ୍ କିମ୍ବା ମୋବାଇଲ୍ ଆବଶ୍ୟକ କରନ୍ତି । ଏହା ବ୍ୟତୀତ ଇଣ୍ଟରନେଟ୍ ମଧ୍ୟ ଆବଶ୍ୟକ । ଗରିବଙ୍କ ପାଇଁ ନିଜ ପିଲାମାନଙ୍କୁ ଏହି ସୁବିଧା ଯୋଗାଇବା ପାଇଁ ଆର୍ଥିକ ବୋଝ ସୃଷ୍ଟି ହେଉଛି ।